Ibrani 13:7 - Perjanjian Baru Bahasa Melayu Maluku Utara

⁷ Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

Ibrani 13:7 ပူးပေါင်းရင်းမြစ်များ

Matius 24:45

Yesus bilang lagi, “Kalu ada orang karja yang pande deng setia, dia pe tuang angka pa dia jadi kapala untuk kase makang pa dia pe orang-orang karja yang laeng pas di dia pe waktu.

Lukas 12:42

Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Lukas 5:1

Satu kali, Yesus badiri di talaga Genesaret pe pinggir, kong banya orang baku-baku gepe la mo dengar Tuhan Allah pe firman.

Lukas 8:11

Ini umpama tadi itu pe arti: bibit itu Tuhan Allah pe firman.

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Kisah Para Rasul 14:23

Pe abis bilang bagitu, Paulus deng Barnabas tunju penatua-penatua untuk tiap-tiap jemaat. Dorang bapuasa deng berdoa, kong serakan penatua-penatua itu pa Tuhan yang dong percaya itu supaya Dia pake pa dorang.

Kisah Para Rasul 4:31

Pe abis berdoa, ruma yang dorang pake bakumpul itu tagoyang, kong Roh Kudus kuasai pa dorang samua. Abis itu, dorang pigi kase tau Tuhan Allah pe Kabar Bae tentang Yesus pa orang-orang deng barani.

Roma 10:17

Jadi, orang musti dengar dulu kabar tentang Yesus Kristus, baru dorang mo percaya. Deng, dorang bisa dengar kabar tentang Yesus Kristus, kalu ada orang yang kase tau kabar itu pa dorang.

1 Korintus 10:13

Tiap kali ngoni dapa coba untuk biking dosa, ngoni musti inga, samua manusia jaga dapa cobaan macam bagitu. Tapi Tuhan Allah salalu setia deng Dia pe janji pa ngoni, jadi Dia tara akan kase biar ngoni dapa cobaan yang lebe dari yang ngoni mampo tanggung. Waktu ngoni dapa cobaan, Dia akan kase jalang kaluar, supaya ngoni mampo tahang mangada cobaan itu.

1 Korintus 11:1

Ngoni iko suda kita pe cara hidup, sama deng kita lagi iko Yesus Kristus pe cara hidup.

1 Korintus 4:16

Karna itu, kita minta deng sunggu-sunggu pa ngoni, iko suda kita pe cara hidup.

Filipi 3:17

Sudara-sudara, kita minta pa ngoni supaya ngoni iko kita pe cara hidup. Kong perhatikan lagi orang-orang yang pe cara hidup sama deng torang tiga pe cara hidup, la ngoni lagi bole iko bagitu.

1 Tesalonika 1:6

Turus, torang pe cara hidup itu ngoni iko. Conto itu dari Tuhan sandiri. Biar ada orang yang siksa pa ngoni, Roh Kudus bantu pa ngoni sampe ngoni tetap tarima Kabar Bae deng sanang.

1 Tesalonika 2:13

Torang lagi salalu bilang tarimakasi pa Tuhan Allah karna waktu torang kase tau pa ngoni Kabar Bae dari Tuhan Allah, ngoni tarima itu deng sanang hati. Ngoni tarima Kabar Bae itu karna ngoni tau, kata-kata itu bukang dari manusia, tapi dari Tuhan Allah. Deng memang itu butul dari Tuhan Allah. Kong Kabar Bae itu bakarja di ngoni pe hati yang percaya pa Yesus Kristus.

2 Tesalonika 3:7

Barang, ngoni sandiri tau, ngoni musti ambe conto torang pe cara hidup deng iko apa yang torang jaga biking. Karna waktu torang sama-sama deng ngoni, torang tara perna pamalas mancari.

2 Tesalonika 3:9

Torang biking itu bukang karna torang tarada hak untuk jemaat bantu pa torang. Tapi torang tara mau pake hak itu. Torang karja karas bagitu, karna torang suka jadi conto untuk ngoni, supaya ngoni bole iko.

1 Timotius 3:5

Karna kalu dia tara tau ator dia pe keluarga sandiri, bagimana dia bisa ator Tuhan Allah pe jemaat?

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

Ibrani 13:24

Ngoni kase sampe tong pe salam pa samua ngoni pe pemimpin jemaat deng pa samua orang yang so jadi Tuhan Allah pe umat di situ. Sudara-sudara yang percaya di Italia me ada kirim salam pa ngoni.

Ibrani 6:12

Kong jang ngoni pamalas. Tapi ngoni musti hidup iko conto dari orang-orang percaya yang akan tarima samua yang Tuhan Allah so janji, karna dorang pe percaya kuat deng dorang tara berenti sampe ahir.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 20:4

Turus kita lia ada kursi-kursi raja. Orang-orang yang dudu di kursi raja itu, orang-orang yang dapa kuasa untuk adili pa manusia. Kita me lia roh-roh dari orang-orang yang dulu dapa potong kapala kong mati karna dorang kase tau tentang Yesus deng Tuhan Allah pe firman. Orang-orang itu tara perna semba pa binatang jahat deng dia pe patong, jadi dorang me tara perna dapa binatang itu pe cap di dong pe testa deng di dong pe tangan. Tuhan Allah kase hidup ulang pa dorang, turus dong berkuasa sebagai raja sama-sama deng Yesus Kristus selama saribu taong.

Wahyu 6:9

Turus Anak Domba itu buka segel yang kelima. Waktu itu, kita lia di bawa tampa bakar korban persembahan, ada banya skali jiwa. Jiwa-jiwa itu dari orang yang dapa bunu karna kase tau Tuhan Allah pe firman deng karna bacarita Tuhan Yesus pe bae di mana-mana.