Ibrani 13:6 - Perjanjian Baru Bahasa Melayu Maluku Utara

⁶ Deng karna Tuhan Allah so bilang bagitu, torang bisa yakin kong bilang bagini, “Tuhan itu yang salalu tolong pa kita, jadi kita tara akan tako. Manusia tara bisa biking apa-apa pa kita!”

Ibrani 13:6 ပူးပေါင်းရင်းမြစ်များ

Matius 10:28

Ngoni me jang tako pa manusia. Karna manusia cuma mampo bunu ngoni pe badan, tapi tarada kuasa untuk bunu ngoni pe jiwa. Tako saja pa Tuhan Allah yang ada kuasa untuk bunu ngoni pe badan kong hukum ngoni pe jiwa di neraka.

Roma 8:31

Kalu torang inga samua yang Tuhan Allah so biking untuk torang, torang musti yakin Tuhan Allah ada sama-sama deng torang. Jadi sapa yang mampo lawan pa torang? Tarada, to?

Efesus 3:12

Kong karna torang so percaya pa Yesus Kristus, torang dapa pintu maso untuk badekat pa Tuhan Allah, deng torang tara usa tako tapi bole yakin Dia akan tarima pa torang.

Ibrani 10:19

Sudara-sudara, Yesus Kristus pe dara so tatumpa untuk hapus torang pe dosa-dosa, jadi skarang torang tara usa tako lagi untuk datang pa Tuhan Allah, itu sama deng torang barani maso pa Tuhan Allah pe Ruang Paling Suci.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.