Ibrani 13:3 - Perjanjian Baru Bahasa Melayu Maluku Utara

³ Ngoni me musti inga pa orang-orang yang ada di dalam penjara. Ngoni inga pa dorang, sama deng ngoni lagi ada sama-sama deng dorang di dalam penjara. Ngoni inga lagi pa orang yang dapa siksa, sama deng ngoni sandiri ada rasa siksa yang dong dapa itu.

Ibrani 13:3 ပူးပေါင်းရင်းမြစ်များ

Matius 25:36

Waktu Kita tarada baju, ngoni kase baju pa Kita. Waktu Kita saki, ngoni urus pa Kita. Waktu Kita di penjara, ngoni datang lia pa Kita.’

Matius 25:43

Bagitu lagi, waktu Kita jadi pendatang pa ngoni pe daera, ngoni tara tarima pa Kita di ngoni pe ruma. Waktu Kita tarada baju, ngoni tara kase baju pa Kita. Waktu Kita saki, ngoni tara urus pa Kita, deng waktu Kita ada di penjara, ngoni tara datang lia pa Kita.’

Kisah Para Rasul 24:23

Abis bilang bagitu, gubernur suru pa dia pe komandan kompi tahang pa Paulus, tapi kase bebas sadiki pa dia. Paulus pe tamang-tamang me bole datang balia pa dia kong kase sadia dia pe keperluan.

Kisah Para Rasul 27:3

Dia pe beso, kapal basingga di kota Sidon. Komandan Yulius bae skali pa Paulus sampe dia kase ijin Paulus pigi ka dara pa dia pe tamang-tamang la dorang bole kase apa-apa yang Paulus perlu.

Roma 12:15

Turus, kalu ada orang yang sanang, ngoni iko sanang sama-sama deng dia. Kong kalu ada orang yang manangis, ngoni iko manangis sama-sama deng dia!

1 Korintus 12:26

Jadi kalu kaki atau tangan saki, samua me rasa saki. Deng kalu kaki atau tangan dapa hormat, yang laeng me rasa sanang.

Efesus 4:1

Sudara-sudara, karna Tuhan so kase Dia pe bae yang basar itu pa torang, jadi ini nasehat dari kita yang skarang ada di penjara gara-gara kita jaga biking apa yang Tuhan suru. Tuhan so pangge pa ngoni la iko pa Dia, jadi kita bilang pa ngoni supaya ngoni hidup butul sama deng yang pantas untuk orang yang so iko pa Dia.

Kolose 4:18

Salam dari kita Paulus. Cuma di bagian salam ini saja yang kita tulis deng kita pe tangan sandiri. Jang ngoni lupa, kita masi ada dalam penjara. Kita minta pa Tuhan Allah supaya Dia kase Dia pe bae pa ngoni.

Ibrani 10:34

Ngoni memang rasa kasiang kong so bantu pa orang-orang yang maso penjara karna percaya pa Yesus Kristus. Kong waktu orang rampas ngoni pe harta, ngoni tarima deng hati sanang saja, barang ngoni tau, nanti ngoni akan dapa harta dari Tuhan di sorga yang lebe bagus, kong harta itu akan tetap ada sampe slama-lamanya.

Ibrani 11:37

Kong ada lagi yang dapa lempar deng batu sampe mati, ada yang dapa potong deng gargaji sampe putus dua, turus ada lagi yang dapa potong deng parang. Kong ada lagi yang hidup babapinda, dong hidup susa skali, dong pe baju cuma dari domba pe kuli deng dari kambing pe kuli. Dorang hidup susa, menderita, deng dapa siksa lagi.

1 Petrus 3:8

Jadi skarang, kita minta pa ngoni la ngoni samua hidup satu hati. Kalu ada dari ngoni yang rasa susa ka sanang, ngoni yang laeng me musti rasa sama deng yang dia rasa. Ngoni me musti sayang pa ngoni pe sudara-sudara yang percaya, kase tunju ngoni pe rasa kasiang pa samua orang, deng jang basombong.