Ibrani 13:20 - Perjanjian Baru Bahasa Melayu Maluku Utara

²⁰ Tuhan Allah yang salalu biking torang pe hati tetap tenang, Dia yang kase hidup ulang pa Yesus waktu Yesus mati. Yesus itu torang pe Tuhan yang pimpin pa torang bae-bae, sama deng gembala jaga dia pe domba bae-bae. Dia pe dara yang tatumpa itu so biking Tuhan Allah pe janji deng manusia jadi kuat sampe slama-lamanya. Jadi kita minta pa Tuhan Allah,

Ibrani 13:20 ပူးပေါင်းရင်းမြစ်များ

Matius 26:28

Barang, ini Kita pe dara. Waktu Kita mati, Kita pe dara akan tatumpa untuk kase sah Tuhan Allah pe janji pa manusia. Kong Kita pe dara yang tatumpa itu untuk tebus banya orang pe dosa.

Markus 14:24

Dia bilang pa dorang, “Ini Kita pe dara. Waktu Kita mati, Kita pe dara akan tatumpa untuk kase sah Tuhan Allah pe janji pa manusia. Kong Kita pe dara itu tatumpa untuk tebus banya orang pe dosa.

Lukas 22:20

Bagitu lagi abis makang, Yesus kase cawan yang ada isi anggur pa Dia pe murit-murit. Dia bilang, “Anggur dalam cawan ini, Kita pe dara yang tatumpa untuk kase sah Tuhan Allah pe janji yang baru. Kong Kita pe dara yang tatumpa itu jadi bukti, Tuhan Allah pe janji yang baru untuk manusia so jadi.

Yohanes 10:11

Kita ini bole kase sama deng gembala yang bae yang jaga bae-bae dia pe domba. Gembala yang bae siap mati asal dia pe domba-domba bole slamat.

Yohanes 10:14

Kita ini suda sama deng gembala yang bae yang jaga bae-bae Kita pe domba, deng Kita kanal Kita pe domba-domba, kong Kita pe domba-domba kanal lagi pa Kita.

Kisah Para Rasul 13:30

Tapi Tuhan Allah kase hidup ulang pa Dia.

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

Kisah Para Rasul 2:24

Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.

Kisah Para Rasul 2:32

Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.

Kisah Para Rasul 4:10

Jadi, bapa-bapa deng samua orang Israel musti tau, orang itu bisa sembu deng badiri pa ngoni pe muka, itu karna Yesus Kristus orang Nazaret itu pe kuasa. Yesus itu yang ngoni so kase salib, tapi Tuhan Allah so kase hidup ulang pa Dia.

Kisah Para Rasul 5:30

Tuhan Allah yang torang samua pe orang tua dulu-dulu jaga semba, Dia itu yang so kase hidup ulang pa Yesus yang ngoni bunu di kayu salib.

Roma 1:4

Dia itu suda Yesus Kristus torang pe Tuhan. Torang dapa tau Dia itu Anak Allah, barang waktu Dia mati, kuasa dari Tuhan Allah pe Roh kase hidup ulang pa Dia.

Roma 10:7

Atau jang ngoni bilang, “Musti ada satu orang yang turung ka tampa orang mati.” Kalu ngoni bilang bagitu, itu dia pe maksut mo angka pa Yesus Kristus bawa kamari supaya kase tau cara orang dapa slamat.

Roma 15:33

Tuhan Allah yang biking tong pe hati tetap tenang, jadi Kita minta supaya Dia ada sama-sama deng ngoni samua! Amin.

Roma 16:20

Tuhan Allah yang biking torang pe hati tetap tenang, jadi kita minta supaya Dia capat-capat mo kase ancor pa Iblis, setang-setang pe raja, kong Iblis itu mo tundu pa ngoni. Deng Kita minta pa Yesus, torang pe Tuhan supaya kase Dia pe bae pa ngoni turus.

Roma 8:11

Tuhan Allah pe Roh so kase hidup ulang pa Kristus Yesus, kong Roh itu suda yang ada di ngoni pe hati. Jadi biar ngoni pe badan mo mati, tapi Tuhan Allah nanti mo kase hidup ulang pa ngoni pake kuasa dari Dia pe Roh yang ada pa ngoni itu.

1 Korintus 14:33

Barang, Tuhan Allah itu Tuhan yang tara suka ibada yang kaco, Dia suka ibada yang bajalang deng tenang.

1 Korintus 15:15

Lebe-lebe lagi torang so bafoya tentang Tuhan Allah, bilang kata, Dia so kase hidup ulang pa Yesus Kristus. Padahal, kalu butul orang mati tara mungkin hidup ulang, itu berarti, Tuhan Allah me tara kase hidup ulang pa Yesus Kristus.

1 Korintus 6:14

Tuhan Allah so kase hidup ulang pa Tuhan Yesus pake Dia pe kuasa. Bagitu lagi deng torang, Tuhan Allah akan kase hidup ulang pa torang pake Dia pe kuasa.

2 Korintus 13:11

Sudara-sudara, di ahir kita pe surat ini, kita minta ngoni samua hati sanang suda karna Tuhan. Ngoni berusaha la ngoni tamba butul-butul iko pa Tuhan Allah. Kong ngoni tarima kita pe nasehat samua ini. Ngoni hidup satu hati, deng hidup baku bawa bae-bae. Kalu ngoni hidup bagitu, Tuhan Allah yang sayang pa torang deng yang biking torang pe hati jadi tenang, akan sama-sama deng ngoni.

2 Korintus 4:14

Barang, Tuhan Allah so kase hidup ulang pa Tuhan Yesus, jadi torang me tau, biar torang mati nanti, Dia mo kase hidup ulang pa torang. Dia mo kumpul pa torang deng ngoni sama-sama pa Dia pe muka.

Galatia 1:1

Surat ini dari kita Paulus. Kita ini Yesus Kristus pe utusan yang orang sebut rasul. Kita jadi rasul, bukang karna manusia yang suru, atau karna manusia yang pili pa kita, tapi Yesus Kristus deng Tuhan Allah yang pili pa kita. Tuhan Allah itu suda torang pe Bapa, yang kase hidup ulang pa Yesus Kristus waktu Dia mati.

Efesus 1:20

sama deng kuasa yang Dia pake waktu kase hidup ulang pa Yesus Kristus. Kong deng kuasa itu lagi Dia angka pa Yesus Kristus dudu di tampa yang terhormat, pa Dia pe sabla kanan di sorga.

Filipi 4:9

Kong samua yang ngoni so balajar dari kita, yang ngoni so dengar deng tarima dari kita, deng yang ngoni so lia kita biking, ngoni biking suda samua itu. Kong Tuhan Allah yang biking orang pe hati tetap tenang, Dia yang mo sama-sama deng ngoni turus.

Kolose 2:12

Waktu ngoni dapa baptis, itu sama deng ngoni so mati kong dapa kubur sama-sama deng Yesus Kristus, itu berarti, ngoni so kase tinggal ngoni pe hidup yang cuma iko manusia pe mau. Kong deng ngoni dapa baptis itu suda, itu sama deng ngoni so hidup ulang sama-sama deng Yesus Kristus, jadi ngoni pe hidup me so beruba jadi baru, karna ngoni percaya pa Tuhan Allah yang Dia pe kuasa hebat, yang so kase hidup ulang pa Yesus Kristus.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

2 Tesalonika 3:16

Tuhan yang biking manusia pe hati tenang. Jadi, torang minta pa Dia supaya Dia salalu biking ngoni pe hati tetap tenang. Torang me minta supaya Tuhan sama-sama deng ngoni samua.

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

Ibrani 10:29

Orang yang tara iko lima kitab Musa saja dapa hukuman barát bagitu, apalagi orang yang so pandang enteng pa Anak Allah, dia pasti dapa hukuman yang lebe barát lagi karna dia so tolak pa Yesus Kristus. Dia sama deng so injang-injang pa Anak Allah, deng anggap Yesus Kristus pe dara tara arti apa-apa. Padahal, Yesus Kristus pe dara so tatumpa untuk biking janji yang baru antara manusia deng Tuhan Allah, kong dara itu lagi yang biking orang itu jadi Tuhan Allah pe umat yang bersi dari dosa. Jadi orang yang pandang enteng itu so hina pa Roh Kudus, padahal Roh Kudus itu yang Tuhan Allah kase pa torang cuma karna Dia pe bae pa torang.

Ibrani 9:20

Sementara nabi Musa kase percik dara deng aer itu, dia bilang, “Dara ini kase sah janji antara Tuhan Allah deng ngoni. Tuhan Allah suru ngoni iko apa yang ada di janji ini.”

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.

1 Petrus 5:4

Nanti waktu Yesus Kristus yang jadi Gembala di atas samua gembala itu datang ulang, ngoni akan tarima hadia yang luar biasa yang tara akan ilang sampe slama-lamanya.