Ibrani 13:16 - Perjanjian Baru Bahasa Melayu Maluku Utara

¹⁶ Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

Ibrani 13:16 ပူးပေါင်းရင်းမြစ်များ

Lukas 18:22

Pe dengar itu, Yesus bilang, “Tapi masi ada satu yang ngana bolong biking. Ngana jual samua ngana pe harta kong kase bage-bage doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 9:36

Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa.

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

Galatia 6:6

Tiap orang yang dapa kase ajar Tuhan Allah pe firman, dia itu musti barbage dia pe hasil karja pa orang yang so kase ajar Tuhan Allah pe firman itu.

Efesus 4:28

Orang yang papancuri, berenti suda bapancuri. Tapi lebe bae dia rajin bakarja, supaya deng dia pe hasil karja itu dia bole barbage pa orang yang ada kekurangan.

Filipi 4:14

Tapi biar bagitu, ngoni lagi so bantu pa kita waktu kita dapa susa. Apa yang ngoni so biking itu memang bae.

Filipi 4:18

Skarang kita so tarima samua yang kita perlu dari ngoni, mala so talebe-lebe lagi. Samua itu Epafroditus yang bawa. Apa yang ngoni kase pa kita, itu biking Tuhan Allah pe hati sanang, kong apa yang ngoni kase itu pantas Tuhan Allah tarima, sama deng dulu orang bakar binatang korban persembahan yang bobou sadap pa Tuhan Allah.

1 Tesalonika 5:15

Perhatikan bae-bae, jang sampe ada orang yang balas orang pe jahat deng yang jahat. Tapi ngoni musti salalu berusaha biking yang bae di antara ngoni sandiri deng samua orang.

2 Tesalonika 3:13

Deng ngoni sudara-sudara, jang ngoni pastiu biking barang yang bae.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Filemon 1:6

Deng kita berdoa, supaya ngoni yang so percaya bole lebe tamba hidup satu hati satu deng yang laeng. Kong karna itu, ngoni bole lebe mangarti samua Tuhan pe bae yang Dia kase pa ngoni karna ngoni so satu hati deng Yesus Kristus.

Ibrani 6:10

Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.

3 Yohanes 1:11

Gayus, kita pe sudara yang kita sayang, jang iko barang yang jahat, tapi iko barang yang bae. Sapa yang biking barang bae, dia itu Tuhan Allah pe umat. Tapi sapa yang biking barang yang jahat, dia itu bolong kanal pa Tuhan Allah.