Ibrani 13:10 - Perjanjian Baru Bahasa Melayu Maluku Utara

¹⁰ Torang yang percaya pa Yesus Kristus lebe untung dari orang yang iko agama Yahudi pe aturan. Barang, kalu iko agama Yahudi pe aturan, imam-imam biasa bakar binatang korban persembahan di tampa bakar binatang korban persembahan untuk hapus umat pe dosa, kong imam-imam itu dapa bagian dari binatang yang dong kase korban itu. Tapi waktu Yesus Kristus mati, Dia sandiri yang jadi torang pe korban persembahan. Itu persembahan yang paling bagus karna persembahan itu untuk hapus samua orang yang percaya pe dosa satu kali, kong imam-imam itu tara dapa untung dari korban itu sama deng apa yang torang dapa dari Yesus Kristus.

Ibrani 13:10 ပူးပေါင်းရင်းမြစ်များ

1 Korintus 10:20

Kita pe maksut, makanang yang orang so kase pa puji-puji, dorang tara kase itu pa Tuhan Allah, tapi pa setang-setang. Deng kita tara mau ngoni iko dorang semba pa setang-setang!

1 Korintus 9:13

Ambe conto, orang yang pe karja di Ruma Ibada Pusat di Yerusalem, ngoni pasti tau, dorang dapa makanang dari dong pe karja di situ. Deng imam-imam yang bakar binatang di tampa bakar korban persembahan untuk Tuhan Allah, untuk dong pe hidup hari-hari bisa dong ambe dari binatang yang dong kase korban itu.

Ibrani 8:5

Imam-imam pe tugas yang dong biking di Tuhan Allah pe Tenda Ibada di dunia itu cuma gambaran atau conto saja deng apa yang mo jadi di sorga nanti. Jadi itu sama deng dulu, waktu nabi Musa mo biking Tenda Ibada itu, Tuhan Allah bilang pa dia, “Inga e! Ngana biking Tenda itu sama persis deng yang Kita so kase tunju pa ngana di atas gunung.”