Ibrani 12:5 - Perjanjian Baru Bahasa Melayu Maluku Utara

⁵ Jang sampe ngoni so lupa Tuhan Allah pe bicara yang kase kuat ngoni pe hati, waktu Dia pangge pa ngoni Dia pe ana-ana. Dia bicara pa ngoni bagini, “Kita pe ana-ana, perhatikan bae-bae waktu Kita ajar pa ngoni. Deng jang ngoni ilang smangat kalu Kita togor.

Ibrani 12:5 ပူးပေါင်းရင်းမြစ်များ

Lukas 24:6

Dia tara ada di sini, Dia so hidup ulang! Coba ngoni inga apa yang Dia so perna bilang pa ngoni waktu Dia masi di Galilea.

Lukas 24:8

Pe dengar bagitu, baru dorang dapa inga apa yang Yesus perna bilang pa dorang.

1 Korintus 11:32

Tapi kalu torang dapa hukuman dari Tuhan, itu pe tujuan untuk ajar pa torang la biking barang yang butul, supaya nanti torang tara akan dapa hukum sama-sama deng orang-orang yang tara percaya pa Tuhan yang iko dunia pe mau.

Galatia 6:9

Jang torang pastiu untuk salalu biking barang yang bae, karna kalu torang tetap biking yang bae, Tuhan mo balas torang pe bae itu di waktu yang Dia so tentukan, itu sama deng petani mo dapa hasil dari apa yang dia so tanam di kobong.

1 Timotius 1:20

Dari dorang itu, ada Himeneus deng Aleksander. Kita so serakan dorang dua pa Iblis, setang-setang pe raja. Kita biking bagitu supaya dorang sadar kong berenti kase tara bae Tuhan Allah pe nama.

Ibrani 12:7

Jadi kalu ngoni dapa siksa, batahang saja. Ngoni anggap siksa yang ngoni dapa itu sama saja deng ngoni pe papa ada togor pa ngoni. Itu berarti, Tuhan Allah ada togor untuk biking ngoni jadi lebe bae. Barang, yang namanya ana, pasti dia pe papa musti togor, to?

Ibrani 13:22

Sudara-sudara, kita minta deng sunggu-sunggu supaya ngoni dengar bae-bae kita pe nasehat ini, biar lagi cuma pende saja kita pe surat ini.

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

Wahyu 3:19

Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.