Ibrani 12:3 - Perjanjian Baru Bahasa Melayu Maluku Utara

³ Jadi coba ngoni inga bae-bae apa yang Yesus Kristus so biking: Dia sabar turus waktu dapa pukul deng dapa sengsara dari orang-orang berdosa. Dia tarima samua itu, supaya ngoni pe percaya tetap kuat deng ngoni tara ilang smangat.

Ibrani 12:3 ပူးပေါင်းရင်းမြစ်များ

Matius 11:19

Kong skarang, Kita Anak Manusia so datang. Kita tara bapuasa deng Kita me jaga minum anggur. Kong orang-orang bilang kata, ‘Coba lia! Orang ini golojo deng pangbaminum. Dia me jaga batamang deng tukang tagi pajak deng orang-orang berdosa laeng.’ Tapi biar ngoni tara tarima pa Kita deng Yohanes, Tuhan Allah pe hikmat akan ngoni lia waktu orang-orang yang iko Tuhan pe ajaran kase tunju kalakuang yang bae.”

Matius 12:24

Tapi waktu orang Yahudi dari aliran Farisi dapa dengar itu, dorang tara tarima. Kong dorang baku bilang, “Dia user setang itu pake Beelzebul, setang-setang pe raja pe kuasa.”

Matius 15:2

“Bapa, bikiapa kong Bapa pe murit-murit langgar torang pe aturan agama? Barang, dorang makang tara kase bersi tangan dulu pake cara kusus yang torang pe orang tua dulu-dulu so ajar pa torang.”

Matius 21:23

Bagitu sampe di Yerusalem, Yesus maso di Ruma Ibada Pusat pe kompleks. Waktu Yesus mangajar pa orang-orang di sana, imam-imam kapala deng tua-tua Yahudi datang pa Dia kong tanya bagini, “Samua yang Ngana so biking itu, Ngana dapa hak dari mana? Kong sapa yang kase hak itu pa Ngana?”

Matius 21:46

Jadi dorang berusaha mo tangka pa Dia, tapi dorang tako pa orang banya, barang orang banya anggap Yesus itu nabi yang kase turus Tuhan Allah pe pasáng.

Matius 22:15

Abis itu, orang-orang Yahudi dari aliran Farisi baku ator supaya pigi tanya-tanya pa Yesus untuk cari-cari Dia pe sala.

Lukas 14:1

Satu kali pas hari Sabat, hari yang orang agama Yahudi tara bole bakarja, Yesus pigi makang di orang aliran Farisi pe pemimpin satu pe ruma. Aliran Farisi itu yang pegang kuat agama Yahudi pe aturan sampe dorang jadi fanatik. Di situ, samua orang perhatikan turus pa Yesus untuk cari-cari Dia pe sala.

Lukas 15:2

Di situ ada lagi orang-orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus di situ, dorang bafeto bagini, “Cis, Orang ini batamang deng orang-orang berdosa, baru makang sama-sama deng dorang.”

Lukas 16:14

Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

Lukas 2:34

Turus, Simeon berdoa supaya Tuhan Allah kase Dia pe bae pa Yusuf, Maria deng pa Anak itu. Kong dia bilang pa Maria, Anak itu pe mama, “Karna Anak ini, banya orang Israel akan tara percaya kong dapa hukum dari Tuhan Allah, tapi ada banya orang Israel laeng lagi yang mo percaya kong dapa slamat. Kong Anak ini jadi tanda, Dia dari Tuhan Allah, tapi banya orang tara akan tarima pa Dia.

Lukas 5:21

Pe dengar Yesus bilang bagitu, guru-guru agama Yahudi yang ahli lima kitab Musa deng orang-orang Yahudi dari aliran Farisi bicara dalam hati bagini, “Dia ini sapa kong, sampe Dia biking diri sama deng Tuhan Allah? Barang, tarada orang yang bisa kase ampun orang pe dosa, yang bisa cuma Tuhan Allah.”

Yohanes 10:20

“Bikiapa kong ngoni dengar pa Dia? Dia itu so kemasukan setang, deng so gila.”

Yohanes 18:22

Waktu Yesus bilang bagitu, ada satu orang yang bajaga Ruma Ibada Pusat badiri di situ, kong dia tampeleng pa Yesus, turus dia bilang, “Pe barani skali Ngana jawab macam bagitu pa imam basar!”

Yohanes 5:16

Pe dengar itu, pemimpin-pemimpin agama Yahudi mulai berusaha biking susa pa Yesus, karna Dia so kase sembu orang pas di hari Sabat.

Yohanes 7:12

Banya orang baku-baku bisi tentang Yesus. Ada yang bilang, “Dia itu orang bae-bae.” Ada lagi yang bilang, “Tarada, Dia itu yang jaga kase foya orang.”

Yohanes 8:13

Kong orang-orang Yahudi dari aliran Farisi bilang pa Yesus, “Yang Bapa bilang itu tara butul, karna Bapa ada basaksi tentang Bapa pe diri sandiri.”

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.

Yohanes 9:40

Pe dengar Yesus bilang bagitu, babarapa orang Yahudi dari aliran Farisi bilang pa Dia, “Jadi menurut Bapa, torang ini me buta lagi?”

1 Korintus 15:58

Jadi sudara-sudara yang kita sayang, ngoni pe percaya musti tetap kuat. Jang kase biar ada yang pengaru pa ngoni sampe ngoni ragu deng ngoni pe percaya itu. Ngoni karja turus untuk Tuhan butul-butul, karna ngoni tau, apa yang ngoni biking untuk Tuhan itu tara akan parcuma.

2 Korintus 4:1

Karna Tuhan Allah pe sayang pa torang, Dia pili pa torang untuk kase tau Kabar Bae tentang Yesus Kristus pa orang-orang. Kong karna itu, torang tara ilang smangat waktu biking tugas ini.

2 Korintus 4:16

Kong karna torang tau Tuhan akan kase kuat pa torang, torang tara ilang smangat waktu kase tau Kabar Bae tentang Yesus Kristus. Tiap hari torang pe badan lebe tara kuat deng saki lagi, tapi biar bagitu me, tong pe hati lebe hari lebe tamba percaya deng lebe kuat.

Galatia 6:9

Jang torang pastiu untuk salalu biking barang yang bae, karna kalu torang tetap biking yang bae, Tuhan mo balas torang pe bae itu di waktu yang Dia so tentukan, itu sama deng petani mo dapa hasil dari apa yang dia so tanam di kobong.

2 Tesalonika 3:13

Deng ngoni sudara-sudara, jang ngoni pastiu biking barang yang bae.

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Ibrani 12:5

Jang sampe ngoni so lupa Tuhan Allah pe bicara yang kase kuat ngoni pe hati, waktu Dia pangge pa ngoni Dia pe ana-ana. Dia bicara pa ngoni bagini, “Kita pe ana-ana, perhatikan bae-bae waktu Kita ajar pa ngoni. Deng jang ngoni ilang smangat kalu Kita togor.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

1 Petrus 2:23

Waktu orang hina pa Dia, Dia tara balas hina pa orang itu. Waktu orang siksa pa Dia, Dia tara ancam mo balas pa dorang yang siksa pa Dia. Mala, Dia cuma serakan saja Dia pe diri pa Tuhan Allah, yang mo adili orang deng adil.

Wahyu 2:3

Kita me tau, ngoni tetap batahang percaya pa Kita, biar lagi ngoni dapa siksa deng menderita karna percaya. Biar bagitu me ngoni tara perna mundur.