Ibrani 12:27 - Perjanjian Baru Bahasa Melayu Maluku Utara

²⁷ Waktu Tuhan Allah bilang, “Satu kali lagi”, itu pe arti, samua yang Tuhan Allah biking di dunia ini mo dapa goyang deng ancor. Kong yang akan tatinggal itu cuma apa yang tara dapa goyang deng ancor.

Ibrani 12:27 ပူးပေါင်းရင်းမြစ်များ

Matius 24:35

Langit deng bumi mo abis, tapi Kita pe kata-kata akan tetap ada sampe slama-lamanya.”

Roma 8:19

Karna itu, samua yang Tuhan Allah so cipta di dunia ini, ada tunggu-tunggu waktu Tuhan Allah mo kase tunju sapa Dia pe ana-ana.

Roma 8:21

Dunia deng samua dia pe isi yang Tuhan Allah so kutuk, ada yang mo jadi busu, ada yang mo jadi rusak, deng ada yang mo mati. Tapi nanti Tuhan Allah mo kase bebas samua dari kutuk itu supaya tara mo jadi bagitu lagi. Sampe nanti dunia deng samua dia pe isi mo dapa rasa sanang yang luar biasa sama-sama deng Tuhan Allah pe ana-ana.

1 Korintus 7:31

Yang jelas itu bagini, orang yang sibuk cari apa-apa dalam dunia ini, jang cuma pikir tentang dong pe hidup di dunia ini saja. Karna dunia yang torang tinggal ini so mulai tara bagus deng akan ancor nanti.

Ibrani 1:10

Tuhan Allah bilang lagi pa Dia pe Anak bagini, “Ngana itu Tuhan, yang dari pertama skali biking dunia ini. Deng Ngana sandiri yang biking samua yang ada di langit.

Ibrani 13:14

Barang, di dunia ini torang tara punya tampa tinggal yang tetap untuk torang tinggal slama-lamanya, tapi torang tunggu-tunggu deng rindu mo dapa tampa tinggal yang tetap untuk torang tinggal nanti di sorga.

Ibrani 9:11

Skarang ini, Yesus Kristus so datang kong so jadi Imam Basar untuk kase pa torang samua yang bae dari Tuhan Allah pe janji yang baru itu. Dia tara maso di Tuhan Allah pe Tenda Ibada yang manusia biking di dunia ini, tapi Dia maso di Tuhan Allah pe tampa tinggal di sorga yang lebe hebat deng sempurna.

Wahyu 11:15

Malaekat yang ketuju tiop dia pe trompet, turus kita dengar banya suara yang kuat skali dari sorga bilang bagini, “Skarang yang berkuasa di dunia cuma torang pe Tuhan Allah deng Yesus Kristus, Raja yang Tuhan Allah pili untuk kase slamat pa manusia. Dia itu akan Berkuasa sebagai Raja sampe slama-lamanya.”

Wahyu 21:1

Abis itu, kita lia langit deng bumi yang baru, karna langit deng bumi yang pertama so tarada. Bagitu lagi deng laut.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”

Wahyu 21:5

Tuhan Allah yang dudu di kursi raja itu bilang bagini, “Perhatikan bae-bae, Kita biking samua jadi baru!” Kong Dia bilang pa kita, “Tulis suda samua ini! Karna samua kata-kata ini butul deng orang bisa percaya.”