Ibrani 12:15 - Perjanjian Baru Bahasa Melayu Maluku Utara

¹⁵ Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

Ibrani 12:15 ပူးပေါင်းရင်းမြစ်များ

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

1 Korintus 10:12

Karna itu, sapa yang pikir dia pe percaya pa Tuhan so kuat, dia musti bae-bae la jang dia tagoda biking dosa.

1 Korintus 13:8

Sayang itu akan ada sampe slama-lamanya. Tapi karunia untuk kase tau Tuhan Allah pe pasáng, itu nanti so tara ada lagi. Kong karunia untuk bicara deng bahasa roh, itu akan berenti. Bagitu lagi deng karunia untuk tau samua hal, nanti mo ilang.

1 Korintus 15:33

Ngoni so tau itu sala, jadi jang iko. Sama deng yang torang jaga dengar orang bilang bagini, “Kalu ngoni batamang deng orang yang pe kalakuang tara bae, ngoni pe kalakuang me akan beruba jadi tara bae lagi.”

1 Korintus 5:6

Tara bagus ngoni basombong macam bagitu. Jang sampe ngoni tara sadar, kalu satu orang dari ngoni biking sala, bisa pengaru orang laeng dalam ngoni pe jemaat biking sala lagi. Itu sama deng ragi yang sadiki saja, bisa kase nae adonan.

2 Korintus 13:5

Coba ngoni uji ngoni pe diri sandiri, ngoni butul-butul percaya ka tarada. Priksa ngoni pe hati, apa ngoni tau pasti, Kristus Yesus ada di ngoni pe hati? Kalu tarada, berarti ngoni tara tahang uji.

2 Korintus 6:1

Torang deng Tuhan Allah karja sama-sama untuk kase tau Kabar Bae tentang Yesus Kristus pa orang-orang. Ngoni ini so tarima Tuhan Allah pe bae waktu Yesus Kristus dapa salib, jadi torang minta pa ngoni, jang kase sia-sia Tuhan Allah pe bae itu.

Galatia 2:13

Orang-orang Yahudi laeng lagi yang so percaya pa Yesus Kristus, dorang me munafik sama deng Petrus. Dorang tara mau makang lagi deng orang bukang Yahudi, sampe Barnabas me so tapengaru jadi munafik sama deng dorang itu.

Galatia 5:4

Kalu ngoni mau iko aturan-aturan di lima kitab Musa untuk jadi orang yang butul pa Tuhan Allah pe muka, itu berarti, ngoni pe hubungan deng Yesus Kristus so taputus. Karna Tuhan Allah so kase Dia pe bae pa ngoni deng cara biking ngoni jadi orang yang tara sala pa Dia pe muka. Jadi kalu ngoni sandiri mo usaha jadi orang yang butul, ngoni so tolak Dia pe bae itu.

Efesus 5:3

Ngoni itu Tuhan Allah pe umat, jadi jang ngoni baseks sabarang, jang biking hal-hal yang cafarune, deng jang ingin orang pe barang jadi ngoni punya. Samua itu biar cuma sebut saja me jangan, karna itu tara pantas untuk orang-orang yang so jadi Tuhan Allah pe umat.

Kolose 3:5

Jadi, karna Yesus Kristus so ruba ngoni pe hidup jadi baru, ngoni berenti suda iko dunia pe mau, macam deng: baseks sabarang, biking hal-hal yang cafarune, iko napsu yang tara bae, ingin biking barang yang jahat, deng golojo orang pe barang. Karna kalu torang golojo orang pe barang, itu berarti, torang so kase lebe penting barang itu daripada Tuhan.

Titus 1:15

Untuk orang yang dong pe hati bersi pa Tuhan, tarada aturan agama yang larang pa dorang. Tapi untuk orang-orang yang dong pe hati tara bae deng tara percaya pa Tuhan, dorang tara bisa biking barang yang bae karna dorang pe hati deng pikiran so tara tau mana yang butul.

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

Ibrani 4:1

Jadi sudara-sudara, biar torang pe orang tua dulu-dulu tara dapa maso di tana yang Tuhan Allah janji untuk baistrahat, skarang Tuhan Allah pe janji untuk baistrahat sama-sama deng Dia masi ada. Jadi torang musti ati-ati, jang sampe ada satu dari torang yang tara bisa baistrahat deng Tuhan Allah.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Ibrani 6:11

Torang mau, ngoni samua tetap smangat biking yang bae itu turus-turus sampe hari kiamat, supaya jelas ngoni akan dapa apa yang ngoni harap dari Tuhan Allah di sorga.

2 Petrus 1:10

Jadi sudara-sudara, karna Tuhan Allah so pili deng pangge pa ngoni jadi Dia pe umat, ngoni musti berusaha karas untuk iko pa Dia supaya ngoni tau deng yakin Dia so pili deng pangge pa ngoni. Karna kalu ngoni biking samua yang bae yang kita bilang itu, ngoni tara akan kase tinggal ngoni pe percaya pa Dia, itu sama deng ngoni ada bajalang turus-turus kong ngoni pe kaki tara tagate di batu sampe jatu.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

2 Petrus 3:11

Jadi karna samua itu nanti akan abis deng cara bagitu, torang yang hidup skarang ini musti hidup deng hati bersi, deng lagi hidup iko Tuhan Allah pe mau,

2 Petrus 3:14

Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.

2 Yohanes 1:8

Jadi ngoni musti jaga bae-bae ngoni pe percaya pa Yesus Kristus, supaya torang pe karja kase tau Kabar Bae pa ngoni itu tetap ada dia pe guna, deng supaya ngoni tetap dapa ngoni pe upah yang Tuhan Allah so janji.