Ibrani 12:1 - Perjanjian Baru Bahasa Melayu Maluku Utara

¹ Sudara-sudara, biar orang-orang percaya dulu-dulu yang kita so bilang tadi itu so mati, dorang pe percaya waktu dong hidup di dunia itu jadi conto la torang iko, sama deng dorang masi hidup kong ada kuliling pa torang. Jadi, mari suda torang berusaha untuk buang samua beban deng lapas suda dosa-dosa yang masi malakat pa tong pe diri, supaya torang tara ada alangan apa-apa, la torang bole percaya butul-butul pa Tuhan Allah. Mari torang berusaha iko pa Dia sama deng torang ada iko lomba lari, torang tara berenti tapi lari turus sampe di garis finis.

Ibrani 12:1 ပူးပေါင်းရင်းမြစ်များ

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 24:13

Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Markus 10:50

Pe dengar bagitu, orang buta itu capat-capat lapas dia pe juba kong dia badiri pigi pa Yesus.

Lukas 12:15

Kong Yesus bicara pa orang banya yang ada di situ, “Ati-ati deng jaga diri bae-bae, jang sampe ngoni tara puas deng apa yang ngoni punya. Karna manusia pe hidup itu bukang cuma dari harta saja biar dia kaya skali lagi.”

Lukas 16:28

Karna di sana masi ada lima kita pe sudara. Suru Lazarus ka sana bilang pa dorang la bertobat suda, supaya dorang me jang maso di tampa sengsara ini.’

Lukas 21:34

Yesus bilang lagi, “Jaga ngoni pe diri bae-bae, jang sampe ngoni cuma bapikir tentang pesta sasaja deng baminum sampe mabo, atau ngoni kase hawater tentang ngoni pe hidup hari-hari. Karna kalu ngoni pe pikiran macam bagitu, ngoni tara akan siap waktu Anak Manusia yang dari sorga datang tiba-tiba, itu sama deng binatang yang tiba-tiba takanal dodeso.

Yohanes 3:32

Dia kase tau tentang apa yang Dia ada lia deng yang Dia ada dengar, tapi tara ada orang yang percaya deng apa yang Dia kase tau itu.

Yohanes 4:39

Banya orang Samaria di kota itu yang jadi percaya pa Yesus karna parampuang itu kase tau pa dorang bagini, “Dia bilang pa kita samua yang kita so perna biking.”

Yohanes 4:44

Yesus sandiri so perna kase tau, “Tara ada nabi yang dapa hargai di dia pe kampong sandiri, termasuk Kita.”

Roma 12:12

Ngoni musti sanang suda, karna torang bole baharap deng yakin pa Tuhan. Ngoni musti sabar biar dapa siksa, deng ngoni lagi musti rajin berdoa!

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

Galatia 2:2

Kita pigi di Yerusalem karna Tuhan Allah sandiri yang suru kita pigi ka sana. Kong di situ, kita baku dapa kusus deng pemimpin-pemimpin jemaat yang kita rasa ada pengaru. Kita kase carita pa dorang Kabar Bae tentang Yesus Kristus yang kita jaga kase tau pa orang-orang bukang Yahudi, supaya dorang bole dengar kong kase tau pa kita kalu kita pe ajaran itu butul. Jang sampe dorang bilang kata, kita pe usaha kase tau Kabar Bae pa orang bukang Yahudi yang kita so biking dulu deng skarang, samua itu tarada dia pe guna.

Galatia 5:7

Dulu, pe bagus skali ngoni iko pa Tuhan Yesus, ngoni bole mo kase sama deng orang yang iko lomba lari kong ada lari bae-bae. Tapi skarang ini, ngoni so tara sama deng yang dulu lagi. Sapa yang so pengaru pa ngoni sampe ngoni so tara iko lagi ajaran yang butul?

Efesus 4:25

Jadi, berenti suda bicara yang foya-foya, tapi bicara suda yang butul-butul satu deng yang laeng, karna torang orang percaya ini so taika jadi satu sama deng kaki, tangan, deng samua-samua yang ada pa torang pe badan.

Filipi 1:30

Memang skarang ini, ngoni so dapa siksa dari orang yang tara suka Kabar Bae itu, kong itu sama deng siksa yang ngoni perna lia pa kita dulu, deng yang skarang ngoni dengar so jadi pa kita.

Filipi 2:16

Ngoni pegang kuat suda Tuhan Allah pe firman yang bole biking orang hidup deng Tuhan Allah slama-lamanya. Kalu ngoni hidup bagitu, nanti kita pe hati bole sanang waktu Yesus Kristus datang ulang yang kedua kali, karna ngoni butul-butul percaya pa Yesus Kristus. Kong karna ngoni pe percaya itu, kita bole tau, kita pe usaha kase tau Kabar Bae pa ngoni di dunia ini tara sia-sia, tapi ada dia pe hasil.

2 Timotius 2:4

Kalu tentara yang sementara biking dia pe tugas, dia tara bapusing deng urusan-urusan laeng. Dia cuma biking dia pe tugas, supaya dia pe komandan sanang pa dia. Torang musti biking bagitu la kase sanang torang pe Tuhan saja.

2 Timotius 4:7

Kita so karja karas biking kita pe tugas itu deng bae sampe selesai, sama deng orang yang iko lomba lari sampe di finis. Deng kita tetap percaya pa Yesus Kristus.

Ibrani 6:15

Abraham batunggu-tunggu janji itu deng sabar, kong deng bagitu, dia tarima apa yang Tuhan Allah janji itu.

Yakobus 1:3

Karna ngoni sandiri tau, kalu torang dapa cobaan tapi tetap percaya pa Tuhan, itu biking torang pe percaya jadi lebe kuat.

1 Petrus 2:1

Karna ngoni so dapa hidup yang baru itu, berenti suda biking samua yang jahat. Jang bicara foya, jang pura-pura bae, jang mangiri, deng jang biking busu orang laeng pe nama.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

1 Petrus 5:1

Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

1 Petrus 5:12

Silwanus yang bantu pa kita tulis surat yang pende ini pa ngoni. Silwanus ini kita pe sudara yang percaya yang bisa kita percaya. Surat ini kita tulis untuk kase smangat pa ngoni supaya ngoni tetap percaya, deng untuk kase yakin pa ngoni tentang Tuhan Allah pe bae yang Dia salalu kase pa ngoni biar ngoni sementara dapa siksa. Ngoni musti tetap yakin Tuhan Allah pe bae itu, karna itu butul.

2 Petrus 1:6

Turus kalu ngoni so tau apa yang Dia suka, ngoni lagi musti kuasai ngoni pe diri. Turus kalu ngoni so kuasai ngoni pe diri, ngoni me musti tetap percaya pa Dia biar dapa siksa. Kong biar lagi ngoni dapa siksa, ngoni me musti hidup iko Tuhan Allah pe mau,

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 13:10

orang yang Tuhan Allah so tentukan untuk dapa tangka, dia pasti mo dapa tangka. Orang yang Tuhan Allah so tentukan untuk dapa bunu deng parang, dia pasti mo dapa bunu deng parang. Jadi yang penting di sini, orang-orang yang so jadi Tuhan Allah pe umat musti tetap percaya pa Tuhan deng batahang biar dapa siksa.

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.