Ibrani 11:6 - Perjanjian Baru Bahasa Melayu Maluku Utara

⁶ Tara mungkin orang mo biking Tuhan Allah pe hati sanang, kalu dia tara percaya pa Tuhan Allah. Barang, sapa saja yang mo datang pa Tuhan Allah, dia musti yakin Tuhan Allah ada, deng dia lagi musti yakin, Tuhan Allah mo kase hal-hal yang bae pa orang-orang yang butul-butul cari pa Dia.

Ibrani 11:6 ပူးပေါင်းရင်းမြစ်များ

Matius 11:26

Ya Bapa, itu suda yang biking Bapa pe hati sanang.

Matius 5:12

Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Matius 6:16

Yesus bilang lagi, “Kalu ngoni bapuasa, jang kase tunju muka suak sama deng orang munafik. Dorang sangaja kase tunju bagitu supaya orang laeng lia dong sementara bapuasa kong puji pa dorang. Ngoni dengar bae-bae e! Pujian yang dorang dapa dari manusia itu, itu suda dorang pe upah.

Matius 6:33

Yang paling penting, ngoni cari suda pa Tuhan Allah supaya Dia yang Berkuasa sebagai Raja pa ngoni pe hidup, deng supaya ngoni biking yang butul pa Dia pe muka. Deng bagitu, Tuhan Allah akan kase samua yang ngoni perlu.

Matius 6:5

Yesus bilang lagi, “Kalu ngoni berdoa, jang berdoa sama deng orang munafik. Barang, dorang itu kalu berdoa suka badiri di ruma-ruma ibada agama Yahudi deng di muka umum, dong pe maksut supaya orang lia deng puji pa dorang. Dengar bae-bae e, pujian yang dorang dapa dari manusia itu, itu suda dorang pe upah.

Markus 16:17

Orang-orang yang percaya pa Kita itu, Tuhan Allah akan kase kuasa pa dorang untuk biking tanda-tanda macam bagini: dorang akan user setang-setang pake Kita pe nama, dorang akan bicara pake bahasa-bahasa yang dorang bolong perna tau,

Lukas 12:31

Yang paling penting, ngoni cari suda pa Tuhan Allah supaya Dia yang Berkuasa sebagai Raja pa ngoni pe hidup. Deng bagitu, Tuhan Allah akan kase samua yang ngoni perlu.”

Lukas 6:35

Tapi jang ngoni bagitu! Ngoni musti sayang pa ngoni pe musu-musu deng biking yang bae pa dorang. Ngoni kase pinjam apa yang ngoni punya, kong tara usa harap dong mo kase pulang pa ngoni. Kalu ngoni biking bagitu, ngoni mo dapa upah basar. Deng kalu ngoni biking bagitu, ngoni mo jadi sama deng Tuhan Allah yang Paling Tinggi pe ana-ana. Barang, Tuhan Allah bae pa samua orang, biar dorang itu jahat atau tara tau batarimakasi.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 8:24

Jadi tadi Kita bilang pa ngoni, ngoni akan mati karna ngoni pe dosa-dosa tara dapa ampun. Barang, ngoni tara percaya ‘Kita ini’ Dia suda, sama deng yang Kita so perna bilang pa ngoni.”

Roma 10:14

Tapi bagimana mungkin dorang bole minta tolong pa Tuhan Allah kalu dorang sandiri bolong percaya pa Dia, to? Deng dorang tara bisa percaya kalu dorang bolong dengar kabar tentang Dia, to? Dorang lagi tara bisa dengar kabar tentang Dia kalu tarada orang yang pi kase tau kabar pa dorang, to?

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Ibrani 11:26

Musa lebe suka batahang deng hina yang dia dapa karna dia iko Tuhan Allah pe mau, daripada tetap tinggal di Mesir untuk jadi orang kaya. Barang, Musa percaya Tuhan Allah pe janji untuk utus pa Mesias, Raja yang akan kase slamat pa manusia, kong dia tunggu-tunggu upah yang Tuhan Allah mo kase nanti di sorga.

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.

Ibrani 4:6

Jadi dari ayat-ayat itu so jelas, torang pe orang tua dulu-dulu so kamuka dengar kabar yang bae tentang tana itu, tapi dorang tara jadi maso di situ, karna dorang tara dengar-dengaran pa Tuhan Allah. Tapi biar bagitu, masi ada kesempatan untuk Tuhan Allah pe umat bole baistrahat sama-sama deng Dia.

Ibrani 7:19

Aturan-aturan di lima kitab Musa itu tara berhasil biking manusia pe hubungan deng Tuhan Allah jadi sempurna. Tapi skarang, torang so ada tampa baharap yang lebe bae. Itu Yesus suda, Dia yang biking torang bole badekat deng Allah.

Ibrani 7:25

Kong karna Dia Imam slama-lamanya, Dia ada kuasa kase slamat pa orang-orang yang mau datang pa Tuhan Allah, dari skarang sampe slama-lamanya. Dia kase slamat pa torang, barang Dia hidup slama-lamanya untuk kase berdoa pa torang pa Tuhan Allah.

2 Petrus 1:10

Jadi sudara-sudara, karna Tuhan Allah so pili deng pangge pa ngoni jadi Dia pe umat, ngoni musti berusaha karas untuk iko pa Dia supaya ngoni tau deng yakin Dia so pili deng pangge pa ngoni. Karna kalu ngoni biking samua yang bae yang kita bilang itu, ngoni tara akan kase tinggal ngoni pe percaya pa Dia, itu sama deng ngoni ada bajalang turus-turus kong ngoni pe kaki tara tagate di batu sampe jatu.

2 Petrus 1:5

Jadi karna Tuhan Allah so kase samua itu untuk ngoni, ngoni musti berusaha karas supaya ngoni pe percaya itu jadi lengkap deng ngoni hidup yang butul pa Dia pe muka. Kong bukang cuma itu saja, tapi ngoni musti berusaha la ngoni bisa tau apa yang Tuhan Allah suka.

2 Petrus 3:14

Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”