Ibrani 11:5 - Perjanjian Baru Bahasa Melayu Maluku Utara

⁵ Kong karna Henokh percaya pa Tuhan Allah, Tuhan Allah angka pa dia ka atas di sorga supaya dia tara mati, kong so tarada orang yang lia lagi pa dia, karna Tuhan Allah so angka pa dia. Kong waktu Henokh bolong dapa angka, Tuhan Allah bilang, Henokh so biking Dia pe hati sanang.

Ibrani 11:5 ပူးပေါင်းရင်းမြစ်များ

Lukas 2:26

Roh Kudus so kase tau pa dia, dia tara akan mati kalu dia bolong lia pa Mesias, Raja yang Tuhan Allah janji mo kase slamat pa manusia.

Lukas 3:37

Lamekh pe papa Metusalah, Metusalah pe papa Henokh, Henokh pe papa Yared, Yared pe papa Mahalaleel, Mahalaleel pe papa Kenan,

1 Tesalonika 2:4

Mala, torang kase tau pa ngoni Kabar Bae itu karna Tuhan Allah lia torang pantas kase tau itu, jadi Dia kase percaya itu pa torang. Biar ada orang yang tara sanang deng Kabar Bae itu, torang tetap kase tau saja, karna yang penting Tuhan Allah yang rasa sanang! Barang, Dia yang uji torang pe hati.

Ibrani 11:6

Tara mungkin orang mo biking Tuhan Allah pe hati sanang, kalu dia tara percaya pa Tuhan Allah. Barang, sapa saja yang mo datang pa Tuhan Allah, dia musti yakin Tuhan Allah ada, deng dia lagi musti yakin, Tuhan Allah mo kase hal-hal yang bae pa orang-orang yang butul-butul cari pa Dia.

Ibrani 2:9

Tapi yang so jelas itu, Yesus Kristus yang berkuasa pa samua-samua yang ada. Dia suda yang Tuhan Allah biking Dia pe posisi sadiki lebe randa dari malaekat-malaekat. Tapi itu cuma sementara saja, cuma waktu Dia ada di dunia ini. Skarang ini, Tuhan Allah so biking Dia jadi hebat deng dapa hormati sama deng Raja karna Dia so menderita sampe mati di kayu salib. Dia rasa samua itu karna Tuhan Allah kase Dia pe bae yang cuma-cuma pa torang samua, supaya torang samua dapa slamat dari dosa-dosa.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.

Yudas 1:14

Dulu, Henokh, Adam pe turunan yang ketuju, ada bilang apa yang Tuhan Allah pasáng pa dia bagini, “Perhatikan e, Tuhan mo datang deng Dia pe malaekat-malaekat kudus deng ribu.