Ibrani 11:37 - Perjanjian Baru Bahasa Melayu Maluku Utara

³⁷ Kong ada lagi yang dapa lempar deng batu sampe mati, ada yang dapa potong deng gargaji sampe putus dua, turus ada lagi yang dapa potong deng parang. Kong ada lagi yang hidup babapinda, dong hidup susa skali, dong pe baju cuma dari domba pe kuli deng dari kambing pe kuli. Dorang hidup susa, menderita, deng dapa siksa lagi.

Ibrani 11:37 ပူးပေါင်းရင်းမြစ်များ

Matius 21:35

Tapi sampe di sana, orang-orang yang urus kobong itu tangka pa orang-orang karja itu. Dorang pukul yang satu, kong yang laeng dong bunu, turus yang laeng lagi dong lempar deng batu sampe mati.

Matius 3:4

Yohanes pake juba dari unta pe bulu-bulu. Dia pe ban dari binatang pe kuli. Dia pe makanang boto-boto deng madu utang.

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Lukas 13:34

Kasiang ngoni orang-orang Yerusalem! Ngoni yang bunu pa nabi-nabi yang jaga kase turus Tuhan Allah pe pasáng, deng ngoni me lempar deng batu sampe mati pa orang-orang yang Tuhan Allah utus pa ngoni. So ulang-ulang kali Kita ingin kumpul pa ngoni supaya dekat deng Kita, sama deng ayam mai yang tutu dia pe ana-ana deng dia pe sayap, tapi ngoni tara mau.

Kisah Para Rasul 14:19

Tapi waktu itu, orang-orang Yahudi dari kota Antiokhia deng Ikonium datang. Di situ, dorang kase-kase panas pa orang banya itu sampe dong iko pa dorang lempar pa Paulus deng batu. Abis itu, dorang hela pa dia bawa di luar kota, barang dorang kira dia so mati.

Kisah Para Rasul 7:52

Coba ngoni bilang, nabi mana yang ngoni pe orang tua dulu-dulu tara perna siksa? Mala dorang bunu pa nabi-nabi yang kase tau Yesus, Orang yang butul itu mo datang. Kong ngoni me sama saja deng dorang. Ngoni tau Dia so datang, tapi ngoni bahianat deng bunu pa Dia.

2 Korintus 12:10

Jadi, kita sanang saja, biar lagi kita rasa kita tara kuat, dapa siksa, menderita, dapa aniaya deng sengsara. Barang waktu kita tara kuat, waktu itu suda, Yesus Kristus biking kita mampo hadapi samua itu.

Ibrani 11:25

Barang, dia rasa lebe bae dia hidup sengsara biking Tuhan Allah pe mau sama-sama deng Tuhan Allah pe umat, daripada dia berdosa karna cuma basanang-sanang di dalam raja pe istana. Dia tau, hidup sanang-sanang bagitu itu pe waktu tara slama-lamanya.

Ibrani 13:3

Ngoni me musti inga pa orang-orang yang ada di dalam penjara. Ngoni inga pa dorang, sama deng ngoni lagi ada sama-sama deng dorang di dalam penjara. Ngoni inga lagi pa orang yang dapa siksa, sama deng ngoni sandiri ada rasa siksa yang dong dapa itu.

Wahyu 11:3

Kita akan utus dua orang untuk jadi Kita pe saksi, supaya dorang mo kase tau Kita pe pasáng tentang apa yang akan jadi nanti. Dorang mo kase tau pasáng itu pa orang-orang selama saribu dua ratus anam pulu ribu hari. Dorang akan pake baju duka karna sedi deng apa yang mo jadi di kota itu.”