Ibrani 11:32 - Perjanjian Baru Bahasa Melayu Maluku Utara

³² Ada banya lagi orang-orang yang percaya pa Tuhan Allah yang kita bisa kase carita pa ngoni, tapi kita pe waktu tara cukup. Kita tara ada waktu untuk carita tentang Gideon, Barak, Simson, Yefta, Daud, Samuel deng nabi-nabi laeng lagi.

Ibrani 11:32 ပူးပေါင်းရင်းမြစ်များ

Matius 5:12

Sanang deng basimore suda, karna Tuhan Allah so kase sadia ngoni pe upah basar di sorga. Barang, nabi-nabi yang dulu me so lebe kamuka dapa siksa sama deng yang ngoni dapa.”

Lukas 13:28

Waktu itu, ngoni akan manangis deng menderita skali. Barang ngoni lia pa Abraham, Ishak deng Yakub ada sama-sama deng samua nabi di Tuhan Allah pe tampa Berkuasa sebagai Raja, baru ngoni yang tara dapa maso di situ, dapa user kaluar.

Lukas 16:31

Abraham bilang pa dia, ‘Kalu dorang tara biking apa yang nabi Musa deng nabi-nabi laeng bilang, pasti dorang me tara mau percaya, biar orang mati hidup ulang kong bicara lagi.’ ”

Yohanes 21:25

Kong masi banya lagi hal-hal laeng yang Yesus biking. Kalu samua yang Yesus biking itu mo tulis satu-satu, kita rasa dunia ini tara cukup mo muat samua kitab yang ada tulis tentang apa yang Yesus biking itu.

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 13:20

Dorang pigi di Mesir sampe bale ulang di Kanaan, dia pe lama ampa ratus lima pulu taong. Abis itu, Tuhan Allah kase pemimpin-pemimpin pa torang pe orang tua dulu-dulu itu. Dorang itu yang kalu ada masala, dorang urus perkara. Dorang itu yang jaga pimpin pa torang pe orang tua dulu-dulu sampe Tuhan Allah pili pa nabi Samuel untuk kase turus Tuhan Allah pe pasáng pa orang-orang.

Kisah Para Rasul 3:24

Bukang cuma nabi Musa saja yang perna bilang Yesus mo datang, tapi samua nabi, mulai dari nabi Samuel sampe nabi-nabi yang laeng me bilang bagitu.

Roma 3:5

Torang orang Yahudi jaga biking barang yang tara butul. Deng bagitu, banya orang lebe tau Tuhan Allah itu salalu butul. Tapi jang sampe ada yang bilang bagini, “Itu berarti, ada dia pe bae torang biking dosa. Jadi, kalu torang dapa hukum, itu pe arti, Tuhan Allah tara butul.” Kalu dorang bilang bagitu, itu cuma manusia pe pikiran saja.

Roma 4:1

Jadi, apa yang musti torang biking supaya torang jadi orang yang tara sala pa Tuhan Allah pe muka? Torang ambe conto pa Abraham. Dia itu torang pe orang tua dulu-dulu.

Roma 6:1

Tuhan Allah so kase ampun pa torang, karna Dia pe bae pa torang. Tapi jang sampe ada orang yang bilang bagini, “Kalu bagitu, torang turus biking dosa saja supaya Tuhan Allah lebe tamba kase Dia pe bae pa torang.”

Roma 7:7

Kong, kalu gara-gara aturan di lima kitab Musa itu torang lebe tamba biking dosa, apa torang mo bilang aturan itu sala? Pasti tarada, to? Aturan di lima kitab Musa itu tara sala, mala karna aturan itu ada, kita sandiri baru tau apa itu dosa. Dia pe conto bagini: di lima kitab Musa ada aturan yang tatulis, “Tara bole ingin orang laeng pe barang.” Kita tara tau kalu ingin orang laeng pe barang itu dosa, kong kita baru tau itu dosa, karna aturan itu.

Yakobus 5:10

Sudara-sudara, iko yang nabi-nabi so kase conto. Waktu dorang kase turus Tuhan Allah pe pasáng, dorang dapa tantang sampe menderita macam-macam. Tapi biar bagitu, dorang tetap sabar deng tara berenti kase tau Tuhan Allah pe pasáng turus.

2 Petrus 1:21

Karna samua yang nabi-nabi kase tau itu me, tara perna iko manusia pe mau. Tapi Roh Kudus yang kuasai pa nabi-nabi itu yang biking sampe dorang bisa kase tau Tuhan Allah pe pasáng.

2 Petrus 3:2

Ngoni musti inga Tuhan Allah pe pasáng yang dulu Dia pe nabi-nabi so perna kase tau. Ngoni me musti inga parenta dari torang pe Tuhan Yesus yang kase slamat pa torang. Parenta itu, Yesus pe utusan-utusan yang orang sebut rasul ada kase tau pa ngoni.