Ibrani 11:3 - Perjanjian Baru Bahasa Melayu Maluku Utara

³ Deng karna torang percaya pa Tuhan Allah, torang jadi mangarti, langit deng bumi ini Tuhan Allah biking cuma deng Dia pe bicara saja. Jadi apa yang torang bole lia itu, Dia biking dari apa yang torang tara dapa lia.

Ibrani 11:3 ပူးပေါင်းရင်းမြစ်များ

Yohanes 1:3

Tuhan Allah pake pa Yesus, Firman itu untuk biking samua-samua yang ada. Deng tara ada satu barang yang jadi, kalu Tuhan Allah tara pake pa Dia itu.

Kisah Para Rasul 14:15

“Ee ngoni samua, bikiapa kong ngoni biking bagini? Torang ini cuma manusia, sama deng ngoni. Torang datang kamari mo kase tau pa ngoni Kabar Bae tentang Yesus Kristus supaya ngoni bisa kase tinggal ngoni pe puji-puji yang tarada dia pe guna itu, kong percaya pa Tuhan Allah yang hidup itu. Dia itu suda yang biking langit, bumi, laut deng samua dia pe isi.

Kisah Para Rasul 17:24

Tuhan Allah itu yang biking dunia ini deng dia pe isi samua. Dia itu suda Tuhan yang berkuasa di langit deng di bumi. Dia tara tinggal di tampa-tampa semba yang manusia biking.

Roma 4:17

Itu sama deng yang Tuhan Allah ada bilang tentang dia di Kitab Suci bagini, “Kita so pili pa ngana jadi papa untuk banya suku bangsa di dunia.” Kong Abraham percaya apa yang Tuhan Allah bilang itu. Tuhan Allah itu yang kase hidup orang yang so mati, deng Dia me yang biking dunia ini dari yang bolong ada, jadi ada, cuma deng Dia pe kata-kata saja.

1 Korintus 2:7

Tapi rencana yang bijaksana itu dari Tuhan Allah. Rencana itu dulu orang bolong tau karna Tuhan Allah bolong buka rahasia itu. Dia pe rencana itu so ada dari dulu waktu Dia bolong cipta dunia ini. Dia biking rencana itu, supaya torang yang percaya pa Dia bole dapa puji deng hormat.

1 Timotius 4:5

Karna Tuhan Allah pe firman deng torang pe doa yang biking sampe samua itu tara jadi haram.

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Ibrani 6:5

Dorang so perna tau, Tuhan Allah pe firman itu paling bagus, deng dorang lagi so rasa Tuhan Allah pe kuasa yang akan ada di dunia yang baru nanti.

2 Petrus 3:5

Dorang bilang bagitu karna dorang sangaja tara mau akui, Tuhan Allah biking langit cuma deng Dia pe bicara saja. Kong cuma deng bicara lagi, Dia biking bumi dari aer, deng kase pisa bumi itu dari aer.

Wahyu 4:11

“Ya Tuhan Allah torang pe Tuhan. Cuma Tuhan saja yang pantas mo dapa puji deng hormat, deng Tuhan yang punya kuasa. Barang, Tuhan so cipta samua-samua yang ada, kong samua itu ada karna Tuhan suka itu ada, Tuhan yang biking samua itu.”