Ibrani 11:19 - Perjanjian Baru Bahasa Melayu Maluku Utara

¹⁹ Abraham mau saja kase Ishak jadi korban persembahan, barang Abraham yakin Tuhan Allah ada kuasa untuk kase hidup ulang pa Ishak. Deng memang, Tuhan Allah tara kase biar Abraham kase mati pa Ishak. Itu sama deng Tuhan Allah so kase hidup ulang pa Ishak dari kematian.

Ibrani 11:19 ပူးပေါင်းရင်းမြစ်များ

Matius 12:36

Inga e, nanti di waktu Tuhan mo adili pa samua orang, tiap orang musti tanggung jawab pa Tuhan samua kata-kata yang dia so perna bilang, biar itu kata-kata yang tarada dia pe guna.

Matius 9:28

Waktu Yesus maso di ruma satu, dua orang buta itu datang pa Dia. Kong Yesus tanya pa dorang, “Ngoni percaya Kita bole kase sembu pa ngoni?” Dorang jawab, “Iyo Bapa, torang percaya.”

Roma 5:14

Tapi biar bagitu me, dari Adam pe jaman sampe pa nabi Musa pe jaman, samua orang pasti mati, biar lagi dorang itu tara langgar Tuhan Allah pe parenta sama deng Adam. Jadi Adam deng Yesus Kristus ada dia pe sama. Dorang dua pe hidup ada biking barang yang kase pengaru pa orang-orang.

Efesus 3:20

Tuhan Allah pe kuasa yang bakarja pa torang pe hidup itu paling basar skali, kong deng Dia pe kuasa itu Dia bisa biking lebe dari apa yang torang minta, deng lebe dari apa yang torang pikir.

Ibrani 9:24

Barang, Yesus Kristus tara maso di Ruang Paling Suci di Tenda Ibada di dunia yang manusia biking. Ruang itu cuma conto saja dari cara semba yang butul. Tapi Yesus Kristus maso di Ruang Paling Suci yang butul yang ada di sorga. Di sana skarang Yesus Kristus jadi tong pe wakil pa Tuhan Allah pe muka.

Ibrani 9:9

Ini jadi ajaran untuk torang skarang, samua binatang korban persembahan deng persembahan laeng yang imam kase pa Tuhan Allah tara bisa biking manusia pe hati jadi bersi dari dosa-dosa.