Ibrani 11:17 - Perjanjian Baru Bahasa Melayu Maluku Utara

¹⁷ Karna Abraham percaya pa Tuhan Allah, Abraham kase dia pe ana Ishak jadi korban persembahan waktu Tuhan Allah tes pa dia. Ishak itu, Abraham pe ana cuma satu itu saja, deng yang Tuhan Allah so janji mo ada banya turunan dari ana itu.

Ibrani 11:17 ပူးပေါင်းရင်းမြစ်များ

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

2 Korintus 8:12

Karna kalu ngoni bakase deng hati yang sanang, tamba lagi yang ngoni kase itu iko apa yang ngoni mampo bakase, Tuhan akan tarima apa yang ngoni kase itu. Dia tara perna minta torang kase lebe dari apa yang ada pa torang.

Ibrani 11:13

Orang tua dulu-dulu yang tadi kita so bilang itu tetap percaya pa Tuhan Allah sampe dorang mati. Waktu dorang masi hidup, memang dorang bolong tarima apa yang Tuhan Allah janji pa dorang. Tapi dorang yakin dong akan tarima itu, jadi bole kase sama deng dorang ada balia dari jao apa yang Tuhan Allah janji pa dorang kong dorang sambut itu. Kong sementara dorang tunggu Tuhan pe janji mo jadi pa dorang, dong jaga bilang dong pe diri di dunia itu sama deng tamu deng pendatang saja yang tinggal tara lama di dunia ini.

Ibrani 7:6

Tapi Melkisedek itu bukang imam Lewi pe turunan. Biar bagitu, Abraham tetap kase pa Melkisedek spulu persen dari barang-barang yang dia ambe waktu dia menang dari prang. Kong Melkisedek berdoa pa Tuhan Allah, minta Abraham dapa berkat, padahal Abraham itu orang yang so tarima Tuhan Allah pe janji-janji dari dulu.

Yakobus 5:11

Inga e, orang-orang yang batahang mangada susa, torang bilang dorang itu yang paling sanang suda. Ngoni so dengar tentang Ayub, to? Dia dapa susa macam-macam tapi dia batahang kong iko turus pa Tuhan. Dia pe ahir kabawa, Tuhan Allah kase berkat pa dia. Tuhan Allah biking bagitu, karna Dia pangsayang skali deng rasa kasiang skali pa samua orang.

1 Petrus 4:12

Sudara-sudara yang kita sayang, ngoni dapa siksa yang barát skali, tapi siksa itu untuk uji ngoni pe percaya la ngoni pe percaya tamba kuat. Jadi jang ngoni herang kalu ngoni dapa siksa, deng jang ngoni pikir cuma ngoni saja yang dapa siksa.

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.