Ibrani 11:14 - Perjanjian Baru Bahasa Melayu Maluku Utara

¹⁴ Orang-orang yang sebut dong pe diri itu pendatang di dunia, itu jelas dorang ada rindu dong pe tampa tinggal yang tetap, tampa yang tarada di dunia ini.

Ibrani 11:14 ပူးပေါင်းရင်းမြစ်များ

2 Korintus 4:18

Sudara-sudara, sengsara itu torang rasa cuma selama tong ada di dunia ini saja. Jadi jang cuma torang perhatikan apa yang tong dapa lia deng mata kapala sandiri saja. Tapi perhatikan suda apa yang torang akan dapa nanti, yang Tuhan Allah so kase sadia untuk torang di sorga, karna itu yang akan ada sampe slama-lamanya.

Filipi 1:23

Kita ini sama deng ada mangada dua pilihan. Kita suka mo kase tinggal dunia ini supaya bisa tinggal sama-sama deng Yesus Kristus di sorga, karna itu memang yang paling bae.

Ibrani 11:13

Orang tua dulu-dulu yang tadi kita so bilang itu tetap percaya pa Tuhan Allah sampe dorang mati. Waktu dorang masi hidup, memang dorang bolong tarima apa yang Tuhan Allah janji pa dorang. Tapi dorang yakin dong akan tarima itu, jadi bole kase sama deng dorang ada balia dari jao apa yang Tuhan Allah janji pa dorang kong dorang sambut itu. Kong sementara dorang tunggu Tuhan pe janji mo jadi pa dorang, dong jaga bilang dong pe diri di dunia itu sama deng tamu deng pendatang saja yang tinggal tara lama di dunia ini.

Ibrani 11:15

Kong tampa yang dorang rindu itu, itu bukang dorang pe tampa tinggal dulu yang dong ada kase tinggal. Karna kalu tampa tinggal itu yang dorang rindu, dorang bole mo bale ulang di situ.

Ibrani 11:16

Tapi tampa tinggal yang dorang rindu itu, tampa tinggal yang lebe bagus. Tampa tinggal itu, sorga suda. Karna itu, Tuhan Allah tara malu waktu dorang bilang, Dia itu dorang pe Tuhan Allah, barang Dia so kase sadia kota itu untuk dorang tinggal.

Ibrani 13:14

Barang, di dunia ini torang tara punya tampa tinggal yang tetap untuk torang tinggal slama-lamanya, tapi torang tunggu-tunggu deng rindu mo dapa tampa tinggal yang tetap untuk torang tinggal nanti di sorga.