Ibrani 10:5 - Perjanjian Baru Bahasa Melayu Maluku Utara

⁵ Kong karna binatang korban persembahan pe dara itu tara cukup untuk hapus manusia pe dosa, itu yang biking sampe Yesus Kristus bilang bagini waktu Dia datang di dunia, “Tuhan Allah, Tuhan tara mau binatang korban persembahan deng persembahan-persembahan laeng, tapi Tuhan Allah so sadia Kita pe badan untuk jadi persembahan pa Tuhan Allah.

Ibrani 10:5 ပူးပေါင်းရင်းမြစ်များ

Matius 11:3

Dorang tanya bagini, “Bapa, Bapa ini suda yang Tuhan Allah so janji mo datang itu? Atau torang musti tunggu yang laeng?”

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Lukas 7:19

Pe dengar itu, Yohanes pangge dia pe murit dua orang kong suru pigi pa Tuhan Yesus la tanya bagini, “Bapa, Bapa ini suda yang Tuhan Allah so janji mo datang itu? Atau torang musti tunggu yang laeng?”

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

Ibrani 1:6

Deng waktu Tuhan Allah suru Dia pe Anak yang paling terhormat itu datang di dunia, Tuhan Allah bilang bagini, “Samua Kita pe malaekat musti semba pa Dia.”

Ibrani 10:10

Yesus Kristus ada iko Tuhan Allah pe mau waktu Dia jadi korban persembahan satu kali untuk slama-lamanya. Kong deng Dia kase korban Dia pe diri itu, Dia biking torang jadi Dia pe umat yang bersi dari dosa satu kali untuk slama-lamanya.

Ibrani 10:7

Turus, Kita bilang, ‘Tuhan Allah! Lia, ini Kita. Kita datang untuk biking Tuhan Allah pe mau, itu sama deng Tuhan Allah janji dulu mo jadi pa Kita kong ada tatulis di Kitab Suci.’ ”

Ibrani 10:8

Jadi, yang kamuka yang Yesus Kristus bilang itu, “Tuhan Allah tara mau deng tara sanang deng binatang korban persembahan deng persembahan-persembahan laeng, termasuk binatang korban persembahan yang dong bakar untuk hapus dosa.” Padahal, persembahan-persembahan itu, orang bakase karna iko aturan-aturan di lima kitab Musa.

Ibrani 2:14

Ana-ana yang Yesus bilang itu, dorang itu cuma manusia biasa saja. Yesus datang di dunia jadi manusia supaya jadi sama deng dorang. Kong karna Dia jadi manusia, Dia bisa mati. Deng karna Dia mati itu, Dia kase kala pa Iblis, setang-setang pe raja yang ada kuasa biking orang mati.

Ibrani 5:7

Waktu Yesus Kristus hidup di dunia ini, Dia berdoa kong minta sunggu-sunggu sampe babataria deng mamanangis pa Tuhan Allah yang punya kuasa untuk kase lapas pa Dia dari kematian. Tuhan Allah dengar Dia pe doa itu, barang Dia butul-butul iko Tuhan Allah pe mau.

Ibrani 8:3

Barang, tiap imam basar di dunia ini dapa pili untuk biking tugas serakan umat pe binatang korban persembahan deng persembahan laeng pa Tuhan Allah. Bagitu lagi deng Yesus Kristus. Karna Dia torang pe Imam Basar, Dia lagi musti ada persembahan yang Dia kase pa Tuhan Allah.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.

2 Yohanes 1:7

Kita tulis surat ini pa ngoni karna ada banya orang skarang pigi bakuliling di seluru dunia untuk kase sesat orang. Dorang itu tara percaya, Yesus Kristus itu datang di dunia sebagai manusia. Dorang itu pangbafoya deng dong musu pa Yesus Kristus.