Ibrani 10:39 - Perjanjian Baru Bahasa Melayu Maluku Utara

³⁹ Tapi sudara-sudara, torang samua tara bagitu. Torang ini bukang orang-orang yang so kase tinggal torang pe percaya kong tapisa deng Tuhan Allah sampe slama-lamanya, tapi torang samua ini orang-orang yang percaya deng yang dapa slamat.

Ibrani 10:39 ပူးပေါင်းရင်းမြစ်များ

Markus 16:16

Sapa yang percaya deng dapa baptis, dia akan slamat. Tapi sapa yang tara percaya pa Kita, dia tara slamat kong akan dapa hukum.

Lukas 11:26

Kong setang itu pigi pangge dia pe tamang tuju yang lebe jahat dari dia. Abis itu, dorang sama-sama maso pa orang itu kong tinggal di situ. Dia pe ahir kabawa, orang itu pe keadaan so lebe soe dari yang pertama.”

Yohanes 17:12

Selama Kita ada deng dorang, Kita jaga pa dorang pake kuasa yang Bapa so kase pa Kita. Kita jaga pa dorang supaya tarada dari dorang yang tapisa deng Bapa, kacuali satu orang, Dia itu memang musti bagitu, supaya apa yang so tatulis dulu di Kitab Suci itu mo jadi.

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

1 Tesalonika 5:9

Barang, Tuhan Allah pili pa torang jadi Dia pe umat. Dia tara pili pa torang supaya Dia hukum pa torang, tapi supaya torang dapa slamat karna torang percaya pa Yesus Kristus, torang pe Tuhan.

2 Tesalonika 2:3

Jang kase biar sampe orang kase foya pa ngoni deng cara apa saja! Barang, sebelum Tuhan Yesus datang ulang, ini yang musti mo jadi kamuka: banya skali orang akan malawang pa Tuhan, deng orang yang paling jahat akan datang. Orang yang paling jahat itu yang nanti waktu kiamat, mo tapisa deng Tuhan Allah slama-lamanya.

1 Timotius 6:9

Tapi orang-orang yang suka jadi kaya, dorang itu yang gampang tagoda biking barang yang jahat. Dorang pe keinginan yang bodo itu talalu tinggi. Dorang pe keinginan itu yang biking dorang cilaka. Itu sama deng binatang yang cari makanang tapi so takanal dodeso kamuka.

Ibrani 10:26

Barang, kalu torang so tarima Kabar Bae tentang Yesus Kristus, turus torang masi sangaja biking dosa lagi, nanti so tarada lagi korban persembahan untuk hapus torang pe dosa itu.

Ibrani 10:38

Tapi Kita pe umat yang hidup butul pa Tuhan Allah pe muka, dorang itu hidup cuma bagantong deng dorang pe percaya pa Kita. Tapi kalu ada dari dorang yang so tara mau percaya lagi, Kita tara akan sanang deng dia.”

Ibrani 11:1

Sudara-sudara, skarang torang bicara tentang apa itu percaya pa Tuhan Allah. Percaya pa Tuhan Allah itu pe arti bagini: torang yakin torang akan tarima apa yang Tuhan Allah so janji pa torang, biar torang bolong dapa lia.

1 Petrus 1:5

Ngoni ini, Tuhan Allah ada jaga deng Dia pe kuasa karna ngoni percaya pa Dia. Dia jaga pa ngoni sampe ngoni mo dapa slamat dari dosa-dosa. Slamat itu yang Dia so kase sadia di hari kiamat nanti.

2 Petrus 3:7

Kong cuma deng bicara lagi, Tuhan Allah jaga langit deng bumi skarang, sampe di waktu Dia mo hukum pa orang-orang yang tara iko Dia pe mau deng Dia mo biking dorang mati slama-lamanya. Di waktu itu, Dia mo bakar kase abis dunia deng langit ini.

1 Yohanes 5:16

Kalu ada dari torang yang lia dia pe sudara yang percaya biking dosa, tapi dosa itu tara biking sudara itu dapa hukuman tapisa deng Tuhan Allah slama-lamanya, orang yang lia itu musti berdoa supaya Tuhan Allah kase ampun la dia bole dapa hidup deng Tuhan Allah slama-lamanya. Ada dosa yang biking orang dapa hukuman tapisa deng Tuhan Allah slama-lamanya. Untuk orang yang biking dosa yang bagitu, kita tara minta ngoni kase berdoa pa dia.

1 Yohanes 5:5

Cuma orang-orang yang percaya Yesus itu Anak Allah saja, yang bisa kase kala yang jahat di dunia ini. Tarada yang laeng!

Wahyu 17:11

Kong binatang jahat yang so perna ada itu kong so tarada lagi, dia itu satu dari tuju raja itu. Dia akan muncul ulang dari tampa tahang setang-setang. Dia mo jadi raja yang kedelapan, tapi tara lama dia akan mati slama-lamanya.

Wahyu 17:8

Binatang jahat yang ngana lia tadi itu, dulu so perna ada, tapi dia so tarada lagi. Nanti dia akan muncul dari jurang maut, tampa tahang setang-setang, turus dia mo mati slama-lamanya. Kong orang-orang yang tinggal di dunia akan herang waktu lia binatang itu. Dorang yang herang itu yang pe nama tara tatulis di buku kehidupan waktu Tuhan Allah bolong biking dunia ini. Dorang akan herang kalu dong lia, binatang itu dulu ada, skarang so tarada, tapi nanti akan datang ulang.