Ibrani 10:27 - Perjanjian Baru Bahasa Melayu Maluku Utara

²⁷ Kalu torang pe kalakuang macam deng itu, torang tinggal tunggu dia pe waktu Tuhan Allah mo hukum pa torang yang paling biking dapa tako. Dia mo hukum pa torang deng api yang mamanyala. Api itu mo kase angus abis pa orang-orang yang malawang pa Dia.

Ibrani 10:27 ပူးပေါင်းရင်းမြစ်များ

Matius 13:42

Kong malaekat-malaekat mo buang orang-orang itu di api yang tara mati-mati. Di situ dorang akan manangis sampe dong pe gigi babunyi karna siksa skali.

Matius 13:50

Kong malaekat-malaekat mo buang orang jahat di api yang tara akan mo mati-mati. Di sana dorang manangis sampe dong pe gigi babunyi karna dong siksa skali.”

Matius 25:41

Turus, Dia mo babilang pa orang-orang yang ada pa Dia pe sabla kiri bagini, ‘Bajao suda dari sini ngoni orang-orang yang Tuhan so kutuk, kong ka sana suda maso di api yang tara mati-mati itu, yang so kase sadia untuk Iblis deng dia pe ana-ana bua.

Matius 3:10

Tuhan Allah so siap mo hukum pa samua orang yang tara iko Dia pe mau. Itu sama deng satu orang yang so siap-siap deng tamako mo potong pohong yang tara babua bagus, turus buang pohong itu di api.

Matius 3:12

Dia mo kase pisa pa orang yang iko pa Dia deng pa orang yang tara iko pa Dia. Itu sama deng orang batapis gandum untuk kase pisa dari konga. Gandum yang bagus dia simpang di lumbung, tapi konga dia buang di api yang tara mati-mati.”

Matius 8:29

Kong setang yang ada pa dorang dua itu bataria, “Ado, Anak Allah! Ngana mo biking apa pa torang? Ngana pe waktu untuk siksa pa torang bolong sampe, bikiapa kong mo siksa pa torang skarang?”

Lukas 16:24

Turus orang kaya itu bicara kuat-kuat bagini, ‘Bapa Abraham, kasiang pa kita ka! Suru pa Lazarus colo dia pe jari di aer kong kase basa kita pe lida ka. Barang kita menderita skali di api ini!’

Lukas 19:27

Tapi skarang, samua kita pe musu yang tara suka kita dapa lantik jadi dorang pe raja, tangka pa dorang kong bawa kamari, turus bunu suda pa dorang di kita pe muka-muka!’ ”

Lukas 21:26

Orang-orang akan totofore stenga mati mo pikir apa yang akan mo jadi di seluru dunia ini, gara-gara samua yang ada di langit mo jadi kaco.

Lukas 23:30

Kong nanti orang mo bilang pa gunung-gunung, ‘Longsor suda kong tindis pa torang!’ Deng bilang pa bukit-bukit, ‘Tatambung suda pa torang.’

Yohanes 5:29

kong orang-orang yang waktu dorang masi hidup jaga biking barang yang bae, dorang mo hidup ulang, kong mo dapa hidup deng Tuhan Allah slama-lamanya. Tapi orang-orang yang waktu dorang masi hidup jaga biking barang yang jahat, dorang lagi mo hidup ulang, kong mo dapa hukuman tapisa deng Tuhan Allah slama-lamanya.”

Ibrani 12:25

Jadi, ngoni musti dengar bae-bae pa Tuhan Allah yang bicara pa ngoni, jang ngoni tolak pa Dia. Barang, dulu-dulu itu, orang-orang Israel tara peduli deng Tuhan Allah pe kata-kata yang nabi Musa bilang pa dorang di dunia, jadi dorang dapa hukum. Apalagi deng torang ini, torang pasti tara akan bebas dari Tuhan Allah pe hukuman kalu torang tara mau dengar Tuhan Allah yang dari sorga pe bicara.

Ibrani 12:29

Barang, Tuhan Allah yang torang semba itu, Dia sama deng api yang kase angus samua-samua.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

Ibrani 9:27

Memang Tuhan Allah so tentukan supaya manusia mati cuma satu kali saja, kong abis itu dapa adili.

Yakobus 5:3

Ngoni pe mas deng perak so bakarat. Dia bakarat itu jadi bukti ngoni skakar pa orang, jadi Tuhan Allah akan hukum kase ancor ngoni pe badan, sama deng api kase angus rumpu. Ngoni so kumpul harta banya-banya, tapi samua itu akan ilang di hari kiamat.

Wahyu 20:15

Tiap orang yang dia pe nama tara tatulis di buku kehidupan itu, dia dapa lempar di dalam api yang luas skali itu.