Ibrani 10:26 - Perjanjian Baru Bahasa Melayu Maluku Utara

²⁶ Barang, kalu torang so tarima Kabar Bae tentang Yesus Kristus, turus torang masi sangaja biking dosa lagi, nanti so tarada lagi korban persembahan untuk hapus torang pe dosa itu.

Ibrani 10:26 ပူးပေါင်းရင်းမြစ်များ

Lukas 12:47

Orang karja yang tau dia pe tuang pe mau kong tara basiap-siap atau tara biking apa yang dia pe tuang mau, dia itu mo dapa pukul hebat dari dia pe tuang.

Yohanes 13:17

Skarang ini, ngoni so tau yang Kita so kase ajar pa ngoni, jadi ngoni lagi musti iko Kita pe conto untuk layani orang supaya ngoni butul-butul sanang.

Yohanes 9:41

Yesus jawab pa dorang, “Kalu ngoni buta, itu berarti ngoni tara tau apa yang butul, jadi waktu ngoni biking dosa, ngoni tara tau ngoni ada biking dosa. Tapi ngoni bilang kata, ngoni mangarti yang butul, kong ngoni tetap biking dosa, jadi Tuhan Allah bilang ngoni masi tetap ada dosa.”

2 Tesalonika 2:10

Orang jahat itu mo pake banya cara yang tara bae, la mo tipu pa orang-orang yang akan tapisa deng Tuhan Allah slama-lamanya. Dorang itu mo tapisa deng Tuhan Allah karna dorang tara mau dengar ajaran yang butul tentang Tuhan Yesus yang mo kase slamat pa dorang.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.

1 Timotius 2:4

Dia mau samua orang dapa slamat deng mangarti ajaran yang butul.

Yakobus 4:17

Jadi kalu ada orang tau hal yang bae yang musti dia biking, kong dia tara biking, itu dia so berdosa.

1 Yohanes 5:16

Kalu ada dari torang yang lia dia pe sudara yang percaya biking dosa, tapi dosa itu tara biking sudara itu dapa hukuman tapisa deng Tuhan Allah slama-lamanya, orang yang lia itu musti berdoa supaya Tuhan Allah kase ampun la dia bole dapa hidup deng Tuhan Allah slama-lamanya. Ada dosa yang biking orang dapa hukuman tapisa deng Tuhan Allah slama-lamanya. Untuk orang yang biking dosa yang bagitu, kita tara minta ngoni kase berdoa pa dia.