Ibrani 10:25 - Perjanjian Baru Bahasa Melayu Maluku Utara

²⁵ Kong jang torang pamalas bakumpul deng orang-orang percaya, sama deng babarapa orang percaya laeng jaga biking. Tapi mari suda torang bakumpul turus-turus la baku kase kuat torang pe percaya, lebe-lebe lagi karna torang tau Tuhan Yesus pe waktu mo datang ulang yang kedua kali so lebe dekat.

Ibrani 10:25 ပူးပေါင်းရင်းမြစ်များ

Matius 10:15

Inga bae-bae e, nanti di hari kiamat, waktu Tuhan mo adili pa samua orang, orang yang tara tarima pa ngoni itu akan dapa hukuman yang paling barát, lebe barát dari hukuman yang orang dari kota Sodom deng kota Gomora perna dapa.”

Matius 18:20

Barang, kalu ada dua atau tiga orang bakumpul karna percaya pa Kita, di situ suda Kita ada sama-sama deng dorang.”

Yohanes 12:48

Sapa saja yang tara tarima pa Kita, deng yang tara tarima Kita pe ajaran, dorang itu mo dapa hukum. Kong nanti di hari kiamat, Tuhan Allah yang mo hukum pa dorang pake Kita pe ajaran itu nanti.

Kisah Para Rasul 16:16

Satu kali, torang tiga pigi ulang di tampa berdoa itu. Di jalang, torang baku dapa deng parampuang satu yang setang jaga pake pa dia la kase tau orang pe nasib. Banya orang jaga datang pa dia la minta dia kase tau dorang pe nasib, turus bayar pa dia. Doi yang dia dapa itu banya, tapi dia pe tuang-tuang yang ambe, barang dia cuma jadi dorang punya.

Kisah Para Rasul 2:1

Waktu orang Yahudi biking dorang pe sukur bapanen yang dong sebut hari raya Pentakosta, samua orang yang percaya pa Yesus bakumpul di ruma satu di Yerusalem.

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Kisah Para Rasul 20:7

Hari pertama di minggu itu, torang deng orang-orang percaya yang laeng bakumpul biking perjamuan. Di situ, Paulus bicara lama pa orang-orang percaya itu sampe tenga malam, barang dia pe beso dia so mo barangkat.

Roma 12:8

Kalu Tuhan Allah so kase karunia pa torang untuk kase smangat orang, torang musti biking itu. Kalu Tuhan Allah so kase karunia pa torang untuk kase pa orang apa yang torang punya, torang musti kase itu deng tulus. Kalu Tuhan Allah so kase karunia pa torang untuk jadi pemimpin, torang musti bapimpin bae-bae. Kong kalu Tuhan Allah so kase karunia pa torang untuk kasiang la tolong pa orang yang susa, torang musti biking itu deng hati sanang.

1 Korintus 11:20

Kong waktu ngoni bakumpul iko perjamuan, ngoni pe kalakuang tara cocok untuk orang yang pantas mo iko perjamuan.

1 Korintus 14:23

Jadi, kalu ngoni satu jemaat ada bakumpul sama-sama, kong tiap orang bicara pake bahasa roh, turus ada orang-orang dari luar jemaat, atau orang-orang yang tara percaya pa Tuhan maso di situ, akan dorang bilang, “Ya, dong so gila!”

1 Korintus 14:3

Padahal, orang yang dapa karunia untuk kase turus Tuhan Allah pe pasáng pa orang-orang, dia itu bicara pa manusia, kong dia pe kata-kata itu dia pe guna untuk tamba kase kuat dorang pe percaya, untuk kase smangat pa dorang, deng untuk kase hibur pa dorang.

1 Korintus 3:13

Nanti di hari kiamat, dorang masing-masing pe hasil karja akan dapa priksa, bagus ka tarada. Itu sama deng ruma yang mo dapa tes deng api, apa mo angus ka tarada. Karna bahan yang bagus, akan tahang waktu dapa bakar, sedangkan bahan yang tara bagus, tara tahang waktu dapa bakar.

1 Korintus 5:4

Waktu ngoni orang-orang yang percaya pa Tuhan Yesus bakumpul, kita pe hati lagi ada sama-sama deng ngoni di situ. Jadi deng torang pe Tuhan Yesus pe kuasa, kita minta pa ngoni,

Filipi 4:5

Kong biar suda samua orang bole lia ngoni pe kalakuang yang bae. Inga! So tara lama lagi Tuhan mo datang ulang.

1 Tesalonika 4:18

Jadi, ngoni musti kase tau ajaran ini pa orang-orang, supaya ngoni bole baku kase kuat hati.

1 Tesalonika 5:11

Jadi, ngoni musti carita ulang ajaran ini pa ngoni pe tamang-tamang supaya baku kase hibur deng baku kase kuat orang pe hati, sama deng yang ngoni salalu biking sampe skarang ini.

Ibrani 10:24

Deng mari suda torang baku perhatikan, deng baku kase smangat, supaya torang samua lebe tamba sayang pa orang-orang, deng lebe tamba biking hal-hal yang bae.

Ibrani 10:37

Barang, di Kitab Suci tatulis Tuhan Allah so janji bagini, “So tara lama lagi, Dia yang mo datang itu so mo datang, Dia so tara akan tunda-tunda lagi Dia pe waktu mo datang.

Ibrani 13:22

Sudara-sudara, kita minta deng sunggu-sunggu supaya ngoni dengar bae-bae kita pe nasehat ini, biar lagi cuma pende saja kita pe surat ini.

Ibrani 3:13

Tapi ngoni, tiap hari, selama masi ada kesempatan yang torang bilang “hari ini”, ngoni musti baku kase kuat ngoni pe hati untuk tamba percaya pa Yesus, supaya tara ada satu dari ngoni yang dapa tipu kong biking dosa sampe jadi tara dengar-dengaran lagi pa Tuhan Allah.

Yakobus 5:8

Bagitu lagi deng ngoni, ngoni musti basabar deng kase kuat ngoni pe hati, karna Tuhan pe waktu mo datang ulang so dekat.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

2 Petrus 3:11

Jadi karna samua itu nanti akan abis deng cara bagitu, torang yang hidup skarang ini musti hidup deng hati bersi, deng lagi hidup iko Tuhan Allah pe mau,

2 Petrus 3:14

Karna itu, sudara-sudara yang kita sayang, sementara ngoni tunggu samua itu mo jadi, ngoni musti berusaha turus-turus supaya ngoni pe hidup bersi deng tarada sala apa-apa pa Tuhan Allah pe muka, deng lagi ngoni pe hubungan deng Dia tetap bae.

2 Petrus 3:9

Tapi ada orang yang anggap Tuhan Allah talalu lama mo biking Dia pe janji tentang Yesus Kristus mo datang ulang, padahal tara bagitu. Yesus Kristus bolong datang itu, karna Tuhan Allah sabar deng ngoni, Dia suka samua orang ada waktu untuk bertobat. Dia tara mau ada orang yang mati tapisa slama-lamanya dari Dia, biar lagi cuma satu orang.

Yudas 1:19

Dorang itu yang jaga biking orang laeng baku-baku malawang sampe jadi tapisa-pisa. Dalam dorang pe diri tara ada Roh Kudus, dong pe hidup cuma iko dong pe keinginan-keinginan yang tara bae.