Ibrani 10:24 - Perjanjian Baru Bahasa Melayu Maluku Utara

²⁴ Deng mari suda torang baku perhatikan, deng baku kase smangat, supaya torang samua lebe tamba sayang pa orang-orang, deng lebe tamba biking hal-hal yang bae.

Ibrani 10:24 ပူးပေါင်းရင်းမြစ်များ

Kisah Para Rasul 11:29

Pe dengar bagitu, orang-orang yang percaya pa Yesus ambe keputusan la mo kumpul doi sumbangan kong kirim pa orang-orang yang percaya yang tinggal di daera Yudea. Dorang kase itu, iko dorang pe kemampuan masing-masing.

Roma 11:4

Tapi ini yang Tuhan Allah bilang pa nabi Elia, “Bukang cuma ngana, tapi masi ada Kita pe umat tuju ribu orang yang Kita jaga supaya dorang setia pa Kita, yang tara perna berlutut semba pa Baal, orang pe puji-puji.”

Roma 12:15

Turus, kalu ada orang yang sanang, ngoni iko sanang sama-sama deng dia. Kong kalu ada orang yang manangis, ngoni iko manangis sama-sama deng dia!

1 Korintus 10:33

Ngoni biking suda sama deng yang kita jaga biking: di samua hal yang kita biking, kita biking samua itu bae-bae supaya samua orang sanang deng apa yang kita biking itu. Apa saja yang kita biking, itu bukang untuk kita pe bae sandiri, tapi untuk orang banya pe bae, supaya dorang me bole dapa slamat.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

2 Korintus 8:8

Kita bicara tentang doi sumbangan itu, bukang berarti kita mo parenta pa ngoni. Tapi kita mau ngoni tau, jemaat-jemaat di daera Makedonia suka skali bantu pa orang yang perlu, supaya ngoni lagi ada smangat untuk bantu orang sama deng yang jemaat-jemaat Makedonia so biking. Karna kalu ngoni biking bagitu, orang bisa tau, ngoni itu butul-butul sayang orang.

2 Korintus 9:2

karna kita so tau ngoni suka mo bantu pa dorang. Jadi kita puji pa ngoni di jemaat-jemaat di daera Makedonia bagini, “Torang pe sudara-sudara yang percaya di daera Akhaya, dari taong lalu dorang so siap untuk kase doi sumbangan.” Jadi deng ngoni smangat bakase doi sumbangan itu, banya orang di daera Makedonia yang jadi lebe tamba smangat lagi untuk bantu sama deng yang ngoni biking itu.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Galatia 6:1

Sudara-sudara, kalu ngoni dapa ngoni pe sudara satu yang percaya ada biking dosa, lebe bae ngoni yang Roh Kudus kuasai kase nasehat pa dia bae-bae supaya jang dia biking bagitu lagi, kong dia bole bale ulang di jalang yang butul. Ngoni me musti jaga-jaga supaya ngoni sandiri jang sampe tagoda untuk biking dosa sama deng orang itu.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

1 Tesalonika 5:11

Jadi, ngoni musti carita ulang ajaran ini pa ngoni pe tamang-tamang supaya baku kase hibur deng baku kase kuat orang pe hati, sama deng yang ngoni salalu biking sampe skarang ini.

2 Tesalonika 3:9

Torang biking itu bukang karna torang tarada hak untuk jemaat bantu pa torang. Tapi torang tara mau pake hak itu. Torang karja karas bagitu, karna torang suka jadi conto untuk ngoni, supaya ngoni bole iko.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Titus 2:4

Deng bagitu, dorang bole kase ajar pa parampuang-parampuang yang masi muda supaya sayang dong pe laki deng dong pe ana-ana,

Titus 3:8

Samua yang kita so kase ajar ini butul, kong itu bagus deng ada guna untuk samua orang. Kita mau ngana bilang deng tegas ajaran ini pa samua orang yang percaya pa Tuhan Allah, supaya dorang berusaha butul-butul biking barang yang bae.

Ibrani 13:1

Ngoni musti tetap baku-baku sayang turus e, karna ngoni orang yang sama-sama percaya pa Tuhan!

Ibrani 13:3

Ngoni me musti inga pa orang-orang yang ada di dalam penjara. Ngoni inga pa dorang, sama deng ngoni lagi ada sama-sama deng dorang di dalam penjara. Ngoni inga lagi pa orang yang dapa siksa, sama deng ngoni sandiri ada rasa siksa yang dong dapa itu.

Ibrani 3:13

Tapi ngoni, tiap hari, selama masi ada kesempatan yang torang bilang “hari ini”, ngoni musti baku kase kuat ngoni pe hati untuk tamba percaya pa Yesus, supaya tara ada satu dari ngoni yang dapa tipu kong biking dosa sampe jadi tara dengar-dengaran lagi pa Tuhan Allah.

1 Yohanes 3:18

Jadi, ngoni yang kita sayang sama deng kita pe ana-ana, kalu torang sayang orang, jang cuma di mulu saja atau cuma bilang torang sayang pa dorang tapi torang tara biking apa-apa. Mari suda torang sayang pa orang butul-butul iko deng apa yang torang biking tiap hari pa orang laeng.