Ibrani 10:14 - Perjanjian Baru Bahasa Melayu Maluku Utara

¹⁴ Barang, deng Dia kase korban Dia pe diri satu kali saja, Dia so biking orang-orang percaya jadi sempurna sampe slama-lamanya, dorang itu yang Dia sementara biking jadi Dia pe umat sandiri yang bersi dari dosa.

Ibrani 10:14 ပူးပေါင်းရင်းမြစ်များ

Kisah Para Rasul 20:32

Jadi skarang, kita minta Tuhan Allah jaga pa ngoni deng bantu ngoni inga turus Dia pe firman tentang Dia pe bae pa ngoni. Firman itu yang bisa kase kuat ngoni pe percaya, deng yang nanti mo kase pa ngoni samua yang Dia so janji mo kase pa orang-orang yang Dia so biking jadi Dia pe umat sandiri.

Kisah Para Rasul 26:13

Tapi raja Agripa, waktu torang bajalang sampe tenga hari, kage-kage kita lia ada cahaya tarang skali dari langit. Cahaya itu lebe tarang dari matahari. Cahaya itu kanal kase kuliling pa kita deng pa orang-orang yang ada sama-sama bajalang deng kita.

Roma 15:16

Dia pangge pa kita jadi Yesus Kristus pe utusan untuk kase tau Kabar Bae dari Tuhan Allah pa orang-orang yang bukang Yahudi. Kita pe tugas itu kita kase sama deng orang Yahudi pe imam pe tugas, karna kalu kita kase tau Kabar Bae itu pa orang bukang Yahudi kong dorang jadi percaya pa Yesus, itu kita so kase sanang Tuhan Allah pe hati, sama deng imam kase binatang korban persembahan pa Tuhan Allah. Kong Tuhan Allah tarima pa dorang karna Roh Kudus so biking dong jadi Tuhan Allah pe umat sandiri.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

Efesus 5:26

Yesus Kristus mati, supaya torang Dia pe jemaat bole jadi Dia pe umat yang bersi dari dosa karna torang so dengar Dia pe firman deng torang so dapa baptis.

Ibrani 10:1

Cara semba pa Tuhan Allah iko aturan-aturan di lima kitab Musa, itu bole kase sama deng bayangan yang tara sama deng dia pe asli. Dia pe asli itu cara semba yang butul pa Tuhan Allah karna Yesus Kristus so datang. Kalu iko aturan-aturan itu, orang yang mo semba pa Tuhan Allah musti kase binatang korban persembahan turus-turus tiap taong. Tapi biar dong kase binatang korban persembahan turus-turus tiap taong, itu tara biking dong jadi sempurna pa Tuhan Allah pe muka.

Ibrani 10:10

Yesus Kristus ada iko Tuhan Allah pe mau waktu Dia jadi korban persembahan satu kali untuk slama-lamanya. Kong deng Dia kase korban Dia pe diri itu, Dia biking torang jadi Dia pe umat yang bersi dari dosa satu kali untuk slama-lamanya.

Ibrani 10:12

Tapi Yesus Kristus, cuma satu kali Dia serakan Dia pe diri jadi korban persembahan untuk hapus manusia pe dosa-dosa, kong korban itu berlaku untuk slama-lamanya. Abis itu, Dia dudu di tampa yang terhormat di sorga, pa Tuhan Allah pe sabla kanan.

Ibrani 13:12

Dorang bakar bangke di luar tampa tinggal itu, itu bole kase sama deng Yesus Kristus lagi menderita kong mati di luar kota Yerusalem untuk kase Dia pe dara sandiri, supaya biking ngoni jadi Dia pe umat yang bersi dari dosa.

Ibrani 2:11

Yesus yang tebus torang manusia pe dosa supaya torang jadi bersi pa Tuhan Allah pe muka. Dia deng torang pe Bapa cuma satu. Karna itu, Dia tara malu bilang, torang ini Dia pe sudara-sudara.

Ibrani 7:19

Aturan-aturan di lima kitab Musa itu tara berhasil biking manusia pe hubungan deng Tuhan Allah jadi sempurna. Tapi skarang, torang so ada tampa baharap yang lebe bae. Itu Yesus suda, Dia yang biking torang bole badekat deng Allah.

Ibrani 7:25

Kong karna Dia Imam slama-lamanya, Dia ada kuasa kase slamat pa orang-orang yang mau datang pa Tuhan Allah, dari skarang sampe slama-lamanya. Dia kase slamat pa torang, barang Dia hidup slama-lamanya untuk kase berdoa pa torang pa Tuhan Allah.

Ibrani 9:10

Barang, aturan-aturan di janji yang lama itu, cuma ator tentang apa yang orang musti makang deng minum, deng cara-cara untuk orang biking bersi diri saja. Kong samua aturan itu cuma ator di manusia pe bagian luar diri saja, bukang untuk manusia pe dalam hati, turus aturan itu cuma ada dia pe guna sampe di waktu Tuhan Allah ganti deng janji yang baru.

Ibrani 9:14

Jadi kalu dara deng abu binatang saja bisa kase bersi orang pe dosa-dosa, apalagi deng Yesus Kristus pe dara! Yesus Kristus so kase Dia pe diri sandiri pa Tuhan Allah jadi korban persembahan yang sempurna. Yesus Kristus jadi korban yang sempurna, barang Roh Kudus yang ada turus sampe slama-lamanya itu yang biking Dia mampo kase Dia pe diri bagitu. Dia pe dara itu yang kase bersi torang pe hati dari hal-hal yang tarada dia pe guna, supaya torang bole semba pa Tuhan Allah yang hidup.

Yudas 1:1

Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.