Ibrani 1:14 - Perjanjian Baru Bahasa Melayu Maluku Utara

¹⁴ Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Ibrani 1:14 ပူးပေါင်းရင်းမြစ်များ

Matius 1:20

Tapi waktu Yusuf masi pikir-pikir dia pe rencana itu, Tuhan Allah pe malaekat datang pa dia dalam mimpi, kong bilang pa dia, “Yusuf, raja Daud pe turunan. Ngana tara usa tako ambe pa Maria jadi ngana pe bini, karna ana yang ada pa dia pe dalam puru itu dari Roh Kudus.

Matius 13:41

Waktu itu, Anak Manusia yang dari sorga mo utus Dia pe malaekat-malaekat. Dorang mo kumpul pa orang-orang yang so biking orang laeng jadi berdosa deng orang-orang yang biking kajahatan, kong mo kase pisa dari Tuhan Allah pe umat yang Dia Berkuasa sebagai Raja.

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 2:13

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”

Matius 24:31

Turus, trompet akan babunyi kuat skali, kong Anak Manusia mo suru pa Dia pe malaekat-malaekat kaluar untuk kumpul pa samua Dia pe umat yang Dia so pili dari samua tampa di dunia ini, dari ujung ka ujung.”

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 4:11

Abis itu, Iblis kase tinggal pa Yesus, kong malaekat-malaekat datang layani pa Dia.

Markus 10:17

Waktu Yesus so mo bajalang lagi, ada satu orang lari-lari datang pa Yesus. Orang itu berlutut pa Yesus pe muka kong dia tanya, “Guru yang bae, kita musti biking apa supaya kita bole dapa hidup deng Tuhan Allah slama-lamanya?”

Lukas 1:19

Kong malaekat bilang pa dia, “Kita ini Gabriel yang salalu ada deng Tuhan Allah untuk layani pa Dia. Dia utus pa kita untuk bilang kabar yang bae ini pa ngana.

Lukas 1:23

Waktu Zakharia so selesai biking dia pe tugas, dia pulang pa dia pe ruma.

Lukas 16:22

Satu kali, orang miskin itu mati, kong malaekat-malaekat bawa pa dia di tampa yang terhormat, pa Abraham pe pinggir. Orang kaya itu me mati kong orang kubur pa dia.

Lukas 2:13

Abis bilang bagitu, kage-kage ada malaekat lagi dari sorga yang banya skali kase tunju dong pe diri, dong sama-sama deng malaekat satu itu puji pa Tuhan Allah, bagini,

Lukas 2:9

Kage-kage dorang dapa lia Tuhan Allah pe malaekat kase tunju dia pe diri pa dorang. Turus, Tuhan Allah pe cahaya yang luar biasa basinar tutu pa dorang, kong dong tako skali.

Kisah Para Rasul 11:22

Kabar tentang apa yang jadi di Antiokhia itu tasiar sampe di jemaat yang ada di Yerusalem. Pe dengar kabar itu, jemaat di situ utus pa Barnabas pigi di Antiokhia.

Kisah Para Rasul 12:23

Waktu itu, Herodes kase biar dorang puji deng hormat pa dia. Dia tara bilang dorang musti puji deng hormat pa Tuhan Allah. Jadi, waktu itu suda Tuhan pe malaekat tampeleng pa Herodes, kong cacing-cacing makang pa dia sampe mati.

Kisah Para Rasul 12:7

kage-kage Tuhan pe malaekat badiri di Petrus pe pinggir, kong penjara itu jadi tarang skali. Turus, dia kore pa Petrus kase bangun, dia bilang, “Petrus, bangun suda capat!” Pe abis malaekat bilang bagitu, rante yang dong kase ika pa Petrus pe tangan itu langsung talapas.

Kisah Para Rasul 13:2

Satu kali, waktu dorang berdoa pa Tuhan Allah deng bapuasa, Roh Kudus bicara pa dorang, “Kita so pili pa Barnabas deng Saulus untuk biking tugas yang Kita mo kase pa dorang. Jadi, kase dorang kusus pa Kita.”

Kisah Para Rasul 16:26

Kage-kage, ada tana goyang kuat skali sampe penjara pe fandasi-fandasi me tagoyang. Kong, waktu itu suda, penjara pe pintu-pintu samua tabuka, deng rante-rante yang ika pa orang-orang tahanan me talapas.

Kisah Para Rasul 27:23

Kita tau apa yang mo jadi pa torang, barang Tuhan Allah so kase tau pa kita. Tuhan Allah itu yang so biking kita jadi Dia pe umat deng yang kita semba. Tadi malam Dia pe malaekat datang badiri pa kita pe pinggir.

Kisah Para Rasul 5:19

Tapi dia pe malam itu saja, Tuhan pe malaekat satu datang kong buka penjara pe pintu-pintu, turus bawa pa dorang kaluar. Dia bilang,

Roma 11:14

karna kita harap deng kita pe tugas ini, kita bisa biking kita pe sudara orang Yahudi yang satu bangsa deng kita jadi cemburu. Barang kalu dorang lia ada orang dari bangsa laeng dapa slamat, sapa tau deng bagitu, ada dari dorang yang bole percaya la dapa slamat lagi.

Roma 13:6

Itu dia pe sebab bikiapa sampe ngoni bayar pajak. Deng ngoni bayar pajak, ngoni biking pemerinta bole biking dong pe tugas yang Tuhan Allah so kase pa dorang.

Roma 15:16

Dia pangge pa kita jadi Yesus Kristus pe utusan untuk kase tau Kabar Bae dari Tuhan Allah pa orang-orang yang bukang Yahudi. Kita pe tugas itu kita kase sama deng orang Yahudi pe imam pe tugas, karna kalu kita kase tau Kabar Bae itu pa orang bukang Yahudi kong dorang jadi percaya pa Yesus, itu kita so kase sanang Tuhan Allah pe hati, sama deng imam kase binatang korban persembahan pa Tuhan Allah. Kong Tuhan Allah tarima pa dorang karna Roh Kudus so biking dong jadi Tuhan Allah pe umat sandiri.

Roma 15:27

Dorang ada sumbang itu deng hati sanang. Deng memang pantas dorang mo bantu pa dong pe sudara yang percaya, orang-orang Yahudi di Yerusalem. Barang, orang-orang bukang Yahudi, dorang dengar Kabar Bae tentang Yesus Kristus dari orang-orang Yahudi. Jadi pantas dorang balas orang Yahudi pe bae deng cara bantu dorang pe perlu.

Roma 8:17

Deng karna torang ini so jadi Tuhan Allah pe ana-ana, nanti tong mo dapa warisan dari Dia, itu berarti, torang ini me ada hak dari samua yang Dia so kase sadia untuk Dia pe ana-ana. Kong torang mo dapa samua itu sama-sama deng Yesus Kristus. Tapi kalu torang mau dapa itu, tong lagi musti menderita iko pa Tuhan Allah sama deng Yesus Kristus so menderita, supaya torang nanti dapa puji deng hormat sama-sama deng Dia.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

2 Korintus 9:12

Karna doi sumbangan yang ngoni kase untuk Tuhan Allah pe umat yang susa di Yerusalem, itu bukang cuma mo kase cukup dorang pe perlu, tapi itu me akan biking banya orang bilang tarimakasi pa Tuhan Allah.

Galatia 3:29

Kong karna ngoni itu Yesus Kristus pe umat, itu berarti, ngoni me so jadi Abraham pe turunan, deng ngoni lagi ada hak mo tarima apa yang Tuhan Allah ada janji dulu pa Abraham.

Galatia 3:7

Jadi dari Kitab Suci itu, ngoni bole tau deng jelas, sapa yang percaya pa Tuhan Allah, dia itu so butul-butul jadi Abraham pe turunan.

Galatia 3:9

Jadi, Tuhan Allah kase berkat itu pa Abraham karna Abraham pe percaya pa Tuhan Allah. Bagitu lagi deng torang, torang mo dapa berkat jadi orang yang tara sala pa Tuhan Allah pe muka, asal torang percaya pa Yesus Kristus.

Efesus 3:6

Tuhan Allah pe rencana itu bagini: ngoni orang-orang yang bukang Yahudi akan percaya Kabar Bae tentang Yesus Kristus, jadi ngoni me bole sama-sama deng orang-orang Yahudi jadi Dia pe ana-ana yang tarima samua yang Tuhan Allah so janji. Ngoni orang bukang Yahudi deng torang orang Yahudi so jadi satu sama deng jadi satu badan. Kong torang samua itu mo dapa yang Tuhan Allah janji pa torang yang so percaya pa Kristus Yesus.

Filipi 2:17

Dulu waktu pertama kita kase tau Kabar Bae tentang Yesus Kristus pa ngoni, ngoni jadi percaya deng ngoni kase ngoni pe diri untuk biking Dia pe mau. Jadi biar lagi orang mo bunu pa kita nanti gara-gara kita so kase tau Kabar Bae, itu tara apa-apa. Barang, itu sama deng kita pe dara so tatumpa untuk jadi korban persembahan pa Tuhan Allah. Jadi biar kita pe dara tatumpa sampe mati, kita pe hati tetap sanang deng kita rasa sanang sama-sama deng ngoni samua.

Filipi 2:25

Turus tentang Epafroditus, torang pe sudara satu yang sama-sama percaya, kita rasa lebe bae kita suru dia pulang ulang pa ngoni. Dulu, dia yang perna ngoni kase tugas untuk bantu kita pe karja di sini, kong dia so berusaha karas sama-sama deng kita.

2 Tesalonika 1:7

Kong Dia mo biking ngoni deng torang samua bebas dari siksa yang skarang ini torang rasa. Itu samua nanti mo jadi waktu Tuhan Yesus datang dari sorga sama-sama deng Dia pe malaekat-malaekat deng kuasa yang basar. Dia mo turung deng api yang mamanyala.

Titus 3:7

Tuhan Allah kase Dia pe bae pa torang, itu yang biking torang jadi orang yang tara sala pa Dia pe muka, kong deng bagitu, torang ada hak tarima Tuhan Allah pe janji untuk hidup deng Dia slama-lamanya, sama deng yang torang so harap.

Ibrani 10:11

Tiap-tiap hari, samua imam agama Yahudi biking dong pe tugas. Ulang-ulang dorang bakar binatang korban persembahan pa Tuhan Allah untuk hapus dosa, tapi korban persembahan itu sama skali tara bisa hapus manusia pe dosa.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Ibrani 6:12

Kong jang ngoni pamalas. Tapi ngoni musti hidup iko conto dari orang-orang percaya yang akan tarima samua yang Tuhan Allah so janji, karna dorang pe percaya kuat deng dorang tara berenti sampe ahir.

Ibrani 6:17

Bagitu lagi deng Tuhan Allah. Waktu Tuhan Allah bajanji pa Dia pe umat, Tuhan Allah suka kase kuat torang pe hati la torang tau, Dia pe rencana tara perna beruba. Jadi Dia basumpa pake Dia pe nama supaya jelas, apa yang Dia so janji itu, pasti Dia biking.

Ibrani 8:6

Tapi Yesus Kristus so jadi Imam Basar yang lebe hebat dari imam-imam yang biking dong pe tugas di Tenda Ibada di dunia ini. Barang, Dia yang jadi sama deng manusia pe wakil untuk biking janji yang baru antara Tuhan Allah deng manusia. Kong deng janji yang baru itu biking manusia pe hubungan deng Tuhan Allah jadi bae ulang. Tuhan Allah pe janji yang baru itu lebe bagus skali dari janji yang lama, karna Tuhan Allah ada janji hal-hal yang lebe bagus di janji yang baru itu.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

1 Petrus 1:4

Torang yakin nanti Tuhan Allah kase pa torang berkat yang Dia so simpang di sorga. Berkat-berkat itu tara ancor, tara perna busu, deng tara beruba.

1 Petrus 3:7

Bagitu lagi deng ngoni laki-laki yang so kawing. Ngoni musti bawa bae-bae pa ngoni pe bini, dorang itu tara kuat sama deng ngoni. Ngoni musti hormati pa dorang karna pa dorang me, Tuhan Allah kase Dia pe bae, jadi dorang me akan sama-sama deng ngoni dapa hidup deng Tuhan Allah slama-lamanya. Kalu ngoni dua hidup bagitu, Tuhan akan tetap dengar ngoni pe doa.

Yudas 1:14

Dulu, Henokh, Adam pe turunan yang ketuju, ada bilang apa yang Tuhan Allah pasáng pa dia bagini, “Perhatikan e, Tuhan mo datang deng Dia pe malaekat-malaekat kudus deng ribu.

Wahyu 5:6

Abis itu, kita lia Anak Domba satu badiri di pinggir Tuhan Allah pe kursi raja. Kong ampa binatang luar biasa itu, deng samua dua pulu ampa pemimpin itu kuliling pa Dia. Anak Domba itu dapa lia sama deng so perna dapa bunu, tapi so hidup ulang. Dia pe tandu ada tuju deng mata tuju. Mata tuju itu pe arti, tuju Roh yang Tuhan Allah utus di seluru dunia ini.