Filipi 4:18 - Perjanjian Baru Bahasa Melayu Maluku Utara

¹⁸ Skarang kita so tarima samua yang kita perlu dari ngoni, mala so talebe-lebe lagi. Samua itu Epafroditus yang bawa. Apa yang ngoni kase pa kita, itu biking Tuhan Allah pe hati sanang, kong apa yang ngoni kase itu pantas Tuhan Allah tarima, sama deng dulu orang bakar binatang korban persembahan yang bobou sadap pa Tuhan Allah.

Filipi 4:18 ပူးပေါင်းရင်းမြစ်များ

Kisah Para Rasul 10:4

Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.

Roma 12:1

Sudara-sudara, Tuhan Allah bagitu kasiang pa torang. Karna itu, kita minta butul-butul pa ngoni: serakan suda ngoni pe diri pa Tuhan Allah untuk iko Dia pe mau, itu sama deng ngoni pe hidup so jadi korban persembahan pa Dia. Ngoni kase ngoni pe hidup jadi Dia punya, deng ngoni hidup untuk biking Dia pe hati sanang. Itu baru bilang ngoni pe ibada itu butul.

2 Korintus 11:8

Waktu kita kase tau Kabar Bae itu pa ngoni, yang bantu ongkos kita pe hidup hari-hari itu jemaat laeng. Jadi itu sama deng, kita so kase rugi pa jemaat laeng supaya kita bisa layani pa ngoni.

2 Korintus 9:12

Karna doi sumbangan yang ngoni kase untuk Tuhan Allah pe umat yang susa di Yerusalem, itu bukang cuma mo kase cukup dorang pe perlu, tapi itu me akan biking banya orang bilang tarimakasi pa Tuhan Allah.

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

Filipi 4:12

Kita tau bagimana hidup susa, deng kita me tau bagimana hidup tara kurang apa-apa sampe talebe-lebe lagi. Dalam keadaan apa saja, kita so balajar hidup untuk kase cukup kita pe diri, biar itu waktu kanyang ka, lapar ka, biar itu waktu kita kurang apa-apa ka, atau di waktu kita ada talebe-lebe.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

1 Petrus 2:5

Turus ngoni ini me sama deng batu yang hidup, batu yang Tuhan Allah pake untuk kase badiri Dia pe tampa tinggal. Itu berarti, Tuhan Allah pe Roh Kudus mo tinggal pa ngoni orang-orang yang percaya pe tenga-tenga. Deng ngoni me so jadi sama deng imam-imam yang pe hati bersi pa Tuhan Allah pe muka, jadi ngoni kase persembahan iko Tuhan Allah pe mau. Kong Tuhan Allah sanang tarima ngoni pe persembahan itu karna apa yang Yesus Kristus so biking untuk torang samua.