Filipi 3:5 - Perjanjian Baru Bahasa Melayu Maluku Utara

⁵ Kita ini dapa sunat waktu kita pe umur delapan hari iko aturan di lima kitab Musa. Kita ini dari bangsa Israel yang orang jaga bilang lagi orang Ibrani. Jadi kita ini butul-butul orang Ibrani asli dari suku Benyamin. Kita ini lagi dari aliran Farisi yang pegang kuat aturan-aturan di lima kitab Musa.

Filipi 3:5 ပူးပေါင်းရင်းမြစ်များ

Lukas 1:59

Waktu ana itu so delapan hari, dorang mo sunat pa dia iko agama Yahudi pe aturan. Jadi birman-birman deng sudara-sudara datang bakumpul di situ. Dorang mo kase nama ana itu Zakharia sama deng dia pe papa pe nama.

Lukas 2:21

Waktu Anak itu pe umur delapan hari, Dia musti dapa sunat, iko agama Yahudi pe aturan. Kong dong kase nama pa Dia, Yesus, sama deng nama yang malaekat bilang pa Maria waktu dia bolong hamil.

Lukas 5:38

Jadi, anggur baru musti simpang di tampa yang baru lagi.

Kisah Para Rasul 22:3

“Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.

Kisah Para Rasul 23:6

Waktu itu Paulus tau, anggota-anggota Mahkama Agama itu dorang dari dua aliran agama Yahudi: satu aliran Farisi deng satu lagi aliran Saduki. Karna itu, Paulus bilang deng suara yang kuat, “Kita pe sudara-sudara orang Yahudi samua, kita dari aliran Farisi, barang kita pe orang tua me dari aliran Farisi. Kita dapa kase mangada di Mahkama Agama ini, barang kita percaya deng yakin Tuhan Allah mo kase hidup ulang pa orang-orang yang so mati.”

Kisah Para Rasul 6:1

Waktu itu, orang-orang yang percaya pa Tuhan Yesus so tatamba banya, kong dorang samua orang Yahudi. Ada yang tinggal di Yerusalem yang pake bahasa Ibrani, deng ada lagi yang tinggal di luar Yerusalem yang pake bahasa Yunani. Tapi, di antara dorang itu, ada masala. Yang pake bahasa Yunani tara sanang pa orang-orang yang pake bahasa Ibrani, gara-gara tiap hari waktu orang-orang percaya kase bage makanang pa janda-janda, dorang pe janda-janda tara dapa bagian yang sama deng orang-orang yang pake bahasa Ibrani pe janda-janda.

Roma 11:1

Dari dulu Tuhan Allah so pili pa orang Israel jadi Dia pe umat, tapi banya yang so tara dengar-dengaran pa Dia. Kalu bagitu, apa Tuhan Allah mo buang pa dorang? Tarada! Karna kita sandiri me orang Israel, Abraham pe turunan dari suku Benyamin.

2 Korintus 11:22

Dorang puji dong pe diri, barang dorang dari bangsa Ibrani, orang Israel pe turunan, deng Abraham pe turunan. Tapi biar bagitu, kita me bole puji kita pe diri sama deng dorang, karna kita me dari bangsa Ibrani, kita me orang Israel pe turunan, deng kita me Abraham pe turunan.