Filipi 3:12 - Perjanjian Baru Bahasa Melayu Maluku Utara

¹² Kita tara perna anggap kita ini so mampo hidup sama deng Yesus Kristus, atau kita ini so sempurna. Tarada kasiang! Tapi kita berusaha turus supaya kita bole hidup sama deng itu, karna Kristus Yesus so pili pa kita jadi Dia punya waktu kita percaya pa Dia.

Filipi 3:12 ပူးပေါင်းရင်းမြစ်များ

Matius 5:48

Jadi, ngoni musti sayang pa samua orang deng sempurna, sama deng ngoni pe Bapa di sorga yang sayang pa samua orang deng sempurna.”

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

Roma 8:39

Biar lagi kuasa-kuasa yang ada di langit deng di bumi atau apa saja yang ada, tara ada yang bisa biking sampe torang tapisa deng Tuhan Allah pe sayang karna apa yang Kristus Yesus, torang pe Tuhan so biking.

1 Korintus 13:10

Tapi nanti kalu Tuhan datang ulang kong biking samua jadi sempurna, karunia yang tara sempurna itu akan ilang.

1 Korintus 13:12

Conto itu pe arti, skarang torang bolong mangarti samua tentang Tuhan Allah, itu sama deng torang ada lia torang pe diri di kaca yang kabur. Tapi nanti kalu torang deng Tuhan Allah so baku lia muka deng muka, torang akan tau samua tentang Dia deng jelas. Skarang torang bolong tau deng sempurna tentang Tuhan Allah, jadi Dia masi kase karunia dari Dia pe Roh, tapi nanti di sorga torang mo tau itu deng sempurna, jadi Tuhan Allah tara perlu kase karunia lagi pa torang, sama deng Dia yang kanal pa tong deng sempurna.

1 Korintus 9:24

Ngoni tantu tau conto ini. Samua orang yang iko lomba lari, dorang berusaha lari kuat-kuat la dapa juara, tapi yang mo dapa hadia cuma satu orang saja. Bagitu lagi deng ngoni, ngoni me musti berusaha iko Tuhan Allah pe mau sama deng dorang yang lari kuat untuk dapa hadia itu, supaya ngoni bole dapa hadia yang Tuhan Allah so sadia.

2 Korintus 13:9

Barang, biar orang lia torang ini pemimpin yang tara kuat, torang pe hati tetap sanang asal ngoni pe percaya kuat pa Tuhan Yesus. Torang minta pa Tuhan la ngoni jadi tamba butul-butul iko pa Dia.

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

Galatia 5:17

Karna manusia pe mau yang suka biking dosa itu baku lawan deng Roh Kudus pe mau. Bagitu lagi deng Roh Kudus pe mau, itu baku lawan deng manusia pe mau. Kong karna dua-dua itu baku lawan, itu biking torang tara biking barang yang bae yang torang suka mo biking.

Efesus 1:4

Barang, dulu waktu Tuhan Allah bolong biking dunia ini, Dia so pili pa torang untuk percaya pa Yesus Kristus supaya torang bole jadi Tuhan Allah pe umat yang pe hati bersi, deng tarada sala pa Dia pe muka.

Efesus 4:12

Yesus Kristus kase Dia pe kemampuan pa dorang itu, supaya dorang bole tolong pa orang-orang yang so jadi Tuhan Allah pe umat. Tuhan Allah pe umat itu sama deng Yesus Kristus pe badan. Kalu Tuhan Allah pe umat dapa tolong bagitu, Dia pe umat bole biking dorang pe tugas, deng dorang lagi bole baku kase kuat dong pe percaya,

Filipi 1:1

Sudara-sudara yang so jadi Tuhan Allah pe umat di kota Filipi, deng ngoni yang pimpin jemaat, deng diaken-diaken. Salam dari kita Paulus deng Timotius. Torang dua ini yang jaga biking apa yang Kristus Yesus suru.

Filipi 3:16

Tapi yang penting itu, torang hidup iko turus apa yang Tuhan Allah so kase tunju pa torang sampe skarang.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Filipi 3:8

Mala, samua-samua itu, skarang kita anggap tarada dia pe guna, barang kita skarang so bole butul-butul kanal pa Kristus Yesus kita pe Tuhan, kong itu lebe bagus lagi. Jadi karna Dia, kita kase tinggal samua-samua itu, kita anggap sama deng sampa, supaya kita bole kanal pa Yesus Kristus,

1 Tesalonika 5:15

Perhatikan bae-bae, jang sampe ada orang yang balas orang pe jahat deng yang jahat. Tapi ngoni musti salalu berusaha biking yang bae di antara ngoni sandiri deng samua orang.

2 Tesalonika 2:13

Sudara-sudara yang Tuhan Allah sayang! Torang salalu bilang tarimakasi pa Tuhan Allah untuk ngoni, karna waktu dunia ini bolong jadi, Dia so pili pa ngoni supaya ngoni dapa slamat. Dia kase slamat pa ngoni, barang ngoni percaya ajaran yang butul dari Tuhan Allah, deng karna Roh Kudus biking ngoni jadi Dia pe umat yang hidup deng hati bersi.

1 Timotius 5:10

deng orang-orang musti tau dia itu orang bae-bae. Dia urus dia pe ana-ana bae-bae, suka tarima orang laeng di dia pe ruma, jaga layani pa orang-orang yang percaya pa Tuhan, deng jaga bantu pa orang-orang susa. Jadi dia itu salalu biking bae pa samua orang.

1 Timotius 6:19

Kalu dorang biking bagitu, itu sama deng dorang so kumpul harta yang paling bagus di sorga la jadi dasar untuk dorang pe hidup nanti deng Tuhan Allah slama-lamanya. Itu suda hidup yang sebenarnya.

Ibrani 12:14

Ngoni berusaha suda hidup baku bawa bae-bae deng samua orang, deng ngoni berusaha lagi hidup deng hati yang bersi pa Tuhan Allah pe muka. Kalu orang tara hidup deng hati bersi pa Tuhan Allah pe muka, orang itu nanti tara mo lia pa Tuhan Allah.

Ibrani 12:23

Di sana ngoni me baku dapa deng orang-orang yang percaya pa Tuhan Allah yang ada bakumpul, dorang itu Dia sebut Dia pe ana-ana yang tua, dorang itu pe nama-nama so tatulis di sorga. Di sana ngoni me baku dapa deng Tuhan Allah, Dia yang mo adili pa samua orang. Ngoni me baku dapa deng orang-orang yang so mati kamuka, yang waktu dong masi hidup, dong jaga biking yang butul pa Tuhan Allah pe muka, kong dorang itu Tuhan Allah so biking dorang jadi sempurna.

Ibrani 13:21

supaya Dia kase pa ngoni samua yang ngoni perlu la ngoni bisa biking Dia pe mau, deng supaya Yesus Kristus bakarja di torang pe hati la biking torang mampo biking Tuhan Allah pe hati sanang. Puji deng hormat suda pa Dia sampe slama-lamanya! Amin.

Yakobus 3:2

Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.

1 Petrus 5:10

Tapi siksa yang ngoni rasa itu cuma sementara saja. Nanti Tuhan Allah sandiri yang mo kase bae-bae ngoni pe keadaan, kase kuat ngoni pe hati, kase kuat ngoni pe percaya, deng biking ngoni tetap percaya pa Dia. Dia itu suda Tuhan Allah yang kase Dia pe bae pa manusia, yang so pangge pa ngoni untuk percaya pa Yesus Kristus, kong ngoni mo rasa Dia pe kuasa yang luar biasa untuk slama-lamanya.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.