Filipi 2:29 - Perjanjian Baru Bahasa Melayu Maluku Utara29 Jadi, kita minta pa ngoni, tarima suda pa dia deng hati yang paling sanang, karna dia itu ngoni pe sudara yang sama-sama deng ngoni so satu hati deng Tuhan. Ngoni me musti hormati pa orang-orang yang sama deng dia itu. အခန်းကိုကြည့်ပါ။ |
Nanti waktu dia pigi pa ngoni, kita minta supaya ngoni tarima pa dia deng bae-bae, barang dia so percaya pa Tuhan sama deng ngoni. Ngoni musti tarima pa dia deng bae-bae karna model bagitu yang orang-orang yang so jadi Tuhan Allah pe umat musti biking. Kong kita minta lagi, kalu dia perlu apa-apa pa ngoni, ngoni kase suda yang dia perlu, karna dia sandiri so kase bantuan pa banya orang deng pa kita lagi.
Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.
Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.