Filipi 2:28 - Perjanjian Baru Bahasa Melayu Maluku Utara

²⁸ Kita ingin skali mo suru dia capat-capat pulang pa ngoni, supaya kalu ngoni lia pa dia, ngoni jadi sanang lagi, deng kita pe hati me jadi tenang.

Filipi 2:28 ပူးပေါင်းရင်းမြစ်များ

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Kisah Para Rasul 20:38

Dong pe hati sedi skali, lebe-lebe lagi karna Paulus bilang, dorang so tara akan baku dapa deng dia lagi. Abis itu, dorang antar pa dia di kapal.

2 Korintus 2:3

Jadi, itu dia pe sebab, tuhari kita so tulis surat pa ngoni kamuka untuk togor pa ngoni. Kita biking bagitu la ngoni ruba ngoni pe kalakuang supaya waktu kita datang ulang pa ngoni di kota Korintus, ngoni so tara akan kase sedi lagi kita pe hati. Barang ngoni yang musti biking kita pe hati sanang. Deng kita yakin, kalu kita pe hati sanang, ngoni me pasti sanang lagi.

Filipi 2:29

Jadi, kita minta pa ngoni, tarima suda pa dia deng hati yang paling sanang, karna dia itu ngoni pe sudara yang sama-sama deng ngoni so satu hati deng Tuhan. Ngoni me musti hormati pa orang-orang yang sama deng dia itu.

2 Timotius 1:4

Kita inga tempo hari ngana manangis waktu torang dua mo baku pisa, jadi kita ingin skali mo baku dapa lagi deng ngana supaya kita pe hati jadi sanang.