Filipi 2:27 - Perjanjian Baru Bahasa Melayu Maluku Utara

²⁷ Memang butul dia perna dapa saki, sampe amper mo mati. Tapi Tuhan Allah kasiang pa dia, deng bukang cuma pa dia saja, tapi pa kita lagi, supaya kita tara tatamba hati susa kalu jadi apa-apa deng dia.

Filipi 2:27 ပူးပေါင်းရင်းမြစ်များ

Kisah Para Rasul 9:37

Waktu itu dia saki kong mati. Orang-orang di situ kase mandi pa dia, kong taru dia pe mayat di kamar di lante atas.

1 Korintus 10:13

Tiap kali ngoni dapa coba untuk biking dosa, ngoni musti inga, samua manusia jaga dapa cobaan macam bagitu. Tapi Tuhan Allah salalu setia deng Dia pe janji pa ngoni, jadi Dia tara akan kase biar ngoni dapa cobaan yang lebe dari yang ngoni mampo tanggung. Waktu ngoni dapa cobaan, Dia akan kase jalang kaluar, supaya ngoni mampo tahang mangada cobaan itu.

2 Korintus 2:7

Jadi skarang ngoni kase ampun suda pa dia, deng hibur lagi pa dia, jang dia rasa talalu barát sampe ilang smangat hidup.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

Filipi 2:28

Kita ingin skali mo suru dia capat-capat pulang pa ngoni, supaya kalu ngoni lia pa dia, ngoni jadi sanang lagi, deng kita pe hati me jadi tenang.

Filipi 2:30

Barang, dia jaga biking apa yang Yesus Kristus suru, kong dia amper-amper mo mati waktu biking tugas itu. Dia tara peduli, dia mo hidup ka, mati ka, barang dia suka mo bantu pa kita. Dia sama deng ngoni pe pengganti untuk bantu pa kita karna kita jao dari ngoni skarang.