Filipi 2:25 - Perjanjian Baru Bahasa Melayu Maluku Utara

²⁵ Turus tentang Epafroditus, torang pe sudara satu yang sama-sama percaya, kita rasa lebe bae kita suru dia pulang ulang pa ngoni. Dulu, dia yang perna ngoni kase tugas untuk bantu kita pe karja di sini, kong dia so berusaha karas sama-sama deng kita.

Filipi 2:25 ပူးပေါင်းရင်းမြစ်များ

Yohanes 13:16

Inga bae-bae conto ini. Orang karja tara lebe penting dari dia pe tuang, bagitu lagi deng orang yang dapa utus, tara lebe penting dari orang yang utus pa dia.

Yohanes 17:18

Bapa so utus pa Kita untuk datang pa orang-orang di dunia ini. Bagitu lagi, Kita so utus pa dorang pigi pa orang-orang yang ada di dunia ini.

Roma 16:3

Kirim salam pa Priskila deng dia pe laki Akwila di sana. Dorang dua karja untuk Kristus Yesus sama-sama deng kita.

Roma 16:9

Kirim salam lagi pa Urbanus, torang pe tamang yang karja sama-sama deng torang untuk Yesus Kristus. Kong kirim salam lagi pa Stakhis yang kita sayang.

1 Korintus 3:9

Torang dua ini me sama-sama karja untuk Tuhan Allah. Kong ngoni itu sama deng Tuhan Allah pe kobong, tampa yang tong dua bakarja. Deng ngoni lagi bole kase sama deng Tuhan Allah pe ruma.

2 Korintus 2:13

tapi kita pe hati tara tenang, barang kita tara baku dapa deng kita pe sudara yang sama-sama percaya, yang pe nama Titus. Karna itu, kita basiloloa pa orang di sana kong kita pigi di daera Makedonia.

Filipi 2:26

Kita kirim dia pa ngoni, barang dia itu so inga skali pa ngoni samua di situ, kong dia lagi pe hati susa skali, karna ngoni so dengar kabar, dia ada saki.

Filipi 4:18

Skarang kita so tarima samua yang kita perlu dari ngoni, mala so talebe-lebe lagi. Samua itu Epafroditus yang bawa. Apa yang ngoni kase pa kita, itu biking Tuhan Allah pe hati sanang, kong apa yang ngoni kase itu pantas Tuhan Allah tarima, sama deng dulu orang bakar binatang korban persembahan yang bobou sadap pa Tuhan Allah.

Filipi 4:3

Pa Sunsugos lagi, kita pe tamang karja yang setia, kita minta supaya ngana bantu pa dong dua itu, supaya dong bisa baku bae ulang. Dorang dua itu so berusaha karas sama-sama deng kita. Torang tiga jaga kase tau Kabar Bae tentang Yesus Kristus pa orang-orang. Bagitu lagi deng Klemens deng torang pe tamang-tamang laeng yang so karja sama-sama deng kita untuk kase tau Kabar Bae itu. Dorang samua pe nama-nama so tatulis di buku kehidupan.

Kolose 1:7

Kabar Bae tentang Yesus Kristus itu ngoni so dengar dari Epafras. Dia itu torang pe tamang karja yang torang sayang. Dia rajin biking apa yang Yesus Kristus suru untuk kase kuat ngoni pe percaya.

Kolose 4:11

Bagitu lagi deng Yesus yang orang jaga pangge pa dia Yustus, dia ada kirim salam pa ngoni. Dari samua tamang-tamang yang karja sama-sama deng kita untuk Tuhan, cuma dorang tiga itu yang orang Yahudi. Dorang tiga itu suda yang kase kuat kita pe hati. Kong torang pe karja itu, kase tau tentang bagimana orang-orang bisa jadi Tuhan Allah pe umat la Dia Berkuasa sebagai Raja pa dorang pe hidup.

1 Tesalonika 3:2

turus Timotius torang pe sudara yang sama-sama percaya, torang utus pigi pa ngoni. Timotius itu torang pe tamang karja yang sama-sama kase tau Tuhan Allah pe Kabar Bae tentang Yesus Kristus. Torang utus pa Timotius la kase kuat ngoni pe hati deng kase smangat pa ngoni supaya ngoni lebe tamba percaya pa Yesus.

Filemon 1:24

Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.