Filipi 2:22 - Perjanjian Baru Bahasa Melayu Maluku Utara

²² Tapi Timotius itu so berusaha karas bantu pa kita kase tau Kabar Bae tentang Yesus Kristus, sama deng ana bantu dia pe papa. Karna ngoni sandiri so lia Timotius bagitu, ngoni so tau Timotius itu bae.

Filipi 2:22 ပူးပေါင်းရင်းမြစ်များ

Kisah Para Rasul 16:2

Sudara-sudara yang percaya di kota Listra deng kota Ikonium, dorang samua tau Timotius itu orang bae-bae.

Roma 5:4

Turus deng torang pe batahang percaya itu, biking torang jadi lebe kuat sampe torang tara tagoda biking dosa. Kong kalu torang so bagitu, itu biking torang lebe baharap deng yakin pa Tuhan Allah.

1 Korintus 16:10

Kalu Timotius datang pa ngoni, ngoni tarima bae-bae pa dia supaya dia rasa tenang deng tara tako waktu sama-sama deng ngoni. Karna dia me ada biking karja yang Tuhan suru, sama deng yang kita biking.

1 Korintus 4:17

Itu suda yang biking sampe kita utus Timotius pa ngoni, la dia kase inga ulang pa ngoni, bagimana kita pe cara hidup yang iko pa Kristus Yesus. Cara hidup itu yang kita so kase ajar pa samua jemaat di samua tampa yang kita pigi. Timotius itu kita so anggap kita pe ana. Dia kita sayang, deng dia lagi setia pa Tuhan.

2 Korintus 2:9

Barang, di kita pe surat yang kamuka, kita suru ngoni kase hukuman pa orang yang biking sala itu. Kita pe tujuan, kita mo cari tau ngoni iko yang kita ada suru ka tarada. Kong karna ngoni so biking apa yang kita suru itu,

2 Korintus 8:22

Ada lagi sudara satu yang percaya, yang torang utus sama-sama deng dong Titus. Sudara itu so ulang-ulang torang uji dia pe karja sampe tong lia dia pe karja bagus. Kong skarang, dia so lebe berusaha lagi mo bantu pa ngoni karna dia percaya skali pa ngoni.

2 Korintus 8:24

Karna dorang dapa utus dari jemaat-jemaat, kita minta pa ngoni jemaat Korintus, tarima pa dong tiga kong kase tunju ngoni pe sayang pa dorang, supaya samua jemaat me bole tau, ngoni butul-butul sayang pa dorang, deng dorang me tau lagi apa yang torang jaga kase puji-puji tentang ngoni pe sayang deng jaga bantu pa orang-orang talebe-lebe, itu memang butul.

2 Korintus 8:8

Kita bicara tentang doi sumbangan itu, bukang berarti kita mo parenta pa ngoni. Tapi kita mau ngoni tau, jemaat-jemaat di daera Makedonia suka skali bantu pa orang yang perlu, supaya ngoni lagi ada smangat untuk bantu orang sama deng yang jemaat-jemaat Makedonia so biking. Karna kalu ngoni biking bagitu, orang bisa tau, ngoni itu butul-butul sayang orang.

Filipi 1:12

Sudara-sudara, kita mau ngoni tau, samua yang so jadi pa kita di sini, biar itu susa, tapi itu suda yang biking lebe tamba banya orang yang dengar deng percaya Kabar Bae tentang Yesus Kristus,

Filipi 1:16

Dorang yang kase tau ajaran tentang Yesus Kristus deng tujuan bae ini, dorang biking bagitu karna dorang sayang pa Tuhan Allah deng pa kita, deng karna dong tau, Tuhan Allah yang utus pa kita untuk bela Kabar Bae tentang Yesus Kristus supaya orang bole tau Kabar Bae itu butul.

Filipi 1:5

Barang, mulai dari pertama ngoni percaya Kabar Bae tentang Yesus Kristus sampe skarang ini, ngoni so bantu pa torang untuk kase tau lagi Kabar Bae itu pa orang-orang.

Filipi 1:7

Memang tara sala kalu kita pe perasaan sanang macam bagitu pa ngoni samua, karna ngoni samua salalu ada di kita pe hati. Barang, ngoni samua so ambe bagian untuk biking tugas yang Tuhan kase pa kita waktu kita ada di dalam penjara ini, deng waktu kita di luar penjara. Ngoni bantu pa kita, waktu kita bela Kabar Bae tentang Yesus Kristus dari orang-orang yang tantang Kabar Bae itu, deng waktu kita berusaha kase yakin pa orang-orang, Kabar Bae tentang Yesus Kristus itu butul. Tugas itu Tuhan kase pa kita karna Dia pe bae.

Filipi 2:20

Kita suru dia pigi pa ngoni itu, karna yang satu hati deng satu pikiran deng kita, cuma Timotius saja. Dia itu yang butul-butul pikir ngoni pe bae.

1 Timotius 1:18

Timotius, kita so anggap ngana itu sama deng kita pe ana sandiri! Kita suru ngana iko tugas yang kita so bilang ini. Tugas ini sama deng yang Tuhan Allah so kase pa ngana, yang Dia pe utusan kase tau pa ngana dulu. Jadi biking butul-butul ngana pe tugas ini sama deng satu tentara yang lawan pa orang yang serang dia pe daera. Kong supaya ngana biking tugas itu bae-bae, ngana musti percaya kuat Tuhan pe ajaran yang torang so kase tau pa ngana, turus apa yang ngana biking, ngana pe hati musti tau itu butul.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

1 Timotius 4:6

Timotius, ngana musti kase ajar hal-hal itu turus pa orang-orang percaya supaya dorang jang iko ajaran sesat. Kalu ngana kase ajar samua itu, ngana so jadi Kristus Yesus pe pelayan yang bae. Ngana pe percaya me akan jadi kuat karna ngana iko turus ajaran yang butul yang orang ajar pa ngana dari dulu.

2 Timotius 1:2

Timotius, kita sayang pa ngana sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus, torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

2 Timotius 3:10

Tapi ngana Timotius, ngana so iko samua yang kita ajar pa orang, kita pe cara hidup deng kita pe tujuan hidup. Ngana so lia sandiri kita pe percaya pa Yesus deng kita pe sayang pa orang. Ngana me tau, kita pe sabar deng kita pe setia biking kita pe tugas.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.