Filipi 1:26 - Perjanjian Baru Bahasa Melayu Maluku Utara

²⁶ Karna itu, nanti kalu kita so bebas kong bale ulang pa ngoni, ngoni mo lebe tamba sanang deng lebe sunggu-sunggu lagi puji pa Kristus Yesus.

Filipi 1:26 ပူးပေါင်းရင်းမြစ်များ

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

2 Korintus 1:14

Skarang ngoni baru mangarti sadiki kita pe hati. Kita harap nanti waktu Tuhan Yesus datang ulang, ngoni jemaat Korintus mo hati sanang deng torang karna samua yang torang so biking, deng torang me mo hati sanang deng ngoni karna samua yang ngoni so biking.

2 Korintus 5:12

Torang tulis bagini pa ngoni, torang tara maksut mo puji diri lagi. Tapi kita bilang yang bae yang torang biking itu supaya ngoni rasa sanang deng torang, deng supaya ngoni ada alasan untuk kase jawaban pa orang-orang yang kase sala pa torang, dorang itu yang cuma lia orang pe muka tapi tara lia sampe di hati.

2 Korintus 7:14

Kita so puji-puji memang tentang ngoni pa Titus waktu dia bolong datang pa ngoni, deng ngoni memang tara kase malu pa kita. Bagitu lagi, samua yang torang so perna bilang pa ngoni itu butul, sama deng yang torang ada puji-puji pa ngoni tentang Titus itu me butul.

2 Korintus 7:4

Kita percaya skali pa ngoni, mala kita sanang skali deng apa yang ngoni biking. Jadi biar lagi torang banya kali dapa siksa, tapi kita pe hati tahibur deng sanang skali karna ngoni.

2 Korintus 7:6

Tapi Tuhan Allah yang salalu kase kuat pa orang yang ilang smangat, Dia kirim Titus datang pa torang untuk kase kuat tong pe hati.

Galatia 6:4

Lebe bae tiap orang pikir bae-bae tentang apa yang dia so biking, itu bae ka tarada. Kalu yang dia biking itu barang yang bae, dia bole rasa sanang, kong tara perlu dia kase banding apa yang dia biking itu deng yang orang laeng biking.

Filipi 3:1

Sudara-sudara, ada lagi yang kita mo bilang pa ngoni: ngoni sanang suda karna ngoni so percaya pa Tuhan. Kita tara rasa barát untuk kase tau ulang apa yang kita so perna tulis, karna kita mo jaga pa ngoni supaya tara ada yang mo biking ngoni iko ajaran yang tara butul.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

Filipi 4:10

Kita pe hati paling sanang karna kita so satu hati deng Tuhan. Barang, biar sampe so lama bagini, ngoni tara lupa pa kita. Memang kita tau, dulu ngoni tara perna lupa untuk bantu pa kita, tapi karna torang so tapisa lama, ngoni tarada kesempatan untuk kirim ngoni pe bantuan pa kita. Tapi skarang ngoni so bantu ulang pa kita.

Filipi 4:4

Ngoni pe hati musti salalu sanang karna ngoni so satu hati deng Tuhan! Kita bilang satu kali lagi: ngoni sanang suda!