3 Yohanes 1:9 - Perjanjian Baru Bahasa Melayu Maluku Utara

⁹ Kita so perna tulis surat sadiki untuk jemaat di situ, tapi Diotrefes tara mau dengar pa kita, barang dia suka skali jadi tuang basar di jemaat.

3 Yohanes 1:9 ပူးပေါင်းရင်းမြစ်များ

Matius 7:8

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Markus 9:34

Dorang samua badiam, karna di tenga jalang dorang ada baku malawang sapa yang jadi orang yang paling hebat dari dorang samua.

Markus 9:37

“Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng bukang cuma tarima pa Kita, tapi dia me so tarima pa Tuhan Allah yang utus pa Kita.”

Lukas 9:48

Turus, Dia bilang pa dorang, “Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng sapa yang tarima pa Kita, dia me tarima pa Tuhan Allah yang utus pa Kita. Karna sapa yang anggap dia pe diri biasa-biasa saja dari antara ngoni, dia itu suda yang Tuhan Allah anggap paling hebat.”

Roma 12:10

Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

2 Yohanes 1:9

Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.

3 Yohanes 1:8

Jadi torang musti tarima deng bantu sudara-sudara yang percaya itu, deng bagitu torang samua so ambe bagian dalam dong pe karja untuk kase ajar Tuhan pe ajaran.