3 Yohanes 1:4 - Perjanjian Baru Bahasa Melayu Maluku Utara

⁴ Kita paling sanang skali dengar, orang-orang yang kita so sayang sama deng kita pe ana-ana ada iko Tuhan pe ajaran. Tarada hal laeng yang biking kita sanang macam bagitu.

3 Yohanes 1:4 ပူးပေါင်းရင်းမြစ်များ

2 Korintus 6:13

Skarang, kita bicara pa ngoni sama deng ngoni itu kita pe ana-ana, jadi kita bilang pa ngoni: buka ngoni pe hati lebar-lebar la sayang pa torang, sama deng torang me sayang pa ngoni.

Galatia 2:14

Yang dorang biking itu, kita lia tara baku cocok deng Kabar Bae tentang Yesus Kristus. Padahal, cuma Kabar Bae itu yang butul. Jadi kita bilang pa Petrus di samua orang pe muka, “Ngana orang Yahudi, tapi ngana so percaya pa Yesus Kristus, jadi ngana tara musti hidup iko aturan yang orang Yahudi jaga iko. Tapi bikiapa kong ngana paksa orang yang bukang Yahudi hidup iko agama Yahudi pe aturan-aturan untuk jadi percaya pa Yesus Kristus?”

Galatia 4:19

Ee, ngoni yang kita anggap sama deng kita pe ana-ana, skarang kita rasa lagi kita pe hati saki skali ada pikir-pikir tentang ngoni. Saki yang kita rasa, barát sama deng saki yang parampuang ada rasa waktu mo melahirkan. Kalu ngoni pe sifat so beruba iko Yesus Kristus pe sifat, itu baru kita pe hati saki mo ilang.

1 Tesalonika 2:11

Ngoni samua tau torang pe cara ajar pa ngoni, sama deng papa yang bae urus pa dia pe ana-ana sandiri.

1 Timotius 1:2

Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

2 Timotius 1:2

Timotius, kita sayang pa ngana sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus, torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.

Filemon 1:10

Kita minta tolong pa ngana tentang Onesimus, ngana pe orang karja yang ngana bili itu. Waktu dia datang lia pa kita di dalam penjara, kita kase tau pa dia tentang Tuhan Yesus kong dia so jadi percaya. Karna itu, kita so anggap dia sama deng kita pe ana sandiri.

1 Yohanes 2:1

Sudara-sudara yang kita sayang sama deng kita pe ana-ana, kita tulis surat ini pa ngoni supaya jang ngoni biking dosa lagi. Tapi kalu ada dari ngoni yang biking dosa, ada yang mo bela pa dia di Tuhan Allah torang pe Bapa pe muka. Yang mo bela itu, Yesus Kristus, Dia yang adil.

2 Yohanes 1:4

Kita sanang skali karna kita dengar ada dari ibu pe ana-ana yang hidup iko Tuhan pe ajaran. Apa yang dorang biking itu sama deng yang Tuhan Allah, torang pe Bapa, parenta pa torang.