3 Yohanes 1:3 - Perjanjian Baru Bahasa Melayu Maluku Utara

³ Kita sanang skali waktu torang pe sudara-sudara yang percaya datang kase tau ngana pe kabar pa kita. Dorang bilang ngana tetap percaya ajaran yang butul, deng memang ngana iko samua ajaran yang butul itu.

3 Yohanes 1:3 ပူးပေါင်းရင်းမြစ်များ

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

1 Korintus 13:6

Dia lagi tara sanang kalu orang biking barang yang jahat, tapi dia sanang kalu orang biking barang yang butul.

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

Filipi 1:4

Kong tiap kali kita kase berdoa pa ngoni samua, kita salalu berdoa deng hati yang sanang.

2 Yohanes 1:2

Torang sayang pa ngoni karna Tuhan pe ajaran itu ada pa torang pe hati, kong ajaran itu ada turus pa torang sampe slama-lamanya.

2 Yohanes 1:4

Kita sanang skali karna kita dengar ada dari ibu pe ana-ana yang hidup iko Tuhan pe ajaran. Apa yang dorang biking itu sama deng yang Tuhan Allah, torang pe Bapa, parenta pa torang.

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.

3 Yohanes 1:2

Kita pe sudara yang kita sayang, kita berdoa supaya ngana sehat-sehat deng bae-bae dalam samua hal, sama deng ngana pe percaya yang kuat.

3 Yohanes 1:4

Kita paling sanang skali dengar, orang-orang yang kita so sayang sama deng kita pe ana-ana ada iko Tuhan pe ajaran. Tarada hal laeng yang biking kita sanang macam bagitu.

3 Yohanes 1:5

Gayus, kita pe sudara yang kita sayang, kita sanang karna ngana setia bantu pa torang pe sudara-sudara yang percaya waktu dong singga kase tau Kabar Bae di ngana pe kampong. Biar dorang itu ngana bolong kanal, ngana bantu pa dorang.