3 Yohanes 1:2 - Perjanjian Baru Bahasa Melayu Maluku Utara

² Kita pe sudara yang kita sayang, kita berdoa supaya ngana sehat-sehat deng bae-bae dalam samua hal, sama deng ngana pe percaya yang kuat.

3 Yohanes 1:2 ပူးပေါင်းရင်းမြစ်များ

Matius 9:12

Yesus dengar dorang bilang bagitu, turus Dia bilang pa dorang bagini, “Bukang orang sehat yang perlu dokter, tapi orang saki.

Filipi 2:27

Memang butul dia perna dapa saki, sampe amper mo mati. Tapi Tuhan Allah kasiang pa dia, deng bukang cuma pa dia saja, tapi pa kita lagi, supaya kita tara tatamba hati susa kalu jadi apa-apa deng dia.

Filipi 2:4

Jang ngoni cuma pikir diri sandiri saja, tapi ngoni musti pikir pa orang laeng lagi.

2 Tesalonika 1:3

Sudara-sudara, torang salalu bilang tarimakasi pa Tuhan Allah untuk ngoni. Torang memang musti biking bagitu karna ngoni pe percaya pa Yesus Kristus lebe tatamba, deng karna ngoni lebe tamba baku sayang.

2 Tesalonika 2:13

Sudara-sudara yang Tuhan Allah sayang! Torang salalu bilang tarimakasi pa Tuhan Allah untuk ngoni, karna waktu dunia ini bolong jadi, Dia so pili pa ngoni supaya ngoni dapa slamat. Dia kase slamat pa ngoni, barang ngoni percaya ajaran yang butul dari Tuhan Allah, deng karna Roh Kudus biking ngoni jadi Dia pe umat yang hidup deng hati bersi.

Yakobus 5:12

Sudara-sudara, yang paling penting itu, waktu ngoni bilang satu barang atau bajanji tentang satu hal, jang ngoni kase kuat ngoni pe kata-kata atau ngoni pe janji itu pake sumpa demi nama Tuhan Allah, demi orang di bumi, atau demi apa saja. Kalu yang ngoni bilang itu butul, ngoni cukup bilang saja “Iyo”. Kalu itu tara butul, bilang saja “Tarada”. Kalu ngoni biking bagitu, Tuhan Allah tara akan hukum pa ngoni.

1 Petrus 4:8

Yang paling penting, ngoni musti butul-butul baku sayang satu deng yang laeng. Karna deng torang baku sayang, tong so tara inga orang laeng pe sala pa torang biar pe banya skali.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.

Wahyu 2:9

Kita tau ngoni so dapa siksa, baru ngoni miskin lagi. Tapi Tuhan lia ngoni kaya karna ngoni percaya butul-butul pa Tuhan. Kita tau lagi tentang orang-orang Yahudi yang bilang kata, dorang Tuhan Allah pe umat yang Dia pili, padahal dorang pe kalakuang tara iko Tuhan Allah pe mau. Dorang bicara tara bae tentang ngoni. Dorang itu sama deng jemaat yang semba pa Iblis, setang-setang pe raja.