2 Yohanes 1:8 - Perjanjian Baru Bahasa Melayu Maluku Utara

⁸ Jadi ngoni musti jaga bae-bae ngoni pe percaya pa Yesus Kristus, supaya torang pe karja kase tau Kabar Bae pa ngoni itu tetap ada dia pe guna, deng supaya ngoni tetap dapa ngoni pe upah yang Tuhan Allah so janji.

2 Yohanes 1:8 ပူးပေါင်းရင်းမြစ်များ

Ibrani 10:35

Jadi jang ngoni kase tinggal ngoni pe percaya yang kuat itu, karna kalu ngoni setia, ngoni mo dapa upah yang basar dari Tuhan.

Wahyu 3:11

So tara lama lagi Kita mo datang. Jadi jaga turus ngoni pe percaya pa Tuhan Allah supaya hadia makota yang Dia mo kase pa ngoni itu tarada orang yang mo rampas.

1 Korintus 3:14

Jadi, kalu Tuhan dapa orang itu pe karja bagus kong dia pe hasil bole tahang lama, itu bole kase sama deng orang yang dapa upah karna biking bangunan di atas fandasi yang bisa tahang lama.

1 Korintus 3:8

Tuhan Allah pe orang karja itu sama deng orang yang batanam deng orang yang basiram, dorang dua itu karja untuk satu tujuan. Kong dong dua akan dapa upah dari Tuhan Allah iko deng dong pe karja masing-masing.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

Markus 13:9

Jadi ngoni musti ati-ati! Karna ngoni percaya pa Kita, orang-orang mo serakan pa ngoni la dapa adili di pemimpin-pemimpin agama Yahudi. Ngoni me mo dapa pukul di ruma-ruma ibada agama Yahudi. Dorang mo kase mangada pa ngoni pa gubernur-gubernur deng raja-raja. Kong dong tanya-tanya pa ngoni. Tapi di situ ngoni pe kesempatan untuk kase tau tentang Kita pa dorang.

Galatia 3:4

Waktu ngoni baru percaya pa Yesus, ngoni tahang banya siksa dari orang-orang yang tara percaya. Jadi, kalu ngoni tara percaya ajaran yang butul itu lagi, parcuma ngoni pe siksa yang ngoni dapa itu. Masa mo jadi parcuma bagitu!

Yohanes 4:36

Orang-orang yang bapanen pasti so mulai tarima dorang pe gaji kong dorang kase kumpul hasil kobong itu. Dorang deng orang-orang yang baambur bibit akan sama-sama basimore, barang sama-sama dapa hasil kobong. Hasil kobong yang ada panen itu, itu bole kase sama deng orang-orang yang so percaya kong dapa hidup deng Tuhan Allah slama-lamanya.

Galatia 4:11

Kita hawater deng ngoni yang biking acara di hari-hari itu, jang sampe ngoni so tara bagantong lagi pa Tuhan Yesus untuk dapa slamat. Deng bagitu, kita pe karja karas untuk kase tau Kabar Bae tentang Tuhan Yesus pa ngoni itu so tarada dia pe guna lagi.

Lukas 21:8

Yesus bilang pa dorang, “Ngoni ati-ati e, jang sampe ngoni dapa tipu. Barang, banya orang akan datang pake Kita pe nama, deng dorang bilang bagini, ‘Kita ini Dia suda, Raja yang Tuhan Allah janji mo kase slamat pa manusia!’ Dorang me akan bilang, hari kiamat so dekat. Tapi jang ngoni iko pa dorang itu.

Ibrani 10:32

Coba ngoni inga waktu ngoni baru tarima Kabar Bae tentang Yesus Kristus deng jadi percaya pa Dia. Waktu itu, ngoni banya menderita karna ngoni pe percaya, tapi biar bagitu, ngoni tetap pegang kuat ngoni pe percaya.

Filipi 3:16

Tapi yang penting itu, torang hidup iko turus apa yang Tuhan Allah so kase tunju pa torang sampe skarang.

Markus 13:23

Jadi, ngoni musti baati-ati suda! Samua ini Kita so bilang kamuka pa ngoni sebelum itu jadi.”

Matius 24:4

Yesus bilang pa dorang, “Ngoni bajaga-jaga e, jang sampe ngoni dapa tipu.

1 Korintus 15:8

Kong yang paling terahir, Yesus kase tunju Dia pe diri lagi pa kita. Kita tara sama deng rasul-rasul yang laeng, karna Tuhan pangge pa kita jadi rasul di waktu yang tara sangka-sangka, itu sama deng ana kacil yang lahir bolong dia pe waktu.

Lukas 19:19

Kong raja itu bilang pa dia pe orang karja itu, ‘Kalu bagitu, Kita kase kuasa pa ngana untuk bapimpin lima kota.’