2 Yohanes 1:4 - Perjanjian Baru Bahasa Melayu Maluku Utara

⁴ Kita sanang skali karna kita dengar ada dari ibu pe ana-ana yang hidup iko Tuhan pe ajaran. Apa yang dorang biking itu sama deng yang Tuhan Allah, torang pe Bapa, parenta pa torang.

2 Yohanes 1:4 ပူးပေါင်းရင်းမြစ်များ

1 Korintus 13:6

Dia lagi tara sanang kalu orang biking barang yang jahat, tapi dia sanang kalu orang biking barang yang butul.

Galatia 2:14

Yang dorang biking itu, kita lia tara baku cocok deng Kabar Bae tentang Yesus Kristus. Padahal, cuma Kabar Bae itu yang butul. Jadi kita bilang pa Petrus di samua orang pe muka, “Ngana orang Yahudi, tapi ngana so percaya pa Yesus Kristus, jadi ngana tara musti hidup iko aturan yang orang Yahudi jaga iko. Tapi bikiapa kong ngana paksa orang yang bukang Yahudi hidup iko agama Yahudi pe aturan-aturan untuk jadi percaya pa Yesus Kristus?”

Efesus 5:2

Ngoni musti hidup baku-baku sayang, sama deng Kristus Yesus me sayang pa torang sampe Dia serakan Dia pe diri mati untuk torang. Kong apa yang Dia biking itu Tuhan Allah tarima, sama deng korban persembahan yang bobou sadap yang biking Tuhan Allah pe hati sanang.

Efesus 5:8

Memang dulu, ngoni pe kalakuang me tara bae, sama deng orang-orang yang hidup dalam galap. Tapi skarang, karna ngoni so percaya pa Tuhan, itu sama deng ngoni so hidup dalam tarang. Jadi ngoni pe hidup musti bae-bae sama deng ana-ana tarang.

Filipi 4:10

Kita pe hati paling sanang karna kita so satu hati deng Tuhan. Barang, biar sampe so lama bagini, ngoni tara lupa pa kita. Memang kita tau, dulu ngoni tara perna lupa untuk bantu pa kita, tapi karna torang so tapisa lama, ngoni tarada kesempatan untuk kirim ngoni pe bantuan pa kita. Tapi skarang ngoni so bantu ulang pa kita.

1 Yohanes 2:6

Jadi sapa saja yang bilang dia hidup satu hati deng Tuhan Allah, dia musti hidup sama deng Yesus Kristus pe cara hidup.