2 Yohanes 1:1 - Perjanjian Baru Bahasa Melayu Maluku Utara

¹ Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.

2 Yohanes 1:1 ပူးပေါင်းရင်းမြစ်များ

Lukas 1:3

Kita sandiri so priksa bae-bae samua carita itu yang dorang tulis mulai dari pertama. Jadi abis itu kita ambe keputusan untuk tulis carita tentang samua yang so perna jadi itu dari awal sampe ahir, kong kirim pa bapa Teofilus.

Yohanes 8:32

Deng ngoni akan tau yang butul dari Tuhan Allah, kong itu mo biking ngoni jadi bebas, tara sama deng orang karja yang taika deng dia pe tuang.”

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

Roma 16:13

Kirim salam pa Rufus. Banya orang hormati pa dia, karna Tuhan so pili pa dia untuk biking Tuhan pe karja. Deng salam pa dia pe mama. Kita so anggap dia pe mama itu so sama deng kita pe mama sandiri.

Galatia 2:14

Yang dorang biking itu, kita lia tara baku cocok deng Kabar Bae tentang Yesus Kristus. Padahal, cuma Kabar Bae itu yang butul. Jadi kita bilang pa Petrus di samua orang pe muka, “Ngana orang Yahudi, tapi ngana so percaya pa Yesus Kristus, jadi ngana tara musti hidup iko aturan yang orang Yahudi jaga iko. Tapi bikiapa kong ngana paksa orang yang bukang Yahudi hidup iko agama Yahudi pe aturan-aturan untuk jadi percaya pa Yesus Kristus?”

Galatia 2:5

Tapi torang tara kase iko orang-orang itu pe mau, biar cuma sadiki lagi. Torang tara kase iko pa dorang supaya Kabar Bae yang butul yang ngoni jaga iko, tara baku campur deng dorang pe ajaran yang tara butul itu.

Galatia 3:1

Ee ngoni orang-orang percaya di Galatia! Tuhari, kita so kase tau deng jelas di ngoni pe muka-muka to, Yesus Kristus mati di kayu salib untuk tebus torang pe dosa. Tapi skarang orang so kase tipu pa ngoni untuk iko dorang pe ajaran yang sala, kata, musti iko aturan-aturan di lima kitab Musa baru dapa slamat. Ngoni memang bodo!

Galatia 5:7

Dulu, pe bagus skali ngoni iko pa Tuhan Yesus, ngoni bole mo kase sama deng orang yang iko lomba lari kong ada lari bae-bae. Tapi skarang ini, ngoni so tara sama deng yang dulu lagi. Sapa yang so pengaru pa ngoni sampe ngoni so tara iko lagi ajaran yang butul?

Kolose 1:5

Ngoni percaya deng sayang macam bagitu, barang ngoni so yakin, ngoni akan tarima apa yang Tuhan Allah so kase sadia untuk ngoni di sorga. Ngoni jadi yakin itu, mulai dari pertama kali ngoni dengar ajaran yang butul, itu Kabar Bae tentang Yesus Kristus.

1 Timotius 2:4

Dia mau samua orang dapa slamat deng mangarti ajaran yang butul.

Ibrani 10:26

Barang, kalu torang so tarima Kabar Bae tentang Yesus Kristus, turus torang masi sangaja biking dosa lagi, nanti so tarada lagi korban persembahan untuk hapus torang pe dosa itu.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.

1 Petrus 5:1

Skarang kita mo kase nasehat pa ngoni yang jadi penatua di jemaat-jemaat karna kita me penatua. Kita ini perna lia deng mata kapala sandiri waktu Yesus Kristus dapa siksa. Kong nanti waktu Yesus Kristus datang ulang yang kedua kali kase tunju Dia pe kuasa yang luar biasa pa samua orang, kita me akan tarima bagian itu. Jadi ini kita pe nasehat:

1 Petrus 5:13

Jemaat yang ada di kota Babel di sini, dorang kirim salam pa ngoni. Dorang me Tuhan Allah pili sama deng Dia so pili pa ngoni jadi Dia pe umat. Kong Markus yang kita so anggap kita pe ana sandiri, dia me kirim salam pa ngoni.

1 Yohanes 2:21

Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.

1 Yohanes 3:18

Jadi, ngoni yang kita sayang sama deng kita pe ana-ana, kalu torang sayang orang, jang cuma di mulu saja atau cuma bilang torang sayang pa dorang tapi torang tara biking apa-apa. Mari suda torang sayang pa orang butul-butul iko deng apa yang torang biking tiap hari pa orang laeng.

2 Yohanes 1:13

Ibu pe sudara yang Tuhan pili, dia pe ana-ana me ada kirim salam pa ibu.

2 Yohanes 1:5

Jadi skarang kita minta pa ibu supaya torang samua baku-baku sayang. Yang kita bilang ini, bukang parenta baru, tapi parenta yang so ada pa torang dari pertama waktu torang baru jadi percaya pa Tuhan.

3 Yohanes 1:1

Kita pe tamang Gayus, yang butul-butul kita sayang. Salam dari kita Yohanes, penatua di jemaat.