2 Timotius 4:5 - Perjanjian Baru Bahasa Melayu Maluku Utara

⁵ Tapi biar bagitu me, Timotius, ngana musti tetap tenang dalam samua hal. Kalu ngana biking ngana pe tugas kong dapa siksa, ngana musti sabar. Ngana kase tau pa orang-orang Kabar Bae itu supaya dorang jadi percaya pa Yesus. Deng samua tugas yang Tuhan so kase pa ngana, biking bae-bae sampe selesai.

2 Timotius 4:5 ပူးပေါင်းရင်းမြစ်များ

Matius 25:16

Turus, orang karja yang tarima doi mas lima tas itu langsung kase putar doi itu, kong dia dapa untung doi mas lima tas lagi.

Markus 13:34

Waktu Anak Manusia yang dari sorga mo datang ulang, Kita kase conto sama deng tuang ruma satu yang kase tinggal dia pe ruma karna mo pigi di tampa yang jao. Sebelum dia pigi, dia kase tanggung jawab pa dia pe orang-orang karja la urus dia pe ruma, deng dia kase bagi pa dorang tugas masing-masing. Dia me suru pa penjaga la bajaga-jaga turus.

Markus 13:37

Apa yang Kita pasáng pa ngoni, Kita pasáng lagi pa samua orang: bajaga-jaga suda!”

Lukas 12:37

Orang-orang karja itu paling sanang skali karna waktu dorang pe tuang pulang, dong pe tuang dapa riki dorang masi bajaga tunggu pa dia. Kita mo bilang pa ngoni: dorang itu paling sanang skali karna dong pe tuang akan pake baju karja kong siap-siap layani pa dorang. Turus dia mo suru dia pe orang-orang karja itu dudu la makang, kong nanti dia sandiri yang mo layani pa dorang.

Kisah Para Rasul 21:8

Dia pe beso, torang kase tinggal tampa itu kong bajalang kaki pigi di kota Kaisarea. Di situ torang tinggal di Filipus pe ruma. Dia itu orang yang jaga kase tau Kabar Bae pa orang-orang yang bolong dengar Kabar Bae itu, deng dia me satu dari tuju orang yang tapili di Yerusalem untuk kase bage-bage makanang pa janda-janda yang miskin.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Efesus 4:12

Yesus Kristus kase Dia pe kemampuan pa dorang itu, supaya dorang bole tolong pa orang-orang yang so jadi Tuhan Allah pe umat. Tuhan Allah pe umat itu sama deng Yesus Kristus pe badan. Kalu Tuhan Allah pe umat dapa tolong bagitu, Dia pe umat bole biking dorang pe tugas, deng dorang lagi bole baku kase kuat dong pe percaya,

Kolose 1:25

Tuhan Allah pili pa kita untuk biking apa yang Dia suru untuk layani Dia pe jemaat. Dia kase tugas pa kita la kase tau samua Dia pe firman pa ngoni orang-orang bukang Yahudi.

Kolose 4:17

Kong nanti ngoni bilang pa Arkhipus supaya dia kase selesai dia pe pelayanan yang dia so tarima karna dia so percaya pa Tuhan.

1 Tesalonika 5:6

Jadi torang musti bajaga-jaga deng kuasai torang pe diri. Jang sama deng orang laeng yang cuma tidor turus.

1 Timotius 4:12

Jang kase biar orang pandang enteng pa ngana gara-gara ngana masi muda. Tapi lebe bae, ngana jadi conto pa orang percaya pake ngana pe bicara, ngana pe kalakuang, ngana pe sayang pa orang laeng, ngana pe percaya pa Tuhan, deng lagi ngana pe cara hidup yang bersi pa Tuhan Allah pe muka.

1 Timotius 4:15

Ngana musti biking samua yang kita so tulis di sini. Ini musti jadi ngana pe tugas yang paling penting. Deng bagitu, orang bole lia ngana ada kemajuan urus jemaat.

2 Timotius 1:8

Jadi jang ngana malu kase tau tentang torang pe Tuhan. Ngana me jang malu mangaku kita ini ngana pe tamang, biar skarang kita di penjara. Kita ada di penjara karna kita iko pa Tuhan. Ngana me musti siap-siap tarima siksa, karna ngana salalu kase tau Kabar Bae tentang Yesus Kristus pa orang-orang, sama deng kita. Kalu ngana dapa siksa, Tuhan Allah pasti kase kuat ngana pe hati.

2 Timotius 2:10

Karna itu, kita sabar tanggung siksa itu samua deng tetap kase tau Kabar Bae tentang Yesus Kristus, supaya orang yang Tuhan Allah so pili mo jadi Dia pe umat bole percaya pa Kristus Yesus. Deng bagitu, dong bole dapa slamat deng dapa puji deng hormat sama-sama deng Tuhan Allah slama-lamanya.

2 Timotius 2:3

Kalu ngana biking ngana pe tugas kong menderita, ngana musti batahang. Ngana iko pa Kristus Yesus turus, sama deng tentara yang setia pa dia pe komandan.

2 Timotius 4:17

Biar dorang kase tinggal pa kita, Tuhan Allah tetap sama-sama deng kita. Dia kase kuat pa kita supaya kita bole kase tau samua Kabar Bae tentang Yesus Kristus, deng supaya samua orang yang bukang Yahudi dengar. Dia kase slamat pa kita dari bahaya kematian, sama deng kita bebas dari singa pe mulu.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

1 Petrus 1:13

Jadi karna ngoni so tau Kabar Bae itu, ngoni musti siap biking hal-hal yang bae, ngoni musti kuasai ngoni pe diri, deng ngoni musti baharap deng yakin Tuhan akan kase Dia pe bae pa ngoni waktu Yesus Kristus datang ulang.

Wahyu 3:2

Jadi ngoni musti sadar suda deng apa yang ngoni so biking, turus ngoni musti kase kuat ngoni pe percaya yang so mo mati itu. Barang Kita tau, yang ngoni jaga biking itu tara butul pa Tuhan Allah pe muka.