2 Timotius 4:17 - Perjanjian Baru Bahasa Melayu Maluku Utara

¹⁷ Biar dorang kase tinggal pa kita, Tuhan Allah tetap sama-sama deng kita. Dia kase kuat pa kita supaya kita bole kase tau samua Kabar Bae tentang Yesus Kristus, deng supaya samua orang yang bukang Yahudi dengar. Dia kase slamat pa kita dari bahaya kematian, sama deng kita bebas dari singa pe mulu.

2 Timotius 4:17 ပူးပေါင်းရင်းမြစ်များ

Matius 10:19

Kalu dorang bawa pa ngoni kong serakan pa ngoni untuk dapa adili, jang ngoni tako apa yang ngoni musti bilang. Nanti di waktu itu suda, Tuhan Allah akan kase pa ngoni apa yang ngoni mo bilang pa dorang.

Lukas 1:1

Bapa Teofilus yang kita hormati. Banya orang so tulis carita tentang apa yang Yesus biking waktu Dia masi sama-sama deng torang.

Lukas 21:15

Barang, Kita sandiri yang mo biking ngoni pande bajawab, sampe ngoni pe musu-musu tara mampo mo balas ngoni pe bicara atau mo baku malawang deng ngoni.

Kisah Para Rasul 23:11

Dia pe beso malam, Tuhan Yesus datang badiri pa Paulus pe pinggir kong bilang, “Paulus, kase kuat ngana pe hati. Ngana so kase tau tentang Kita pa orang-orang di kota Yerusalem ini. Jadi, di kota Roma me, ngana musti pi kase tau bagitu lagi tentang Kita.”

Kisah Para Rasul 9:15

Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel.

Roma 15:31

Tolong kase berdoa pa kita, minta Tuhan Allah jaga waktu kita pigi di daera Yudea supaya orang-orang Yahudi yang tara percaya pa Yesus, tara mo biking barang yang jahat pa kita. Deng berdoa lagi supaya orang-orang yang so jadi Tuhan Allah pe umat di kota Yerusalem bole tarima bae sumbangan yang kita mo bawa pa dorang.

2 Korintus 12:9

Tapi Dia bilang pa kita bagini, “Kita tara kase sembu pa ngana, tapi Kita akan tetap kase tunju Kita pe bae pa ngana. Itu so cukup. Karna waktu ngana rasa tara kuat, di situ Kita pe kuasa akan bakarja sempurna pa ngana pe hidup.” Jadi karna itu, kita lebe suka puji diri untuk bilang apa-apa yang kita tara mampo biking, karna waktu kita tara kuat, Yesus Kristus pe kuasa ada sama-sama deng kita.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

1 Timotius 1:12

Kita bersukur pa Kristus Yesus, torang pe Tuhan yang kase kuat pa kita. Kita bersukur pa Dia karna Dia anggap kita ini Dia pe orang yang setia sampe Dia kase percaya pa kita biking Dia pe tugas yang Dia suru.

2 Timotius 2:1

Timotius, ngana so sama deng kita pe ana sandiri! Kristus Yesus so kase Dia pe bae pa ngana, jadi pake itu untuk kase kuat ngana pe hati karna ngana so percaya pa Dia.

2 Timotius 2:9

Waktu kita kase tau Kabar Bae itu, orang-orang kase siksa pa kita. Dorang rante pa kita, turus dorang tahang pa kita di penjara sama deng kita ini orang jahat. Tapi biar dorang biking bagitu, Kabar Bae dari Tuhan Allah dorang tara bisa kase berenti.

2 Timotius 3:11

Ngana tau bagimana orang-orang siksa pa kita di kota Antiokhia, kota Ikonium deng kota Listra sampe kita menderita skali. Tapi Tuhan kase lapas pa kita dari siksa itu samua.

2 Timotius 4:5

Tapi biar bagitu me, Timotius, ngana musti tetap tenang dalam samua hal. Kalu ngana biking ngana pe tugas kong dapa siksa, ngana musti sabar. Ngana kase tau pa orang-orang Kabar Bae itu supaya dorang jadi percaya pa Yesus. Deng samua tugas yang Tuhan so kase pa ngana, biking bae-bae sampe selesai.

Titus 1:3

Kong pas di waktu yang Tuhan Allah so tentukan, Dia kase tau Kabar Bae itu la orang tau cara mo dapa hidup deng Dia slama-lamanya. Kabar Bae ini yang Tuhan Allah so kase percaya pa kita la kita kase tau pa orang-orang. Tuhan Allah itu yang kase slamat pa torang.

Ibrani 11:33

Dorang samua itu percaya pa Tuhan Allah, sampe ada dari dorang yang kase kala kerajaan-kerajaan, ada yang bapimpin deng adil, ada yang tarima apa yang Tuhan Allah janji pa dorang, deng ada lagi yang tutu singa-singa pe mulu.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.