2 Timotius 4:10 - Perjanjian Baru Bahasa Melayu Maluku Utara

¹⁰ Karna Kreskes so pigi di Galatia, deng Titus so pigi di Dalmatia. Kong Demas so kase tinggal pa kita karna dia lebe suka iko hal-hal di dunia ini. Jadi dia so barangkat di Tesalonika.

2 Timotius 4:10 ပူးပေါင်းရင်းမြစ်များ

Matius 12:32

Kalu ada orang yang bilang apa-apa yang malawang pa Anak Manusia yang dari sorga, dia masi bole mo dapa ampun. Tapi kalu orang bilang apa-apa yang malawang pa Roh Kudus, dia tara mo dapa ampun, skarang atau sampe slama-lamanya.”

Matius 26:56

Tapi biar suda, karna memang samua itu musti jadi, sama deng yang Tuhan Allah so bilang dari dulu pa nabi-nabi yang so tatulis di Kitab Suci.” Kong Yesus pe murit samua lari kase tinggal pa Dia.

Lukas 14:33

Bagitu lagi deng ngoni. Kalu ngoni mau jadi Kita pe pengikut, ngoni bapikir bae-bae dulu, ngoni mampo mo kase tinggal samua yang ngoni punya ka tarada. Kalu ngoni tara mampo itu, ngoni tara bisa iko pa Kita.”

Lukas 16:13

Satu orang karja tara bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang satu lagi. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

Lukas 17:32

Inga apa yang dulu so jadi pa Lot pe bini, dia mati karna dia masi inga-inga dia pe harta di dunia waktu lari dari Sodom!

Kisah Para Rasul 13:13

Paulus deng dia pe tamang-tamang balayar dari kota Pafos di pulo Siprus, pigi di kota Perga pe sabla di daera Pamfilia. Di situ, Yohanes kase tinggal pa dorang kong pulang di Yerusalem.

Kisah Para Rasul 15:38

Tapi Paulus tara setuju. Barang, Markus perna berenti karja kase tau Kabar Bae deng dorang, kong kase tinggal pa dong di daera Pamfilia.

Kisah Para Rasul 16:6

Paulus deng dia pe tamang-tamang cuma lewat di daera Frigia deng Galatia di daera Asia Kecil. Barang, Roh Kudus bilang pa dorang, jang dulu kase tau Kabar Bae pa orang-orang yang ada di daera Asia Kecil.

Kisah Para Rasul 17:1

Pe kaluar dari kota Filipi, Paulus deng Silas kase turus dorang dua pe perjalanan. Dorang pigi di kota Tesalonika lewat kota Amfipolis deng kota Apolonia. Di Tesalonika, ada ruma ibada agama Yahudi.

Kisah Para Rasul 17:11

Orang-orang Yahudi di kota Berea tara sama deng orang-orang Yahudi di kota Tesalonika. Dorang lebe siap tarima ajaran dari Paulus. Karna itu, dorang suka skali badengar deng tarima Kabar Bae tentang Yesus. Tiap hari dorang cari tau dari Kitab Suci, yang Paulus kase ajar itu butul ka tarada.

Kisah Para Rasul 17:13

Tapi waktu orang-orang Yahudi di kota Tesalonika dapa tau di kota Berea lagi Paulus kase tau Kabar Bae dari Tuhan Allah, dorang me pigi ka sana kase-kase panas pa orang banya itu pe pikiran.

Kisah Para Rasul 18:23

Dia tinggal di situ sadiki lama. Abis itu, dia pigi di tampa-tampa laeng, di daera Galatia deng Frigia. Di tampa-tampa itu, dia kase kuat orang-orang percaya pe hati.

2 Korintus 2:13

tapi kita pe hati tara tenang, barang kita tara baku dapa deng kita pe sudara yang sama-sama percaya, yang pe nama Titus. Karna itu, kita basiloloa pa orang di sana kong kita pigi di daera Makedonia.

2 Korintus 7:6

Tapi Tuhan Allah yang salalu kase kuat pa orang yang ilang smangat, Dia kirim Titus datang pa torang untuk kase kuat tong pe hati.

2 Korintus 8:16

Torang bilang tarimakasi pa Tuhan Allah karna Dia yang biking sampe Titus suka bantu pa ngoni, sama deng torang suka bantu pa ngoni.

2 Korintus 8:23

Kong tentang Titus, dia itu kita pe tamang yang bakarja sama-sama deng kita untuk bantu pa ngoni. Kong dua sudara yang percaya yang sama-sama deng Titus, dorang dua itu dapa utus dari jemaat-jemaat untuk antar doi sumbangan di Yerusalem. Apa yang dorang dua biking itu, biking Yesus Kristus dapa puji deng hormat.

2 Korintus 8:6

Jadi, karna lia jemaat-jemaat di Makedonia pe hati bae, torang kirim lagi Titus pa ngoni untuk dia kase turus kumpul doi sumbangan yang tempo hari dia so perna suru ngoni kumpul. Dia bantu pa ngoni kumpul doi sumbangan untuk orang percaya di Yerusalem sampe samua siap.

Galatia 1:2

Salam untuk ngoni jemaat-jemaat yang ada di daera Galatia. Samua sudara yang percaya yang ada sama-sama deng kita di sini me ada kirim salam pa ngoni!

Filipi 2:21

Dorang yang laeng itu cuma pikir dong pe diri sandiri saja. Dorang tara pusing deng Yesus Kristus pe mau.

1 Timotius 6:10

Karna orang yang gila doi, dorang itu mo biking macam-macam kajahatan. Dorang itu so tara percaya lagi Yesus pe ajaran karna dorang berusaha mo jadi kaya. Jadi dia pe ahir kabawa, dorang dapa sengsara skali yang biking sampe dong pe hati saki.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

2 Timotius 1:15

Timotius, ngana tau, samua orang di daera Asia Kecil so kase tinggal pa kita, termasuk Figelus deng Hermogenes.

2 Timotius 4:16

Waktu pertama kali kita bela kita pe diri di pengadilan, tarada orang yang batamang pa kita. Samua kita pe tamang kase tinggal pa kita. Tapi kita minta pa Tuhan Allah supaya jang hukum pa dorang.

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

Filemon 1:24

Deng ada salam lagi dari Markus, Aristarkhus, Demas deng Lukas. Dorang itu kita pe tamang yang sama-sama jaga kase tau Kabar Bae tentang Yesus Kristus pa orang-orang.

2 Petrus 2:15

Guru-guru palsu itu so tara iko Tuhan Allah pe ajaran, jadi dorang so tara butul. Dorang so iko conto nabi dulu-dulu, yang dia pe nama Bileam. Bileam ini Beor pe ana. Dia suka biking barang yang jahat, yang penting dapa doi.