2 Timotius 3:7 - Perjanjian Baru Bahasa Melayu Maluku Utara

⁷ Parampuang-parampuang itu salalu suka orang kase ajar hal-hal yang baru pa dorang. Tapi dorang tara perna tau ajaran mana yang butul.

2 Timotius 3:7 ပူးပေါင်းရင်းမြစ်များ

Matius 13:11

Kong Yesus jawab, “Tuhan Allah biking ngoni bisa tau rahasia tentang bagimana Tuhan Allah Berkuasa sebagai Raja, tapi pa orang laeng, tarada.

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

1 Timotius 2:4

Dia mau samua orang dapa slamat deng mangarti ajaran yang butul.

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

Ibrani 5:11

Sudara-sudara, masi ada banya hal yang perlu tong kase tau pa ngoni tentang Yesus Kristus yang jadi torang pe Imam Basar, cuma ngoni ini pamalas dengar ajaran yang lebe dalam itu, jadi susa skali mo biking ngoni mangarti.