2 Timotius 3:3 - Perjanjian Baru Bahasa Melayu Maluku Utara

³ Dorang tara sayang pa orang laeng, tara mau baku bawa bae deng orang, suka kase tara bae orang pe nama, deng tara mampo tahang diri. Dorang pe pikiran jahat skali, deng binci hal-hal yang butul.

2 Timotius 3:3 ပူးပေါင်းရင်းမြစ်များ

Matius 10:21

Nanti ada dia pe waktu, orang akan serakan dia pe sudara la dapa bunu. Bagitu me deng papa-papa, dorang akan biking bagitu pa dong pe ana-ana. Kong ada lagi ana-ana yang akan malawang pa dong pe orang tua, kong dorang serakan dong pe orang tua la dapa bunu.

Matius 4:1

Abis itu, Roh Kudus bawa pa Yesus di padang gurun, tampa yang jao dari kampong, supaya Iblis, setang-setang pe raja goda pa Dia.

Lukas 10:16

Abis itu, Yesus babale bilang ulang pa orang-orang yang ada iko pa Dia, “Orang yang dengar pa ngoni, itu sama saja deng dia dengar pa Kita. Orang yang tolak pa ngoni, dia itu me so tolak pa Kita. Sapa tolak pa Kita, dia itu me so tolak pa Tuhan Allah yang utus pa Kita.”

Lukas 16:14

Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

Yohanes 6:70

Yesus bilang pa dorang, “Kita sandiri yang so pili pa ngoni dua blas ini, tapi ada satu dari ngoni yang nanti mo iko pa Iblis, setang-setang pe raja, pe mau.”

Roma 1:29

Dorang pe hati ponong deng barang yang tara butul deng barang yang jahat. Dorang golojo samua-samua, cuma pikir yang jahat, mangiri, deng jadi tukang bunu. Kong dorang me jaga baku mara, deng tukang bafoya. Dorang suka orang laeng dapa cilaka deng suka bacarita tara bae tentang orang laeng.

Roma 1:31

Kong dorang lagi tara mau tau apa yang butul, dorang tara setia, dorang tara sayang orang, deng dorang lagi tara rasa kasiang pa orang laeng.

1 Korintus 7:5

Ngoni laki bini, ngoni dua tara bole baku tolak untuk biking ngoni pe hak itu. Tapi ngoni bole tara tidor sama-sama untuk sementara waktu kalu ngoni mo sadia waktu untuk berdoa, asal ngoni dua so baku ator kamuka. Abis itu, ngoni musti tidor sama-sama lagi, supaya Iblis tara goda pa ngoni, karna jang sampe ngoni itu tara mampo tahang ngoni pe napsu.

1 Korintus 7:9

Tapi kalu dorang tara mampo tahang napsu, lebe bae dong kawing suda. Karna, itu yang lebe bagus daripada tara kawing kong diri sengsara gara-gara tara mampo tahang napsu itu.

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

1 Timotius 3:11

Bagitu lagi deng dorang pe bini. Dorang pe kalakuang me musti bae yang biking orang hormati pa dorang, deng dorang me tara jaga kase busu orang laeng pe nama. Dorang musti mampo batahang diri, deng orang bisa percaya pa dorang dalam hal apa saja.

Titus 1:8

Tapi dia musti suka tarima orang laeng di dia pe ruma, deng suka hal-hal yang bae. Dia me musti tau bawa diri bae-bae, hidup butul pa Tuhan Allah pe muka, hidup cuma iko Tuhan Allah pe mau, deng mampo batahang diri.

Titus 2:3

Bagitu lagi deng parampuang-parampuang yang so tua, ngana kase ajar pa dorang supaya dorang pe cara hidup iko Tuhan Allah pe mau. Dorang tara bole biking busu orang pe nama, deng tara bole jadi pangmabo. Dorang musti kase ajar yang bae pa orang-orang.

Yakobus 2:6

Tapi deng ngoni pili-pili orang bagitu, ngoni itu so hina pa orang-orang miskin. Padahal orang-orang kaya itu suda yang biking sengsara pa ngoni kong bawa di pengadilan untuk kase sala pa ngoni.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

2 Petrus 2:19

Dorang ajar pa orang-orang yang baru percaya itu, deng bilang, “Kalu ngoni iko torang pe ajaran, ngoni akan bebas dari samua aturan. Jadi ngoni bole biking apa saja yang ngoni suka.” Padahal, guru-guru palsu itu sandiri tara bebas karna dong pe keinginan tara bae yang banya so kuasai pa dorang, kong itu yang biking dong berdosa. Barang, apa saja yang kuasai pa orang, itu yang biking dia berdosa.

2 Petrus 3:3

Ini yang paling penting yang ngoni musti tau, kalu so mo kiamat, nanti ada banya orang yang suka bahina torang pe percaya, barang dorang hidup cuma iko dong pe keinginan yang jahat.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

Yudas 1:18

Dorang bilang, nanti waktu so mo kiamat, akan datang orang-orang yang suka bahina torang pe percaya. Dorang itu akan hidup iko dong pe napsu yang baku lawan deng Tuhan Allah pe mau.

Wahyu 13:15

Kong binatang yang kedua itu dapa kuasa untuk kase banapas pa binatang pertama pe patong la dia hidup. Deng bagitu patong yang so hidup itu bole bicara kong bunu pa orang-orang yang tara semba pa dia.

Wahyu 13:17

Kalu orang tara dapa cap itu, dorang tara bole bajual atau babili apa-apa. Di cap itu ada tatulis binatang pertama pe nama, deng dia pe nomor.

Wahyu 16:6

Barang, orang-orang jahat so bunu pa orang-orang yang so jadi Tuhan Allah pe umat, deng pa nabi-nabi yang kase turus Tuhan Allah pe pasáng, sampe dong pe dara me tatumpa. Jadi Tuhan Allah biking samua aer jadi dara, kong orang-orang jahat itu cuma bisa minum aer yang so jadi dara itu. Itu hukuman yang paling pas untuk orang-orang jahat itu.”

Wahyu 17:6

Kita lia parampuang tara bae itu mabo karna dia minum dara dari orang-orang yang so jadi Tuhan Allah pe umat, deng dara dari orang-orang yang mati karna kase tau tentang Tuhan Yesus. Waktu kita lia itu, kita herang skali.