2 Timotius 3:16 - Perjanjian Baru Bahasa Melayu Maluku Utara

¹⁶ Samua yang tatulis di Kitab Suci, itu dari Tuhan Allah sandiri. Samua itu dia pe guna: untuk kase ajar pa orang apa yang butul, untuk togor orang yang ajar ajaran yang sala, untuk ruba orang pe cara hidup la dorang iko jalang yang butul, deng untuk lati orang pe diri iko Tuhan pe mau.

2 Timotius 3:16 ပူးပေါင်းရင်းမြစ်များ

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 21:42

Kong Yesus bilang pa dorang, “Ngoni pasti so perna baca di Kitab Suci tentang itu, to? Bagini, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting. Tuhan Allah biking bagitu, sampe torang lia itu bagus skali.’ ”

Matius 22:43

Kong Yesus bilang pa dorang, “Kalu bagitu, bikiapa kong dulu waktu Roh Kudus kuasai pa raja Daud, raja Daud pangge pa Mesias itu Tuhan? Waktu itu, raja Daud bilang bagini,

Matius 26:54

Tapi kalu Kita biking bagitu, itu pe arti, samua yang tatulis di Kitab Suci tentang Kita skarang ini, tara akan jadi.”

Matius 26:56

Tapi biar suda, karna memang samua itu musti jadi, sama deng yang Tuhan Allah so bilang dari dulu pa nabi-nabi yang so tatulis di Kitab Suci.” Kong Yesus pe murit samua lari kase tinggal pa Dia.

Markus 12:24

Yesus bilang pa dorang bagini, “Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa.

Markus 12:36

Padahal waktu Roh Kudus kuasai pa raja Daud, raja Daud kase tau, Tuhan Allah ada bilang pa kita pe Tuhan bagini, ‘Dudu suda di tampa yang terhormat, pa Kita pe sabla kanan, sampe Kita kase kala Ngana pe musu-musu samua.’

Yohanes 10:35

Torang tau apa yang tatulis di lima kitab Musa tara bole kase batal, jadi kalu Tuhan Allah sandiri bilang ‘allah’ pa orang-orang yang so tarima Dia pe firman,

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Kisah Para Rasul 1:16

“Sudara-sudara, dulu Roh Kudus so bilang pa raja Daud apa yang mo jadi pa Yudas. Itu so ada di Kitab Suci, kong memang musti jadi. Yudas itu yang so bawa orang-orang pigi tangka pa Yesus.

Kisah Para Rasul 18:25

Dia lagi tau ajaran tentang Tuhan Yesus. Dia pe hati smangat skali kase carita tentang Tuhan Yesus kong samua yang dia kase carita itu butul. Tapi tentang baptisan, dia bolong tau samua, dia cuma tau tentang baptisan yang Yohanes biking.

Kisah Para Rasul 20:20

Biar bagitu me, kita tetap kase tau deng kase ajar Tuhan pe mau pa ngoni di orang banya pe muka deng dari ruma ka ruma. Kita tolong bagitu pa ngoni la ngoni pe percaya tamba kuat.

Kisah Para Rasul 20:27

Barang, kita so salalu kase tau samua Tuhan Allah pe rencana pa ngoni.

Kisah Para Rasul 28:25

Jadi, dorang mulai baku malawang sampe ada yang mau kaluar dari Paulus pe tampa tinggal. Kong sebelum dorang kaluar, Paulus bilang lagi bagini, “Butul suda yang Roh Kudus kase tau pa torang pe orang tua dulu-dulu, itu so tatulis di kitab nabi Yesaya bagini,

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Roma 2:20

Turus, torang orang Yahudi me tau torang bole kase ajar pa orang yang tara tau apa-apa. Torang me bole jadi guru pa orang yang bolong tau aturan, sama deng guru ajar ana kacil yang bolong tau aturan. Torang tau bagitu karna torang so tau samua aturan yang butul, aturan itu ada di lima kitab Musa.

Roma 3:2

Yang pasti, banya skali dia pe untung. Yang paling penting itu, torang orang Yahudi yang kakamuka Tuhan Allah pili untuk tarima deng jaga Dia pe firman.

Roma 4:23

Kong apa yang tatulis tentang Abraham yang Tuhan Allah tarima sama deng orang yang tara sala pa Dia pe muka, itu bukang cuma untuk dia pe diri sandiri saja.

1 Korintus 12:7

Tiap orang tarima karunia dari Roh Kudus untuk samua orang pe bae.

Galatia 3:8

Di Kitab Suci, torang bole tau, dari dulu Tuhan Allah so rencana mo biking orang-orang bukang Yahudi itu jadi orang yang tara sala pa Dia pe muka, asal dorang percaya pa Yesus Kristus. Tuhan Allah so kase tau Kabar Bae tentang Yesus Kristus itu lebe kamuka pa Abraham bagini, “Dari ngana, samua suku bangsa di dunia mo dapa berkat.”

2 Timotius 2:25

Kalu ada orang yang malawang torang pe ajaran itu, torang musti ajar pa dia bae-bae deng hati yang tara sombong. Torang biking bagitu karna sapa tau, Tuhan Allah kase kesempatan pa dorang untuk bertobat la Tuhan mo ruba dorang pe cara bapikir, sampe dorang bole tau ajaran yang butul.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Ibrani 11:1

Sudara-sudara, skarang torang bicara tentang apa itu percaya pa Tuhan Allah. Percaya pa Tuhan Allah itu pe arti bagini: torang yakin torang akan tarima apa yang Tuhan Allah so janji pa torang, biar torang bolong dapa lia.

Ibrani 3:7

Jadi karna itu, dengar apa yang Roh Kudus bilang, “Hari ini, kalu ngoni dengar Tuhan Allah pe suara,

Ibrani 4:12

Barang, Tuhan Allah pe firman itu hidup deng ada kuasa. Firman itu bisa nilai samua torang pe pikiran deng torang pe maksut yang ada di torang pe hati. Tara ada satu yang bisa torang sambunyi. Firman itu lebe tajam dari parang yang muka-balakang tajam skali. Itu kalu kase pake bapotong, bisa sampe kase tabuka isi deng tulang-tulang samua.