2 Timotius 3:12 - Perjanjian Baru Bahasa Melayu Maluku Utara

¹² Memang samua orang yang percaya pa Kristus Yesus deng berusaha hidup iko Dia pe mau akan dapa siksa.

2 Timotius 3:12 ပူးပေါင်းရင်းမြစ်များ

Matius 16:24

Turus, Yesus bilang pa Dia pe murit-murit, “Sapa yang mo iko pa Kita, dia tara bole iko dia pe mau. Dia musti siap menderita sampe mati karna iko pa Kita, itu sama deng dia pikul dia pe salib, kong iko pa Kita.

Matius 23:34

Karna itu, dengar bae-bae. Kita mo utus pa nabi-nabi, orang-orang pande, deng guru-guru agama Yahudi yang ahli lima kitab Musa. Ada babarapa dari dorang yang ngoni mo bunu, kong yang laeng ngoni mo kase salib. Ada laeng lagi pa ngoni pe ruma-ruma ibada yang ngoni mo pukul deng tali yang ada barang tajam di dia pe ujung. Kong ada lagi yang ngoni mo dusu-dusu mo siksa pa dorang dari satu kota pigi di kota yang laeng.

Markus 10:30

dia itu di dunia ini mo dapa lagi saratus kali lipa: ruma, sudara laki-laki, sudara parampuang, mama, ana-ana deng kobong. Tapi biar bagitu me, dia akan dapa banya siksa lagi, kong nanti mo dapa hidup deng Tuhan Allah slama-lamanya.

Yohanes 16:2

Barang, deng ngoni iko pa Kita, nanti ada dia pe waktu, pemimpin-pemimpin agama Yahudi so tara kase bae pa ngoni mo baibada lagi di ruma-ruma ibada. Mala mo ada dia pe waktu lagi, orang-orang mo bunu pa ngoni, barang dorang pikir, itu Tuhan Allah pe mau.

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Yohanes 17:14

Kita so kase tau Bapa pe firman pa dorang yang iko pa Kita. Kong orang-orang di dunia ini yang tara percaya pa Bapa binci pa dorang, barang dorang yang iko pa Kita tara sama deng orang-orang yang tara percaya pa Bapa. Itu sama deng Kita lagi tara sama deng orang-orang yang tara percaya pa Bapa.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

1 Korintus 15:19

Deng torang yang masi hidup, kalu torang baharap pa Yesus Kristus la Dia mo tolong pa torang cuma sampe di dunia ini saja, torang ini suda orang-orang yang paling kasiang dari samua manusia.

2 Korintus 1:12

Sudara-sudara, yang biking torang pe hati sanang, itu karna tong pe dalam hati sandiri yang kase tau ini butul: torang pe kalakuang pa samua orang di dunia itu bae deng lebe-lebe lagi tong pe hubungan deng ngoni me bae. Torang pe hidup jujur, deng tong pe tujuan butul iko Tuhan Allah pe mau. Kong samua yang tong biking itu bukang karna tong iko manusia pe pande, tapi karna Tuhan Allah pe bae sampe tong mampo biking samua itu.

2 Korintus 4:9

Torang dapa siksa, tapi Tuhan tara perna kase tinggal pa torang sandiri. Biar torang dapa pukul sampe taguling-guling, tapi torang tara mati.

1 Timotius 2:2

Torang musti kase berdoa pa raja-raja deng pa pemimpin-pemimpin laeng, supaya torang bole hidup aman deng baku bawa bae-bae. Deng bagitu, torang bole hidup iko Tuhan Allah pe mau deng torang pe kalakuang yang pantas untuk orang yang so percaya pa Tuhan.

1 Timotius 3:16

Ajaran yang Tuhan Allah kase pa torang itu butul, kong pe bagus skali, tarada yang bisa lawan! Biar dulu orang bolong tau ajaran itu, skarang Tuhan Allah so kase tau pa torang bagini: Yesus so datang jadi manusia. Roh Kudus yang kase tunju pa torang Dia itu Orang yang butul, deng malaekat-malaekat lia pa Dia. Dia pe Kabar so tasiar sampe di bangsa-bangsa laeng, kong orang-orang di dunia ini percaya pa Dia. Tuhan Allah so angka pa Dia di sorga deng cara yang luar biasa.

1 Timotius 6:3

Ajaran ini dari Yesus Kristus torang pe Tuhan. Kalu iko ajaran itu, torang hidup iko Tuhan Allah pe mau. Tapi ada orang yang tara percaya torang pe ajaran itu, kong bawa ajaran yang sesat. Sapa yang kase ajar ajaran yang sesat,

Titus 1:1

Titus, salam dari kita Paulus. Kita ini jaga biking apa yang Tuhan Allah suru deng kita ini Yesus Kristus pe utusan yang orang sebut rasul. Kita jadi Dia pe rasul itu supaya kita kase tau Tuhan pe Kabar Bae pa orang-orang yang Dia so pili la dorang dapa slamat. Kita dapa tugas kase kuat dorang pe percaya deng kase tau pa dorang ajaran yang butul. Ajaran itu yang mo tolong pa dorang supaya dorang bisa hidup iko Tuhan Allah pe mau.

Titus 2:12

Tuhan kase Dia pe bae itu, biking torang jadi sadar la kase tinggal torang pe kalakuang yang tara iko Tuhan Allah pe mau deng yang cuma iko dunia pe mau. Deng bagitu torang mampo kuasai diri dalam sagala hal, jadi orang yang hidup butul pa Tuhan Allah pe muka, deng setia pa Dia di dunia skarang ini.

1 Petrus 3:14

Tapi biar lagi ngoni musti menderita karna biking barang yang butul, ngoni itu akan paling sanang. Karna itu, tara perlu ngoni tako pa sapa-sapa, deng jang ngoni hawater suda.

2 Petrus 3:11

Jadi karna samua itu nanti akan abis deng cara bagitu, torang yang hidup skarang ini musti hidup deng hati bersi, deng lagi hidup iko Tuhan Allah pe mau,

Wahyu 12:4

Kong deng dia pe ekor, dia hela satu bagian dari bintang-bintang di langit, yang sisa tinggal dua bagian. Bintang yang dia hela itu dia buang di bumi. Naga itu ka sana badiri mangada di parampuang yang mo melahirkan itu, la dia mo talang pa Anak waktu Anak itu lahir.

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.